Joshua 18:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Joshua de duvwu itẹ kẹ ayen vwi Shiloh vwẹ obaro rẹ Ọrovwohwo; etiyin Joshua da ghare otọ na ẹkẹnkẹn kẹ ihwo rẹ Izrẹl, dohwo dẹkẹn rọye.

Joshua 18:10 Iomraidhean Croise

1 Ikun rẹ Ivie 24:5

E mu ama vwọ gharẹ ayen, ọtiọye e ru ayen ejobi, fikiridie ihwo re vwẹ ẹro te ẹshẹ na vẹ iruiruo rẹ Ọghẹnẹ vwẹ ohri rẹ emọ rẹ Eleaza, vẹ Itama.

Nehemaya 11:1

Asakiephana isun rẹ ihwo na ke Jerusalẹm edia, ihwo ri chekọ de mu itẹ re a reyọ ohwo ọvo vwẹ usun rẹ ihwe na rọ rhe dia Jerusalẹm orere ọfuanfon na, rere irhiri ri chekọ rha dia irho efa.

Une rẹ Ejiro 47:4

Ọ jẹ ughwẹ rẹ avwanre kẹ avwanre eheri ri Jekọp rọ guọnọre na!

Une rẹ Ejiro 61:5

Kidie wẹ, E Ọghẹnẹ, ri nyo ive mẹ, we re kẹ vwẹ ughwẹ rẹ ihwo re djẹ oshọ wẹn.

Isẹ 18:18

Itẹ ọye ri vwrẹ ufi rẹ aphro, o mi bru orhiẹn rẹ otu ri sivwe oseghe.

Jerimaya 7:12

Ke yanran kpo ẹdia mẹ rọ hẹ Shiloh, asan rẹ odẹ mẹ diare vwẹ ẹsosuọ, re wa mrẹ obo mi ruro fiki rẹ orukuruku rẹ ihwo mẹ Izrẹl.

Izikiẹl 47:22

Ku we bro ẹkuẹko rọ dia ẹkẹn uku kẹ oma rẹ ovwan kugbe erhorha re dia ohri rẹ ovwan ri ji vwiẹ emọ vwẹ ohri rẹ ovwan. Ayen ke dia kerẹ emotọ re vwiẹri vwẹ Izrẹl na; ayen vẹ ovwan keye a ghare uku na kẹ vwẹ ohri rẹ orua rẹ Izrẹl na.

Izikiẹl 48:29

Ọnana kọye otọ ru wọ cha ghare utute rọ dia uku vwẹ ohri rẹ orua rẹ Izrẹl, enana keye cha dia ẹkẹ rayen, eriyin Ọrovwohwo Ọghẹnẹ tare.

Maika 2:5

Fiki rẹ ọtiọye na wọ gbe cha mrẹ ohwo rọ vwẹ usli na duvwu itẹ-ẹ vwẹ evun rẹ ọghwẹgbe rẹ Ọrovwohwo na.

Ukeri 34:16

Ọrovwohwo da ta kẹ Mosis,

Matiu 27:35

Rẹ ayen vwọ karọ mu agbagba nu, ayen da bẹrẹ ewun rọye vwo duvwu itẹ.

Iyẹnrẹ Esiri ri Jọn 17:2

Ọtiobo re wọ vwẹ ogangan kẹ vwẹ vwẹ enu rẹ ihwo ejobi na, ke me vwẹ arhọ ro vwo oba-a kẹ ayen ejobi re wọ vwọ kẹ vwẹ.

Iruo rẹ Iyinkọn na 13:19

Ọke rọ vwọ guọghọ ẹgborho ighwrẹ vwẹ otọ ri Kenan nu, ọ da vwẹ uku rẹ otọ na kẹ ayen, kerẹ emu rẹ ikpe ujori ẹne gbẹ ujuvẹ gbẹ ihwe.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Kolose 1:12

Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

Joshua 14:2

Uku rayen na ite a vwọ gharọ, kirobo rẹ Ọrovwohwo ji urhi ki Mosis nọ gharọ kẹ orua irhiri gbe ubro na;

Joshua 14:5

Ihwo rẹ Izrẹl de ru kirobo rẹ Ọrovwohwo ji urhi kẹ Mosis, ayen da ghare otọ na ẹkẹnkẹn.

Joshua 18:11

Ute rẹ orua ri Benjamin kirobo rẹ ekru rọye epha, ubrotọ ro tere da hẹ uvwre rẹ orua ri Juda vẹ orua ri Josẹf.

Joshua 18:6

Ku wo dje otọ na wọ gharọ ẹkẹn ighwrẹn rere wọ vwẹ obo wo djere te vwo rhe vwe vwẹ etinẹ, ki mi che duvwu itẹ kẹ ovwan vwẹ obaro rẹ Ọrovwohwo Ọghẹnẹ rẹ avwanre.

Joshua 18:8

Etiyin ihwo na da yanran; Joshua de ji urhi kẹ ihwo ri re dje idjedje rẹ otọ na tanẹ, We kio rhe kio kpo ru we si obo rẹ otọ na epha, re we bru vwe rhe, ki mi duvwu itẹ kẹ ovwan vwi Shiloh vwẹ obaro rẹ Ọrovwohwo.

Joshua 18:9

Etiyin ihwo na da yanran re kio otọ na rhe kio kpo ayen de sio phihọ ọbe vwẹ orhorho ẹkẹn ighwrẹn, etiyin ayen de bru Joshua rhe vwẹ obo erhọn na vwi Shiloh.

Joshua 19:51

Enana keye uku rẹ Eleazar rẹ orherẹn kugbe Joshua rẹ ọmọ ri Nọn kugbe igbuyovwi rẹ esẹ rẹ iwevwi rẹ orua rẹ ihwo rẹ Izrẹl vwẹ itẹ ghare vwi Shiloh vwẹ obaro rẹ Ọrovwohwo vwẹ anurhoro rẹ utughẹ ra da vwa oma na. Etiyin ayen da ghare otọ na ejobi re.

Joshua 23:4

Nighere, me ghare ẹgborho ri chekọ na utute kẹ erua rẹ ovwan re ọ dia ẹkẹn uku rẹ ovwan, vwọ ba ẹgborho ri mi bru kufia nure na, nẹ Jọdan re te Abadi Rode na vwẹ obuko ọnre.