Joshua 18:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ku wo dje otọ na wọ gharọ ẹkẹn ighwrẹn rere wọ vwẹ obo wo djere te vwo rhe vwe vwẹ etinẹ, ki mi che duvwu itẹ kẹ ovwan vwẹ obaro rẹ Ọrovwohwo Ọghẹnẹ rẹ avwanre.

Joshua 18:6 Iomraidhean Croise

Une rẹ Ejiro 105:11

tanẹ, Wẹ me vwẹ otọ ri Kenan na kẹ kerẹ ẹkẹn uku wẹn.

Isẹ 16:33

E mu itẹ kpahe ekpoghowọ, ẹkẹvuọvo orhiẹn rọye obọ rẹ Ọrovwohwo o nẹ cha.

Isẹ 18:18

Itẹ ọye ri vwrẹ ufi rẹ aphro, o mi bru orhiẹn rẹ otu ri sivwe oseghe.

Ukeri 33:54

Ku wa riuku rẹ otọ na utetemute kirobo rẹ orua wẹn epha; orua rọ rhoro ku wọ vwẹ ẹkẹn rode kẹ, orua rọ hanvwere gba vwẹ ẹkẹn ọhanhanvwe kẹ; ẹkẹn rẹ itẹ rẹ ohwo muru ejobi, etiyin re dia ọrọye; kirobo rẹ orua rẹ ọsẹ rọye epha ọtiọye ọ je riuku na.

Ukeri 34:13

Mosis de ji urhi kẹ ihwo rẹ Izrẹl, tanẹ, ọnana otọ rẹ Ọrovwohwo tanẹ a vwọ kẹ orua irhiri kugbe abọvo rẹ orua na nẹ wa vwọ riuku utetemute;

Iruo rẹ Iyinkọn na 13:19

Ọke rọ vwọ guọghọ ẹgborho ighwrẹ vwẹ otọ ri Kenan nu, ọ da vwẹ uku rẹ otọ na kẹ ayen, kerẹ emu rẹ ikpe ujori ẹne gbẹ ujuvẹ gbẹ ihwe.

Joshua 14:2

Uku rayen na ite a vwọ gharọ, kirobo rẹ Ọrovwohwo ji urhi ki Mosis nọ gharọ kẹ orua irhiri gbe ubro na;

Joshua 18:10

Joshua de duvwu itẹ kẹ ayen vwi Shiloh vwẹ obaro rẹ Ọrovwohwo; etiyin Joshua da ghare otọ na ẹkẹnkẹn kẹ ihwo rẹ Izrẹl, dohwo dẹkẹn rọye.

Joshua 18:7

Ihwo ri Livae vwo ẹkẹn vwẹ ohri rẹ ovwa-an, kidie ughwẹ rẹ orherẹn rẹ Ọrovwohwo na ọye ẹkẹn uku rayen, te Gad te Ruben kugbe ubrọ rẹ orua ri Manasse reyọ ẹkẹn uku rayen nure vwẹ obo ovrẹn ri Jọdan vwẹ obaro ọnre, ri Mosis odibo rẹ Ọrovwohwo vwọ kẹ ayen.

Joshua 18:8

Etiyin ihwo na da yanran; Joshua de ji urhi kẹ ihwo ri re dje idjedje rẹ otọ na tanẹ, We kio rhe kio kpo ru we si obo rẹ otọ na epha, re we bru vwe rhe, ki mi duvwu itẹ kẹ ovwan vwi Shiloh vwẹ obaro rẹ Ọrovwohwo.