Joshua 13:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Asakiephana gba ghare otọ nana rọ dia ukuẹriọ kẹ orua irhiri na kugbe ubro rẹ orua ri Manasse.

Joshua 13:7 Iomraidhean Croise

Une rẹ Ejiro 105:44

Ọ da vwẹ otọ rẹ ẹgborho na kẹ ayen; ayen da reyọ eyere rẹ emamọ rẹ ihwo na wian phihọ,

Une rẹ Ejiro 78:55

Ọ da djẹ ẹgborho nẹ obaro kẹ ayen; ọ da ghare otọ na ẹkuẹko kẹ ayen ọ da vwẹ itughẹ royen vwọ kẹ orua rẹ Izrẹl dia.

Izikiẹl 45:1

Ọke wọ da cha gharẹ otọ na ẹkẹnkẹn, wo mi phi ẹkẹn vwọ hẹ akakọ kẹ Ọrovwohwo vwẹ usun rẹ otọ na rọ dia ubrotọ ọfuanfọn, ugrọgro rọye kubit uriorin uje gbẹ iyorin ohẹhẹre rọye kubit uriorin uje, ko dia fuanfon vwẹ asan rọ rho te ejobi.

Ukeri 33:54

Ku wa riuku rẹ otọ na utetemute kirobo rẹ orua wẹn epha; orua rọ rhoro ku wọ vwẹ ẹkẹn rode kẹ, orua rọ hanvwere gba vwẹ ẹkẹn ọhanhanvwe kẹ; ẹkẹn rẹ itẹ rẹ ohwo muru ejobi, etiyin re dia ọrọye; kirobo rẹ orua rẹ ọsẹ rọye epha ọtiọye ọ je riuku na.

Ukeri 34:13

Mosis de ji urhi kẹ ihwo rẹ Izrẹl, tanẹ, ọnana otọ rẹ Ọrovwohwo tanẹ a vwọ kẹ orua irhiri kugbe abọvo rẹ orua na nẹ wa vwọ riuku utetemute;

Joshua 13:6

Ihwo re dia obo orere rẹ ugbenu nẹ Lebanọn re te Misrefotmaim, tobọ ihwo ri Sidọn ejobi. Mẹvwẹ ọvo re cha dje ayen no kẹ ihwo rẹ Izrẹl, emu ọvo wo che ru ọ na, ku wọ ghare otọ na kẹ Izrẹl vwọ riuku, kirobo ri mi ji urhi kẹ wẹ.

Joshua 13:8

Kugbe ubro rẹ orua ri Manasse ro chekọ ihwo ri Rubẹn ihwo ri Gad da reyọ ẹkẹn uku rayen, ri Mosis vwọ kẹ ayen, vwẹ obo ovrẹn ri Jọdan vwẹ obaro ọnre, kirobo ri Mosis odibo rẹ Ọrovwohwo vwọ kẹ ayen,

Joshua 14:2

Uku rayen na ite a vwọ gharọ, kirobo rẹ Ọrovwohwo ji urhi ki Mosis nọ gharọ kẹ orua irhiri gbe ubro na;