Joshua 11:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Irere rẹ ivie yena ejobi, kugbe ivie rayen ejobi. Joshua de mu ayen, ọ da vwẹ ọlọkọ hwe ayen, ghwọrọ ayen kakare, kirobo ri Mosis odibo rẹ Ọrovwohwo ji urhi kẹ.

Joshua 11:12 Iomraidhean Croise

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Urhi Rivẹ 9:3

Vwẹ ọtiọye na ko wọ riẹn nonẹ na, nẹ Ọrovwohwo Ọghẹnẹ wẹn na ohwo rọ wan vrẹn karo kẹ wẹ kerẹ erhanre rọ ghwọrọ; ọ cha ghwọrọ ayen, ọ cha vwẹ ayen totọ vwẹ obaro wẹn; eriyin wọ cha djẹ ayen phia, wo mi ru ayen re ghwọrọ phẹrẹkpẹ, kirobo rẹ Ọrovwohwo ta kẹ wẹ vẹrhe.

Joshua 10:20

Ọke ri Joshua vẹ ihwo rẹ Izrẹl na vwo hwe ihwo na gangan nure, bẹsiẹ re rhi vwo hwe ayen ejobi re, ọke rẹ umuku rẹ ihwo ri chekọ rhi vwo rhivwi ro irere rayen nu;

Joshua 10:28

Joshua da reyọ Makadah vwẹ ẹdẹ yena, ọ da vwẹ ọlọkọ nyavwọ vẹ ovie rọye hwe; ọ da ghwọrọ kohwo kohwo rọ herọ, o jẹ ọvuọvo vwo-o; o de ru kẹ ovie ri Makedah kirobo ro ru kẹ ovie ri Jeriko.

Joshua 10:30

Ọrovwohwo de ji phio vẹ ovie rọye phihọ obọ rẹ Izrẹl; ọ da vwẹ ọlọkọ nyavwọ hwe, kohwo kohwo rọ herọ ejobi; ọvuọvo chekọ-ọ, o de ji ru ovie rọye kirobo ro ru kẹ ovie ri Jeriko.

Joshua 10:32

Ọrovwohwo de phi Lakish phihọ obọ rẹ Izrẹl, vwẹ ẹdẹ rivẹ ayen da ruọ, ayen da vwẹ oda nyavwọ hwe, vẹ ohwo ọvuọvo rọ herọ, kirobo ro ru kẹ Libnah.

Joshua 10:35

ayen da reyọ vwẹ ẹdẹ yena, ayen da vwẹ ọlọkọ ghwọrọ; kohwo kohwo rọ herọ ọye ọ ghwọre vwẹ ẹdẹ yena, kirobo ro ru kẹ Lakish.

Joshua 10:37

ayen da reyọ, ayen da vwẹ ọlọkọ nyavwọ hwe, ovie rọye vẹ irho rọye kugbe kohwo kohwo rọ herọ; ọvuọvo chekọ-ọ, kirobo ro ru kẹ Ẹglọn, ọ da ghwọrọ kakare vi kohwo kohwo rọ herọ.

Joshua 11:13

Ẹkẹvuọvo o vwo orere ọvuọvo ro mudia phihọ enu rẹ ẹkuẹbe rẹ Izrẹl ghwọre-e, jokpa ri Hazọr ọvo; ri Joshua torhẹre.

Joshua 11:15

Kirobo rẹ Ọrovwohwo ji urhi kẹ Mosis odibo rọye, ọtiọye Mosis ji ji urhi ki Joshua, kẹ ọtiọye Joshua ruru; ọ jẹ emu ọvuọvo vwo-o vwẹ usun rẹ emu rẹ Ọrovwohwo ji urhi ki Mosis nẹ o ru na-a.

Joshua 13:6

Ihwo re dia obo orere rẹ ugbenu nẹ Lebanọn re te Misrefotmaim, tobọ ihwo ri Sidọn ejobi. Mẹvwẹ ọvo re cha dje ayen no kẹ ihwo rẹ Izrẹl, emu ọvo wo che ru ọ na, ku wọ ghare otọ na kẹ Izrẹl vwọ riuku, kirobo ri mi ji urhi kẹ wẹ.

Joshua 21:44

Ọrovwohwo da vwẹ ufuoma kẹ ayen vwi kabọ kabọ kirobo ro veri kẹ esẹ rayen, ọvweghrẹn rayen ọvuọvo ro se hirhe opharo ku ayen herọ-ọ, kidie Ọrovwohwo phi ivwighrẹn na ejobi phihọ obọ rayen.

Joshua 8:31

kirobo ri Mosis rẹ odibo rẹ Ọrovwohwo tare kẹ ihwo rẹ Izrẹl, kirobo re siro vwẹ ẹbe rẹ urhi rẹ Mosis, agbada rẹ ibieragha re sheri-i, re ohwo ọvuọvo vwẹ utehru te-e; ayen de ze izobo rẹ ẹtorhẹ kẹ Ọrovwohwo na, kugbe izobo rẹ ufuoma rhe.

Joshua 8:8

Ọke rẹ ovwan da reyọ orere na nu, ku we phi erhanre phihọ orere na, kirobo rẹ Ọrovwohwo tare na; nighere, mi ji urhi na kẹ wẹ nure.

Joshua 9:24

Ayen da kpahe kẹ Joshua, Fikiridie a tarọ kẹ idibo wẹn gbagba nẹ Ọrovwohwo Ọghẹnẹ wẹn ji urhi kẹ Mosis odibo rọye nẹ ọye vwẹ otọ na ejobi kẹ, nẹ ọ rha ghwọrọ ihwo re dia otọ na ejobi no kakare, oshọ rẹ arhọ rẹ avwanre kọye ri mu avwanre, vwọ ru emu nana.