Joshua 17:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ ẹkẹvuọvo orho rọ hẹ obenu rẹ ugbenu na ejobi kọ dia ọ rẹ ovwan owene ọ dia egbo dede, ovwan wan rere ọ dia ọ rẹ ovwan re duvwu asan re ughwru rọye bare; kidie wa cha dje ihwo ri Kenan na no, owene ayen vwo idjighere rẹ utehru dede, owene ayen gan oma.

Joshua 17:18 Iomraidhean Croise

Jẹnẹsis 49:24

dede na umurhabọ rọye yegherii, Etiyin abọ rọye ke tua vwẹ obọ rẹ Ogangan ọvuọvo ri Jekọp (vwẹ odẹ rẹ Osuigodẹ, Orhaga rẹ Izrẹl).

2 Samuẹl 18:6

Ihwo rẹ ofovwi na da ro uphephe vwọ so ihwo rẹ Izrẹl; aghwa rẹ Ifrem a da họnre ofovwi na.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

Urhi Rivẹ 33:17

Erhuẹn re otuvwiẹ rọye vwo ẹgba, ighoro rọye kerẹ ighoro rẹ erhuẹn rọ djoma; kọ cha vwẹ ayen djẹ ihwo na, djẹ ayen ejobi, kpo oba rẹ akpọ na, ọtiọye uriori ihwe rẹ Ifrem epha, ọtiọye je uriori ri Manasse.

Hibru 13:6

Kẹ avwanre sa vwẹ obọ saudu nẹ, Ọrovwohwo hẹ ọchuko mẹ, oshọ gbi mu uvwe-e; kidie ohwo se ru kẹ vwẹ?

Joshua 13:6

Ihwo re dia obo orere rẹ ugbenu nẹ Lebanọn re te Misrefotmaim, tobọ ihwo ri Sidọn ejobi. Mẹvwẹ ọvo re cha dje ayen no kẹ ihwo rẹ Izrẹl, emu ọvo wo che ru ọ na, ku wọ ghare otọ na kẹ Izrẹl vwọ riuku, kirobo ri mi ji urhi kẹ wẹ.

Joshua 15:9

etiyin ughwru na de rhe mu nẹ enu rẹ ugbenu na re te ogbugbu rẹ Ame ri Neftoah, nẹ etiyin re te irere rẹ Ugbenu rẹ Efrọn, etiyin ughwru na de rhe gunu re te Baalah (kọye Kiriatjearim),

Joshua 17:17

Etiyin Joshua da ta kẹ uwevwi ri Josef, kẹ Ifrem vi Manasse, Ovwan ghine ihwo buebu, ovwan je gan oma gangan; ọ dia ẹkẹn ọvuọvo ri che te ovwa-an,

Joshua 20:7

Etiyin ayen de phi Kedẹsh vwi Galili vwẹ obo orho rẹ ugbenu ri Naftali phihọ ovwanrhe, kugbe Shikẹm vwẹ obo orho rẹ ugbenu vwẹ Ifrem, kugbe Kiriatarba kọye Hebrọn vwẹ obo orho rẹ ugbenu ri Juda.

1 Samuẹl 1:1

Ọshare ọvo herọ vwi Ramataim-zophim vwẹ obo orho rẹ ugbenu rẹ Ifrem, re se odẹ rọye Elkanah, ọmọ rẹ Elihu, rẹ ọmọ ri Tohu, rẹ ọmọ ri Zuf, ohwo rẹ Ifrem.