Joshua 17:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Jẹ emọ ri Manasse sa reyọ irere yena-a, ẹkẹvuọvo yẹ ihwo ri Kenan ji churu mu otọ yena rẹ ayen dia.

Joshua 17:12 Iomraidhean Croise

1 Ivie 9:21

uvwiẹ rayen ri chekọ kẹ ayen vwẹ otọ na, rẹ ihwo rẹ Izrẹl sa guọghọ re kakare-e–enana keye Solomọn vwo ru eviẹn rọ gba vwo ru iruo, kẹ ọtiọye ayen epha rhi te nonẹ na,

Joshua 15:63

Ẹkẹvuọvo ihwo ri Jebu, ihwo re dia Jerusalẹm, ihwo ri Juda sa djẹ ayen no-o; koye ihwo ri Jebu vẹ ihwo ri Juda da dia vwi Jerusalẹm rhi te nonẹ na.

Joshua 16:10

Dede na ye ayen sa djẹ ihwo ri Kenan re dia otọ na ejobi vwi Geza no-o; ọtiọye na ihwo ri Kenan ke dia uherevie rẹ ihwo rẹ Ifrem rhi te nonẹ na ẹkẹvuọvo ayen da rhe dia eviẹn ra gba vwo ruẹ iruo.