Joshua 17:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ẹkẹvuọvo ọke rẹ ihwo rẹ Izrẹl rhe vwọ gan oma re, kẹ ayen gba ihwo ri Kenan na vwọ wian owian, ayen gbe rha djẹ ayen no kakare-e.

Joshua 17:13 Iomraidhean Croise

Jẹnẹsis 49:15

ọ mrẹre nẹ ẹdia rẹ urovwoma yovwiri, nẹ otọ na ji vwo erhuvwu, ọtiọye o de gbe igabọ otọ mu, ọ da rhe dia ọviẹn rẹ owian.

2 Samuẹl 3:1

Ofovwi okrekri da rhe dia vwẹ uwevwi ri Sọl vẹ uwevwi ri Devid; Devid da rhe goma phihọ jẹ uwevwi ri Sọl rha vwiẹrẹ phihọ.

1 Ivie 9:21

uvwiẹ rayen ri chekọ kẹ ayen vwẹ otọ na, rẹ ihwo rẹ Izrẹl sa guọghọ re kakare-e–enana keye Solomọn vwo ru eviẹn rọ gba vwo ru iruo, kẹ ọtiọye ayen epha rhi te nonẹ na,

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Filipae 4:13

Mi se ru emu ejobi vwi Kristi rọ kẹ vwẹ ogangan.

Joshua 16:10

Dede na ye ayen sa djẹ ihwo ri Kenan re dia otọ na ejobi vwi Geza no-o; ọtiọye na ihwo ri Kenan ke dia uherevie rẹ ihwo rẹ Ifrem rhi te nonẹ na ẹkẹvuọvo ayen da rhe dia eviẹn ra gba vwo ruẹ iruo.

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

Iguẹdjọ 1:28

Ọke re Izrẹl rhe vwọ goma re, ayen da vwẹ ẹgba mu ihwo ri Kenan na vwo ru iruo, ẹkẹvuọvo a gbe djẹ ayen ejobi nẹ otọ na-a.

Iguẹdjọ 1:30

Zẹbulọn gbe djẹ ihwo ri Kitrọn na no-o, eyẹrẹ ihwo rẹ Nahalol, ẹkẹvuọvo ihwo rẹ Kenan vẹ ayen da dia kugbe, Etiyin kẹ ayen gba ayen vwo ru iruo.

Iguẹdjọ 1:33

Naftali gbe djẹ ihwo re Bẹtshemẹsh no-o, eyẹrẹ ihwo ri Betanat, ẹkẹvuọvo ayen da dia kugbe ihwo ri Kenan ihwo ri vwo otọ na, dede na ihwo ri Bẹtshemẹsh kugbe ihwo ri Betanat de rhi hirhe phihọ ihwo ra gba vwo ru iruo.

Iguẹdjọ 1:35

ihwo rẹ Amọr ji churu mu Harherẹs, vwẹ Aijalọn, kugbe Sha-albim, ẹkẹvuọvo obọ rẹ uwevwi ri Josẹf da tua nọ kẹ ayen, ọtiọye na ayen de rhi hirhe phihọ ihwo ra gba vwo ru iruo.