Joshua 13:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ubrotọ rayen ki Jaza, kugbe irere ri Gilead ejobi, kugbe ubro rẹ otọ rẹ ihwo rẹ Ammọn, re te Aroer, rọ obaro ọnre vwi Rabbah,

Joshua 13:25 Iomraidhean Croise

2 Samuẹl 11:1

Vwẹ ọke evwru vwẹ ukpe, ọke rẹ ivie vwo kpo ofovwi, Devid de ji Joab, vẹ idibo rọye ri nene, kugbe Izrẹl ejobi; ayen de gborho ihwo ri Ammọn, ayen da kpare imu kpo Rabbah. Ẹkẹvuọvo Devid daji obi Jerusalẹm.

2 Samuẹl 12:26

Vwẹ ọke yena Joab de phi Rabbah rẹ ihwo rẹ Ammọn, ọ da reyọ otorho rẹ ovie rayen.

2 Samuẹl 24:5

Ayen da shariẹ Jọdan ayen de mu phihọ nẹ Aroer nẹ orere rọ uherevie rẹ iyara kpo ẹbẹre ri Gad kpo Jazer.

1 Ikun rẹ Ivie 26:31

Vwọ kẹ ihwo ri Hibrọn, Jerija ọye olori rẹ ihwo ri Hibrọn kuvwiẹ kuvwiẹ yẹrẹ uwevwi rẹ esẹ na (vwẹ ikpe ujuvẹ rẹ ẹriọ ri Devid, a da rhe guọnọ a da mrẹ ihwo ri me vwo ogangan keye ihwo ri Jaza vwi Giliad)

Aizaya 16:8

Kidie ikoghe ri Hẹshbọn herọ laghoma; kugbe vain ri Sibmah, isun rẹ irere na nyavwe eghọn rọye she ghwiotọ ri gro te Jazer ri ghwru kpo obo aton; awọ rọye tan ro isi e da wan abadi vrẹn.

Aizaya 17:2

Ka kua nẹ irere rọye bẹdẹ; ke cha dia ẹdia rẹ igodẹ, ri che sherhẹ te otọ, ohwo ọvuọvo gbe djẹ oshọ mu aye-en.

Jerimaya 48:32

Me viẹ kẹ Jaza nọ wẹ E vain ri Sibma! Eghọn wẹn shariẹ abadi vrẹn rhiri re te obi Jaza; vwẹ enu rẹ emamọ rẹ ọkeuvo wẹn kugbe vain. Oghwọrọ na de she teyọ.

Izikiẹl 21:20

Ka oka phihọ idjerhe rẹ ọlọkọ na cha wan kpo Rabah rẹ ihwo rẹ Ammọn re te Juda re fi Jerusalẹm ra gba ogba riariẹ na.

Emọs 1:14

Vwẹ ọtiọye na ki mi che koko erhanre phihọ igbẹhẹ ri Rabah, kọ tọrhẹ ogba ọgangan rọye, re unuebo vwẹ ẹdẹ rẹ ofovwi, vẹ ọgbogho vwẹ ẹdẹ rẹ ogiribo;

Ukeri 21:32

Mosis ji ihwo re dọrhẹ ri Jazer; ayen da reyọ ẹko rọye, ayen da ghwẹ ekuakua rẹ ihwo rẹ Amọr re dia etiyin reyọ.

Ukeri 32:35

Atrot-Shofan, Jazer, Jogbehah,

Urhi Rivẹ 2:19

wo si kẹrẹ obaro rẹ emọ re Ammọn, wo kpokpo aye-en wo nene ayen họnra-a; kidie Me sa vwẹ otọ rẹ emọ rẹ Ammọn kẹ wẹ dia-a, fikiridie Me vwẹ rọ kẹ emọ ri Lọt nẹ ayen dia.

Urhi Rivẹ 3:11

(Kidie Ọg ovie ri Bashan na ọvo chekọ vwi Rifem; nighe, ehwa rọye ehwa rẹ utehru; ehwa na rha hẹ Raba rẹ ihwo rẹ Ammọn? ugrogro rọye kubit irhiri, ohẹhẹre rọye kubit ẹne, kirobo rẹ ichihi rẹ ohwo epha?

Joshua 13:11

kugbe Gilead, kugbe ubrakpọ ri Geshur vi Maakat, vẹ Ugbenu ri Hẹrmọn, vi Bashan ejobi re te Salekah,

Joshua 13:24

Mosis da ghare uku kẹ orua rẹ Gad, kirobo rẹ ekru rayen epha.

Joshua 13:26

nẹ Hẹshbọn re te Ramat-mizpeh vẹ Betonim, ji nẹ Mahanaim re te ubrakpọ ri Deba,

Joshua 21:39

Heshbọn vẹ etọ rẹ egbri rọye, Jaza vẹ etọ rẹ egbri rọye–ayen ejobi irere ẹne.

Iguẹdjọ 5:17

Giliad da daji ẹbẹre oboyi ri Jọdan; kugbe Dan, die sorọ ọ vwọ dia evun rẹ eko? Asha tidia gbiẹi vwe obọ erhuru re urhie, ọ ghwa dia kerẹ asan ro gbo phihọ na.