Joshua 10:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

Joshua 10:8 Iomraidhean Croise

1 Ivie 20:13

Nighere, ọmraro ọvo de rhi si kẹrẹ Ehab ovie rẹ Izrẹl ọ da ta, E nẹ Ọrovwohwo rare, Wọ mrẹ urogho nana? Nighere, mi che phio phihọ obọ wẹn nonẹ na; ku wọ riẹn nẹ mẹvwẹ Ọrovwohwo na.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Urhi Rivẹ 3:2

Ọrovwohwo da vuẹ vwẹ, nẹ, Wọ dje oshọ-ọ rọye-e; kidie te ọye vẹ ihwo rọye ejobi, kugbe otọ rọye, Mi phiro phihọ obọ wẹn nure; wo che ruo kirobo wo ruẹ Sihọn ovie rẹ ihwo rẹ Amọr rọ dia Hẹshbọn na.

Urhi Rivẹ 7:24

Ko che phi Ivie rayen phihọ obọ wẹn, ke hwe odẹ rayen nẹ otọ rẹ ọnre na; ohwo ro se mudia vwẹ obaro wẹn, gbe dia-a, bẹsiẹye wọ vwọ ghwọrọ ayen nu.

Joshua 10:25

Joshua da ta kẹ ayen, We jẹ oshọ eyẹ ofu rẹ ayen dje ovwa-an; wa goma re we yivwaro; kidie enẹ Ọrovwohwo che ru kẹ ivwighrẹn rẹ ovwan ejobi re họnre ovwan.

Joshua 10:9

Etiyin Joshua da ra ro ayen kpregede, rẹ ayen vwo mu oyan phihọ vwẹ ason vwi Gilgal.

Joshua 11:6

Ọrovwohwo da ta kẹ Joshua nẹ, Wọ djẹ oshọ rẹ aye-en, kidie odẹ rọ cha na vwẹ utiẹ ọkẹ ọtiọnana mi che phi ayen ejobi kua kẹ Izrẹl; ku we churu iyesi rayen kugbe wa me torhẹ idjighere rayen.

Joshua 8:1

Ọrovwohwo na da ta kẹ Joshua, Wọ djẹ oshọ-ọ eyẹ ofu ji dje we-e, reyọ ihwo ri se phi ofovwi ejobi vwo ba oma, re wo vrẹn, kpo Ai; nighere, mi phi ovie re Ai na, vẹ ihwo rọye ejobi, orere rọye, phihọ obọ wẹn nure;

Iguẹdjọ 6:16

Ọrovwohwo na da ta kẹ nẹ, Ẹkẹvuọvo Mi nene uwe dia, ku wo hwe ihwo ri Midian na kerẹ ohwo ọvo.

Iguẹdjọ 7:9

Vwẹ ason yena Ọrovwohwo da ta kẹ Vrẹn, ra họnre otu ofovwi na; kidie Mi phiro phihọ obọ wẹn nure

1 Samuẹl 17:47

Ọghwẹgbe nana kọ riẹn nẹ Ọrovwohwo vwẹ ọlọkọ vẹ oshue vwọ sivwẹ-ẹ; kidie ofovwi na ọ rẹ Ọrovwohwo ko phi we phihọ obọ mẹ.