Joshua 17:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Orua ri Josef da ta kẹ Joshua, tanẹ, Die nẹrhẹ wọ kẹ vwẹ ẹkẹn ọvuọvo kpoi nọ dia ẹkẹn uku mẹ, yu wọ mrẹ nẹ avwanre epha buebu, rẹ Ọrovwohwo vwo bruphihọ kẹ avwanre nure na?

Joshua 17:14 Iomraidhean Croise

Jẹnẹsis 48:19

Ẹkẹvuọvo ọsẹ rọye da sen tanẹ, Me riẹnre mọmẹ, Me riẹnre, okpuyovwi rọye je cha dia ohwo rhe, ọ je cha rho; dede na oniọvo rọye rẹ otete na cha rhonọ, uvwiẹ rọye che hirhe ẹgborho rode.

Jẹnẹsis 48:20

Ọtiọye kọye ọ nẹ ẹrhovwo kẹ ayen vwẹ ẹdẹ yena tanẹ, Oma wẹ yẹ Izrẹl wan nẹ ẹrhovwo tanẹ, Ọghẹnẹ ru we kiri Ifrem vi Manasse; kẹ etiọye ọ vwẹ Ifrem ka obaro ki Manasse.

Jẹnẹsis 48:22

Ọ rọ ma rho ejobi Me vwọ kẹ wẹ ọ dia emesẹ wẹ-ẹn, ọghwrọrọ ọvo re Me vwẹ ọlọkọ vẹ umurhabọ mẹ vwọ reyọ mie ihwo rẹ Amọr.

Izikiẹl 48:5

Ọ rọ ghwabọ kpahe ubrakpọ ri Manasse, nẹ abọ rẹ obaro ọnre re te obuko ọnre, Ifrem, ẹkẹn ọvo.

Ukeri 13:7

vwẹ orua rẹ Isaka, Igal rẹ ọmọ ri Josẹf,

Ukeri 26:54

Ẹgborho ọrhuarho wọ me vwẹ ẹkẹn uku ọrhuarho kẹ, ẹgborho otete gba vwẹ ẹkẹn uku otete vwọ kẹ; kẹgborho kẹgborho ko vwo ẹkẹn uku rọye kirobo ro bute.

Ukeri 36:12

Ayen da rọvwọ vwẹ evun rẹ uvwiẹ rẹ emọ ri Manasse rẹ ọmọ ri Josef, ẹkẹ uku rayen da daji evun rẹ orua rẹ ọsẹ rayen na.

Joshua 16:4

Ihwo ri Josẹf, Manasse vẹ Ifrem, da reyọ ekẹn uku rayen.

Joshua 17:15

Joshua da ta kẹ ayen, Ovwan da dia ihwo buebu, we gbe kpo obo egbo na, re we re she kẹ oma rẹ ovwan vwẹ obo otọ rẹ ihwo ri Periz kugbe Refaim, rẹ orho rẹ obo ugbenu rẹ Ifrem na vwọ hwa nọ kẹr ovwan na.