Joshua 18:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ihwo ri Livae vwo ẹkẹn vwẹ ohri rẹ ovwa-an, kidie ughwẹ rẹ orherẹn rẹ Ọrovwohwo na ọye ẹkẹn uku rayen, te Gad te Ruben kugbe ubrọ rẹ orua ri Manasse reyọ ẹkẹn uku rayen nure vwẹ obo ovrẹn ri Jọdan vwẹ obaro ọnre, ri Mosis odibo rẹ Ọrovwohwo vwọ kẹ ayen.

Joshua 18:7 Iomraidhean Croise

Ukeri 18:20

Ọrovwohwo da ta kẹ Erọn, Wo che vwo uku vwẹ otọ raye-en, eyẹ wo ji vwo ẹkẹn vwẹ uherevie raye-en, mẹvwẹ ẹkẹn kugbe uku wẹn vwẹ uherevie rẹ ihwo rẹ Izrẹl na.

Ukeri 18:23

Ẹkẹvuọvo ihwo ri Livae keye ri ru iruo rẹ utughẹ ra da vwa oma na, kẹ ayen ghwa orukuruku rayen; kọ dia urhi ri bẹdẹ vwẹ evun rẹ uvwiẹ rayen ejobi; vwẹ ohri rẹ ihwo rẹ Izrẹl na ayen gbi che vwo ẹkẹn uku rohọ raye-en.

Ukeri 18:7

Te owẹ te ẹmo wẹn vẹ owẹ ki gbe ru iruo rẹ orherẹn na vwọ kpahe iruo rẹ agbada na ejobi kugbe obo re evun rẹ asan ra vwẹ amwa tan na, ku wọ cha ga ẹga. Me vwẹ iruo rẹ orherẹn na ru ẹse kẹ wẹ, ohwo ọfa ro rhi si kẹrẹ owẹ ejobi ka teyọ hwe.

Urhi Rivẹ 10:9

Vwẹ ọtiọye na Livae rhe vwo ẹkẹn eyẹ ukuẹriọ kugbe imoni rọye-e; Ọrovwohwo na ukuẹriọ rọye, kirobo rẹ Ọrovwohwo Ọghẹnẹ ta kẹ.)

Joshua 12:6

Mosis, odibo rẹ Ọrovwohwo na, vẹ ihwo rẹ Izrẹl de phi ayen kua, Mosis odibo rẹ Ọrovwohwo na da vwẹ otọ rayen ghare ihwo ri Rubẹn kugbe ihwo ri Gad kugbe ubro ri Manasse ughwẹ.

Joshua 13:33

Ẹkẹvuọvo Mosis ghare uku kẹ orua ri Livae-e, Ọrovwohwo Ọghẹnẹ rẹ Izrẹl ọye ukuẹriọ rayen, kirobo rọ ta ke ayen.