Joshua 12:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana enana hẹ ivie rẹ otọ na, rẹ ihwo rẹ Izrẹl phi kua na, rẹ ayen da reyọ otọ rayen rẹ hẹ abọ oboyi ri Jọdan vwẹ abọ rẹ ọnre da vacha, nẹ iyara rẹ Arnọn re te Ugbenu ri Hermọn, re te obo Araba vwẹ obaro ọnre:

Joshua 12:1 Iomraidhean Croise

1 Ivie 4:19

Gebar ọmọ rẹ Uri, vwẹ otọ ri Giliad, orho ri Sihọn ovie rẹ Amọr kugbe Ọg ovie ri Bashan. Oruiruo ọvo je hẹ otọ ri Juda.

Une rẹ Ejiro 133:3

Ọ họhọ evwru rọ hẹ enu ri Hammọn, ro tue kuẹ ugbenu ri Zayọn! Kidie etiyin Ọrovwohwo phi ẹrhovwo rọye phihọ, arhọ ri bẹdẹ.

Une rẹ Ejiro 136:21

o da vwẹ otọ rayen vwọ kẹ ayen vwọ re uku, kidie ẹguọnọ rọye rọ je rhẹriẹ na dia rhiri bẹdẹ,

Une rẹ Ejiro 89:12

Te obọrhe ọnre te obọhwere ọnre, wọwẹ re ma ayen. Tabọ kugbe Hammon re jiri odẹ wẹn vẹ aghọghọ.

Aizaya 16:2

Kerẹ ọmọphran rọ teyọ ibekpe, kerẹ emephran boba ra zaghare, eriyin emetẹ ri Moab epha vwẹ ushuame rẹ Arnọn.

Ukeri 21:13

Ayen de mu oyan nẹ etiyin, ayen de mu erhọn phihọ abọ oboyi rẹ Arnon, ro evun rẹ aton, rọ riẹn nẹ ughwru rẹ Amọr rhe; kidie Arnon hẹ ughwru ri Moab, uvwre ri Moab vẹ Amọr.

Ukeri 21:21

Etiyin Izrẹl de ji ikọn bru Sihọn ovie rẹ ihwo rẹ Amọr tanẹ,

Ukeri 21:24

Izrẹl da vwẹ ọlọkọ nyavwọ hwe, ọ da reyọ otọ rọye nẹ Arnon re te Jabbọk, rhiri re te ihwo rẹ Ammọn, kidie Jazer ọye ughwru rẹ ihwo rẹ Ammọn.

Ukeri 32:19

Kidie avwanre che nene ayen riuku rẹ ẹbẹre rivẹ ri Jọdan na-a ji kugbe abọ oboyi rọye; kidie ẹkẹn uku rẹ avwanre ẹbẹre obonẹ ri Jọdan ọ epha vwẹ obaro ọnre na.

Ukeri 32:32

Avwanre rhuẹrẹ oma re ma wanvrẹn vwẹ obaro rẹ Ọrovwohwo kpo otọ ri Kenan na, ughwẹ kugbe uku rẹ avwanre ke dia abọ oboyi ri Jọdan na.

Ukeri 32:33

Mosis da vwọ kẹ ayen, emọ ri Gad kugbe emọ ri Rubẹn kugbe abọvo rẹ orua ri Manasse rẹ ọmọ ri Josẹf, uvie ri Sihọn ovie rẹ ihwo rẹ Amọr kugbe uvie rẹ Ọg ovie rẹ Basan, otọ na kugbe irere na vẹ ẹghwa rayen ejobi, irere rẹ otọ rayen na ejobi re kpae.

Urhi Rivẹ 2:24

Wa kparoma, re we mu oyan rẹ ovwan phihọ wan vrẹn iyara rẹ Anọn; nighe, Me vwẹ Sihọn ohwo rẹ Amọr, rọ dia ovie ri Hẹshbọn kugbe otọ rọye kẹ ovwan nure; we ruo phihọ ẹdia, rere ovwan vẹ ọye họnre.

