Joshua 13:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ ne Aroer, rọ egbẹ re iyara re Anọn, kugbe orere rọ uherevie rẹ iyara na, kugbe ihwo re dia uphephẹ rẹ ubrotọ ri Medeba rhiri re te Dibọn;

Joshua 13:9 Iomraidhean Croise

2 Samuẹl 24:5

Ayen da shariẹ Jọdan ayen de mu phihọ nẹ Aroer nẹ orere rọ uherevie rẹ iyara kpo ẹbẹre ri Gad kpo Jazer.

1 Ikun rẹ Ivie 19:7

Ayen da yare ekpẹrẹ uriori ọgba gbẹ ivẹ rẹ ofovwi kugbe ovie ri Makah vẹ unuofovwi rọye rhe, rhi muerhọn phihọ obaro ri Medeba. Ihwo rẹ Ammọn de si koko gbidi nẹ irere rayen rhe rhe ofovwi.

Nehemaya 11:25

Vwọ kpahe ẹko na, vẹ udju rayen, ihwo rẹ Juda ẹvo dia Kiriatarba vẹ ẹko rọye, kugbe Dibon ve ẹko rọye, kugbe Jekabzeel vẹ ẹko rọye,

Aizaya 15:2

Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Jerimaya 48:18

Wotọ rhe nẹ urinrin wẹn, wọ tidia vwẹ otọ ọyaya, E ihwo ri Dibọn! Kidie ọghwọrọ ri Moab rhi bru vwa wẹ re; ọ guọghọ ogba ọgangan wẹn nure.

Jerimaya 48:22

vẹ Dibọn, vẹ Nebo, vẹ Bẹtdiblataim,

Jerimaya 48:8

Ọghwọrọ na cha ro orere korere, o gbi vwo orere ọvuọvo rọ cha vabọ-ọ, iyara na cha guọghọ, asan ophephẹ na ka cha ghwọrọ kirobo rẹ Ọrovwohwo tarọ na.

Ukeri 21:30

Ọtiọye uvwiẹ rayen ghwọrọ kufia nẹ Heshbon rhiri re te Dibọn, avwanre da guọghọ re tototo tavwe re erhanre na ke torhẹ rhiri re te Medẹba.

Urhi Rivẹ 2:36

Nẹ Aroer, rọ hẹ unu rẹ iyara rẹ Anọn na, ji nẹ orere rọ evun rẹ iyara na, tobọ re te Giliad, o vwo orere ọvuọvo rọ rho nọ kẹ avwanre-e; Ọrovwohwo Ọghẹnẹ rẹ avwanre na phi ayen ejobi phihọ abọ rẹ avwanre.

Urhi Rivẹ 3:12

Otọ nana avwanre reyọre vwo ru asan ra dia vwẹ ọke yena; nẹ Aroer, rọ akakọ rẹ iyara rẹ Anọn na, kugbe abọvo rẹ orere rẹ ugbenu ri Giliad na, vẹ irere re herọ ejobi, Me vwọ kẹ ihwo ri Reubẹn vẹ ihwo ri Gad;

Urhi Rivẹ 3:16

te ihwo ri Reubẹn vẹ ihwo ri Gad Me vwẹ Giliad kẹ re te iyara rẹ Anọn, uherevie rẹ iyara na, kugbe ughwru rọ herọ ejobi re te urhie ri Jabọk, rọ dia ughwru rẹ emọ rẹ Ammọn;

Joshua 12:2

Sihọn ovie rẹ ihwo rẹ Amọr rọ dia Hẹshbọn, rọ dia obo Aroer de suẹn, rọ hẹ egbẹ rẹ iyara rẹ Arnọn, ji nẹ uherevie rẹ iyara na rhiri re te urhie ri Jabọk, ughwru rẹ ihwo rẹ Ammọn, kọye ubro ri Gilead,

Joshua 13:10

kugbe irere ri Sihọn ejobi ovie rẹ ihwo re Amọr, rọ ria vwi Heshbọn, rhiri re te ughwru rẹ ihwo rẹ Ammon,

Joshua 13:16

Ọtiọye ubrotọ rayen da hẹre nẹ Aroer, ro egbẹ rẹ iyara rẹ Anọn, kugbe orere rọ uherevie rẹ iyara na, kugbe uphephẹ na ejobi rọ kẹrẹ Medeba,

Joshua 13:8

Kugbe ubro rẹ orua ri Manasse ro chekọ ihwo ri Rubẹn ihwo ri Gad da reyọ ẹkẹn uku rayen, ri Mosis vwọ kẹ ayen, vwẹ obo ovrẹn ri Jọdan vwẹ obaro ọnre, kirobo ri Mosis odibo rẹ Ọrovwohwo vwọ kẹ ayen,