Joshua 17:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ayen de bru Eleazar rẹ orherẹn na rhe kugbe Joshua rẹ ọmọ ri Nọn kugbe isun na, ayen da ta, Ọrovwohwo ji urhi kẹ Mosis nẹ ọ kẹ avwanre uku vwẹ ohri rẹ imoni rẹ avwanre. Kirobo rẹ Ọrovwohwo ji urhi kẹ na ọ da ghare uku kẹ ayen vwẹ ohri rẹ emọ rẹ esẹ rayen.

Joshua 17:4 Iomraidhean Croise

Ukeri 27:1

Etiyin emetẹ ri Zelofehad rẹ ọmọ ri Hefar, rẹ ọmọ ri Giliad, rẹ ọmọ ri Makiya, rẹ ọmọ ri Manasse, de nẹ orua rẹ ihwo ri Manasse rhe rẹ ọmọ ri Josẹf. Edẹ rẹ emetẹ rọye na da dia: Mahlah, Noa, Hoglah, Milkah, kugbe Tirzah.

Ukeri 27:4

Die sorọ a vwọ reyọ odẹ rẹ ọsẹ rẹ avwanre nẹ evun rẹ orua rọye, fiki robo ro vwiẹ ọmọshare-e? Kẹ avwanre ughwẹ vwẹ uherevie rẹ imoni rẹ ọsẹ rẹ avwanre.

Ukeri 36:10

Emetẹ rẹ Zelofehad de ru kirobo rẹ Ọrovwohwo ji urhi kẹ Mosis,

Galesha 3:28

O gbi vwo ohwo ri Ju eyẹ Grik, o gbi vwo ọviẹn eyẹ ọmuvwiẹ-ẹ, o gbi vwo ọshare eyẹ aye-e, ovwan ejobi kẹ ọvuọvo vwi Jesu Kristi.

Joshua 14:1

Enana keye uku re Ihwo rẹ izrẹl ghware vwẹ otọ ri Kenan, rẹ Eleazar rẹ orherẹn na, kugbe Joshua rẹ ọmọ ri Nun, vẹ igbuyovwi rẹ uwevwi rẹ esẹ rẹ orua rẹ ihwo rẹ Izrẹl ghare kẹ ayen.

Joshua 17:5

Kọye ẹkẹn ihwe soso ọye te Manasse, vwọ ba otọ ri Gilead kugbe Bashan, rẹ obo ovrẹn ri Jọdan;

Joshua 21:1

Etiyin igbuyovwi rẹ uwevwi rẹ esẹ re ihwo ri Livae de bru Eleazar rẹ orherẹn na rhe kugbe Joshua rẹ ọmọ ri Nọn kugbe igbuyọvwi rẹ uwevwi rẹ esẹ rẹ orua rẹ ihwo rẹ Izrẹl na;