Urhi Rivẹ 2:32

Ẹsiẹyẹ Sihọn vẹ ihwo rọye ejobi da rhe họnre avwanre vwi Jahaz.

Urhi Rivẹ 3:1

Kẹsiẹye avwanre ke rhẹriẹ oma yeri kpo idjerhe ri Bashan; Ọg, ovie ri Bashan, da rhe vwọ so avwanre, ọ vẹ ihwo rọye ejobi, rhi phi ofovwi vwẹ Edrei.

Urhi Rivẹ 4:44

Ọnana urhi ri Mosis phi obaro rẹ emọ rẹ Izrẹl;

Urhi Rivẹ 4:46

ovrẹn ri Jọdan, vwẹ iyara ro nẹ Bẹt-peọr, otọ ri Sihọn rọ dia ovie rẹ ihwo rẹ Amọr rọ dia Hẹshbọn, ohwo ri Mosis vẹ emọ rẹ Izrẹl phi kua na rẹ ayen vwo nẹ Ijipt rhe nu;

Urhi Rivẹ 4:48

nẹ Aroer, rọ unu rẹ iyara rẹ Anọn na, re te Ugbenu ri Sairiọn iro dia Hammọn,)

Joshua 1:15

bẹsiẹ rẹ Ọrovwohwo vwọ vwẹ omaerovwo kẹ imoni wẹn kugbe ovwan, ayen ejobi ke ra reyọ ughwẹ rẹ otọ na rẹ Ọrovwohwo Ọghẹnẹ vwọ kẹ ayen na; kẹsiẹye ovwan ki rhivwi kpo otọ rẹ ughwẹ rẹ ovwan, ku we vwo, otọ na ri Mosis odibo rẹ Ọrovwohwo na vwọ kẹ ovwan vwẹ abọ oboyi ri Jọdan vwẹ abọ rẹ ọnre da vacha.

Joshua 11:17

nẹ ugbenu ri Halak, ro mu vwẹ ubrakpọ ri Seir, rhiri re te Ba-algad vwẹ iyara ri Lẹbanọn, vwẹ obotọ rẹ Ugbenu ri Hermọn. Ọ da reyọ ivie rayen ejobi, o de hwe ayen, ọ da teyọ ayen hwe.

Joshua 11:3

re te Kenan vwẹ obaro ọnre vẹ obuko ọnre, ihwo rẹ Amọr, ihwo ri Hẹt, ihwo ri Periz, kugbe ihwo ri Jebu vwẹ obo orho rẹ ugbenu, kugbe ihwo ri Hiv re hẹ otọ ri Hermọn vwẹ otọ ri Mizpah.

Joshua 13:8

Kugbe ubro rẹ orua ri Manasse ro chekọ ihwo ri Rubẹn ihwo ri Gad da reyọ ẹkẹn uku rayen, ri Mosis vwọ kẹ ayen, vwẹ obo ovrẹn ri Jọdan vwẹ obaro ọnre, kirobo ri Mosis odibo rẹ Ọrovwohwo vwọ kẹ ayen,

Joshua 22:4

Asakiephana Ọrovwohwo Ọghẹnẹ wẹn na vwẹ omaerovwo kẹ imoni wẹn, kirobo ro ve kẹ ayen; fiki rẹ ọtiọye na we gbe rhivwi we kpo uwevwi rẹ ovwan vwẹ obo otọ rẹ ughwẹ rẹ ovwan epha, ri Mosis odibo rẹ Ọrovwohwo na vwọ kẹ ovwan vwẹ obo ovrẹn ri Jọdan.

Iguẹdjọ 11:18

Etiyin ayen da yan yariẹ ra ghrẹghrẹ otọ rẹ Edọm kugbe otọ ri Moab ra wan evun rẹ aton, ayen da rhe akakọ rẹ otọ ri Moab, ayen da bọn ọko phihọ ẹbẹre rivẹ rẹ Arnọn; ẹkẹvuọvo ayen yan ro otọ ri Moabu-u, kidie Arnọn ọye ughwru ri Moab.