Joshua 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Joshua rẹ ọmọ ri Nọn da bẹbẹ ji ihwo nẹ otọ ri Shitim nẹ i re dọrhẹ, tanẹ, Yanran, re ni otọ na, marho ki Jeriko. Ayen da yanran, ayen de rhi te uwevwi rẹ igberadja ọvo re se odẹ rọye Rehab, ayen de won phihọ etiyin

Joshua 2:1 Iomraidhean Croise

Jẹnẹsis 42:16

We ji ohwo ọvo vwẹ usun rẹ ovwan, rere ọ ra reyọ omoni rẹ ovwan na rhe, jẹn ovwan ri chekọ uwodi, kọna e vwo vughe uyota rẹ ovwan, sẹ ovwan ghine ihwo uyota, ọ rha dia ọtiọye-e, vwẹ ogangan ri Fero, o muẹro nẹ ogborhugborho ovwan ruẹ.

Jẹnẹsis 42:9

Josẹf da karohọ evwerhẹ rọ vwerhẹ kpahe ayen, ọ da ta kẹ ayen, Ovwan ogborhugborho, wa rhere re mrẹ ẹba rẹ otọ na.

Maika 6:5

E ihwo mẹ, karohọ iroro ri Balak ovie ri Moab jẹre, kugbe obo ri Balam ọmọ ri Biọ kpahe kẹ, kugbe obo re phiare nẹ Shitim re te Gilgal, rere wọ vwọ riẹn ona rẹ esivwo rẹ Ọrovwohwo na.

Ukeri 13:1

Ọrovwohwo na da ta kẹ Mosis,

Ukeri 13:2

Ji ihwo re dọrhẹ rẹ otọ ri Kenan na, re me vwọ kẹ ihwo rẹ Izrẹl na; vwẹ evun rẹ orua rẹ ọsẹ rayen ọvuọvo etiyin wo de ji ohwo ọvo, ohwo ọvuọvo rọ dia osun vwẹ uherevie rẹ ayen.

Ukeri 25:1

Ọke rẹ Izrẹl vwọ dia Shitim ihwo na vẹ emetẹ ri Moab ki koko gbe ọfanrhiẹn.

Ukeri 33:49

ayen de mu erhọn vwẹ oma ri Jọdan nẹ Bẹtjẹshmi-mọt rhiri re te Abel-shitim vwẹ uphephẹ ri Moab.

Matiu 1:5

Salmọn kọye ọsẹ rẹ Boaz ri Rehab vwieri, Boaz kọye ọsẹ rẹ Obẹd rẹ Rutu vwiẹri, Obẹd kọye ọsẹ rẹ Jesse,

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Ẹfesọs 5:5

Jẹ ọna mu ovwan ẹro, nẹ ọvwọfanrhiẹ eyẹ ohwo ro jẹfuọn, eyẹ ovwurhuru (kọye hẹ, ọgedjọ) vwo uku ọvuọvo vwẹ uvie ri Kristi kugbe Ọghẹnẹ na-a.

Hibru 11:31

Vwẹ esegbuyota ọye Rihab rẹ igberadja na vwo je ghwo kugbe ayen otu ri jẹ ọghọ emuo na, fikiridie ọ nabọ dede otu ri rhi dọrhẹ na.

Jems 2:25

Ọ rha je dia fiki rẹ iruo na e vwo se Rehab rẹ igberadja na ohwo esiri, ọ ro se erhorha na phihọ uwevwi, ro de djẹ idjerhe kẹ ayen?

Joshua 1:18

Kohwo kohwo ro gbe kpahe urhi wẹn na ro rhe mu ọghọ kẹ ota wẹ-ẹn, kurhi kurhi ri wo ji kẹ, ka teyọ hwe. Takpe goma re wo yivwaro ọvo.

Joshua 2:2

A da rhe vuẹ ovie ri Jeriko, Kighere, ihwo rẹ Izrẹl evo rhe etinẹ vwẹ ason na rhe guọnọ otọ rẹ otọ na.

Joshua 21:31

Helkat vẹ etọ rẹ egbri rọye, kugbe Rehob vẹ etọ rẹ egbri rọye–irere ẹne;

Joshua 3:1

Vwẹ irhiọke ride Joshua de vrẹn o de mu oyan nẹ Shitim, ọ ve ihwo rẹ Izrẹl ejobi; ayen de rhi te Jọdan, ayen won phihọ etiyin tavwe re ayen ke wanvrẹn.

Joshua 5:10

Ọke rẹ ihwo rẹ Izrẹl vwo mu erhọn vwi Gilgal ayen da re orẹ rẹ ẹwanvrẹn na vwẹ ẹdẹ ihwẹne rẹ emeranvwe na vwẹ ovwọnvwọn vwẹ uphẹphẹ ri Jeriko.

Iguẹdjọ 1:23

Uwevwi ri Josẹf de ji orhẹn kpo Bẹtẹl (Luz ọye odẹ re ke mu kẹ orere na vẹrhẹ.)

Iguẹdjọ 18:14

Etiyin eshare iyori re ke ji re dorhẹn rẹ otọ rẹ orere ri Laish, da ta kẹ imoni rayen nẹ, ovwan riẹnre nẹ ibuluku ọvo kugbe terafim, kugbe oma, kugbe oma re duvwuru herọ vwẹ uwevwi rọ oboyi na? Asakiephana gba jẹ iroro rẹ obe rẹ ovwan che ru

Iguẹdjọ 18:17

Etiyin eshare iyori re ke ji ra dorhẹn rẹ otọ rẹ orere na, da ro evun rẹ uwevwi na, ayen de mu oma na, kugbe ibuluku na, kugbe terafim na, kugbe oma re duvwuru na; yẹ orherẹn na mudia phihọ akakọ rẹ unu rẹ anurhoro na kugbe eshare uriorha na re ghwa ekuakua rẹ ofovwi na.

Iguẹdjọ 18:2

Fiki rẹ ọtiọye na ihwo ri Dan de ji eshare iyori re goma nẹ evun rẹ orua rayen rhe, vwi Zora kugbe Eshtaol, rhe bẹbẹ guọnọ otọ rẹ ayen dia; ayen da ta kẹ ihwo na nẹ, Ovwan yanran re ni otọ na Ayen da rhe orere rẹ ugbenu rẹ Ifrem, ayen da rhe uwevwi ri Mika, ayen de won phihọ oboyi.