Joshua 11:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ayen da vwẹ ọlọkọ hwe ihwo re herọ, a da ghwọrọ ayen ejobi; o vwo emu ọvuọvo rọ nwẹn re jovwo-o, ọ da tọrhe Hazọr.

Joshua 11:11 Iomraidhean Croise

Urhi Rivẹ 20:16

Ẹkẹvuọvo irere rẹ ihwo nana Ọrovwohwo rẹ Ọghẹnẹ wẹn kẹ wẹ vwọ riuku na, emu kemu rọ nwẹn vwọ wo sivwo-o,

Urhi Rivẹ 3:7

Ẹkẹvuọvo avwanre da ghwẹ eranvwe na ejobi, vẹ imu rayen reyọ kẹ oma rẹ avwanre.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Joshua 10:40

Ọtiọye Joshua phi otọ na ejobi kua, orho rọ obenu rẹ ugbenu na kugbe Negẹb vẹ etọ rẹ hẹ obo ọghwrọrọ na, vẹ ivie rayen, ọ yan jẹ ọvuọvo vwo-o, ẹkẹvuọvo ọ da guọghọ obo re nwẹn vwo ejobi, kirobo rẹ Ọrovwohwo Ọghẹnẹ rẹ Izrẹl ji urhi kẹ.

Joshua 6:21

Ayen da vwẹ obọ te otọ vwẹ ọlọkọ guọghọ obo re hẹ orere na ejobi, te eshare te eya, te ighele te ekpako, irhuẹn, igodẹ, kugbe ekẹtẹkẹtẹ.

Joshua 6:24

Ayen da torhẹ orere na, vẹ ihwo re hẹ evun rọye; jokpa rẹ idọnọ vẹ oro, kugbe ekuakua rẹ ẹrovwo vẹ utehru, eye ayen ghwẹ kpo uwevwi rẹ efe rẹ Ọrovwohwo na.