Joshua 12:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Sihọn ovie rẹ ihwo rẹ Amọr rọ dia Hẹshbọn, rọ dia obo Aroer de suẹn, rọ hẹ egbẹ rẹ iyara rẹ Arnọn, ji nẹ uherevie rẹ iyara na rhiri re te urhie ri Jabọk, ughwru rẹ ihwo rẹ Ammọn, kọye ubro ri Gilead,

Joshua 12:2 Iomraidhean Croise

Jẹnẹsis 32:22

Vwe ason yena ovuọvo na o de vrẹn o da reyọ eya rọye ive, kugbe esarobọ rọye ivẹ, kugbe emọ rọye uhwọvo na, ọ da wan uto ri Jabọk vrẹn.

1 Ikun rẹ Ivie 5:8

kugbe Bela rẹ ọmọ rẹ Azaz, rẹ ọmọ ri Shema rẹ ọmọ ri Joẹl, rọ dia Aroer, rhiri re te Nebo kugbe Baalmeom.

Nehemaya 9:22

Wọwẹ re kẹ ayen uvie kugbe ihwo, wọ da ghare asan re otọ na teri ejobi kẹ ayen, ọtiọye ayen de vwo otọ ri Sihọn ovie ri Heshbọn kugbe otọ ri Ọg ovie ri Bashan.

Une rẹ Ejiro 135:11

Sihon, ovie rẹ ihwo rẹ Amọr, kugbe Ọg, ovie ri Bashan, kugbe uvie ri Kenan ejobi,

Jerimaya 48:19

Mudia vwẹ oma rẹ idjerhe wọ rhẹrẹ, E ihwo re dia Aroa! Nọ ọshare rọ djẹ vẹ aye rọ djẹ vabọ; nẹ, Die phiare vwo?

Urhi Rivẹ 1:4

ro vwo phi Saihọn ovie rẹ Amọr kuanu, ohwo rọ dia Heshbọn, kugbe ọg, ovie ri Bashan, ro dia Ashtarọt, rẹ Edrei;

Iguẹdjọ 11:13

Oviẹ rẹ ihwo rẹ Ammọn na da kpahe kẹ ikọn ri Jẹfta na nẹ, Fikiridie ọke rẹ Izrẹl vwo nẹ obi Ijipt cha o de mie vwe otọ rẹ Arnọn vi Jabbọk kugbe Jọdan; Asakiephana me guọnọre nẹ o siobọ nẹ otọ na kẹ vwẹ dẹndẹn.

Iguẹdjọ 11:22

Ayen da reyọ otọ rẹ ihwo rẹ Amọr ejobi nẹ obo Arnọn re te Jabbọk nẹ obọ aghwa na re te Jọdan.