Joshua 2:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie avwanre nyo obo rẹ Ọrovwohwo nẹrhẹ Abadi Ọvwavware na kpọ yamu rẹ ovwan vwo nẹ Ijipt cha, kugbe obo wo ru kẹ ivie ivẹ rẹ ihwo rẹ Amọr re hẹ ovrẹn ri Jọdan, kẹ Sihọn kugbe Ọg, ru wọ guọghọre tototo.

Joshua 2:10 Iomraidhean Croise

Une rẹ Ejiro 74:15

Wọwẹ re nẹrhẹ ogbugbu kugbe ẹtẹrhe varhe, wọwẹ re nẹrhẹ utọ rọ djẹ ọkere kpọ ya.

Ukeri 20:14

Mosis de ji ikọn nẹ Kadesh rhe bru ovie rẹ Idọm, Enẹ oniọvo wẹn Izrẹl tare: Wọ riẹn ukpokpogho ro te avwanre oma;

Ukeri 23:22

Ọghẹnẹ reyọ ayen nẹ otọ rẹ Ijipt rhe; ayen vwo ighoro kerẹ ighoro rẹ ọhrarhare.

Ukeri 24:8

Ọghẹnẹ re reyerọ nẹ Ijipt rhe; o de vwo ighoro rọ họhọ ighoro rẹ ọharhare, ọ cha re ẹgborho rẹ ivwighrẹn rọye ko vwirhi ibeku rayen ibribro, ọ me vwẹ edada rọye vwọ sa ayen fi.

Urhi Rivẹ 2:30

Ẹkẹvuọvo Sihọn ovie ri Hẹshbọn rhọvwere nẹ avwanre wan vrẹ-ẹn kidie Ọrovwohwo Ọghẹnẹ wẹn na ru udu rọye gangan, o de ji ru erhi rọye gan, rere Ọ vwọ mrasan phio phihọ obọ wẹn ọtiobo rọ epha nonẹ na.

Joshua 24:12

Mi de ji oro ka obaro kẹ ovwan, re djẹ ayen nẹ obaro rẹ ovwan, ivie ive re ihwo rẹ Amọr; ọ dianẹ kẹ ọlọkọ rẹ ovwan eyẹ umurhabọ rẹ ovwa-an.

Joshua 4:24

rere ihwo rẹ akpọ na ejobi vwọ riẹn nẹ obọ rẹ Ọrovwohwo re gan re; rere wọ vwọ sa djẹ oshọ rẹ Ọrovwohwo Ọghẹnẹ rẹ ovwan bẹdẹ.

Joshua 5:1

Ọke rẹ ivie rẹ ihwo rẹ Amọr ejobi re hẹ obo ovrẹn ri Jọdan vwẹ abọ rẹ obuko ọnre, kugbe ivie rẹ ihwo ri Kenan re dia kẹrẹ oma rẹ Abadi na, vwo nyo nẹ Ọrovwohwo ri ru ame ri Jọdan kpọ yamu rere ihwo rẹ Izrẹl yan wan otọ ọyaya vrẹn, udu rayen da wran, udu gbi rhe ayen awọ-ọ, fiki rẹ ihwo rẹ Izrẹl.

Joshua 9:10

kugbe obo ro ru kẹ ivie rẹ Amọr ivẹ re hẹ obo ovrẹn ri Jọdan, Sihọn ovie ri Hẹshbọn, kugbe Ọg ovie rẹ Bashan, rọ dia Ashtarọt.