Joshua 10:30 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³⁰ Ọrovwohwo de ji phio vẹ ovie rọye phihọ obọ rẹ Izrẹl; ọ da vwẹ ọlọkọ nyavwọ hwe, kohwo kohwo rọ herọ ejobi; ọvuọvo chekọ-ọ, o de ji ru ovie rọye kirobo ro ru kẹ ovie ri Jeriko.

Joshua 10:30 Iomraidhean Croise

Ivie rẹ Ivẹ 10:11

Kọye Jehu hwe ihwo ri chekọ vwẹ uwevwi rẹ Ehab vwi Jẹzril, ihwo ride rọye ejobi, igbeyan rọye ro vugheri, kugbe irherẹn rọye bẹsiẹ rẹ ayen ejobi rhi vwo re.

Ukeri 32:22

ru we de phi otọ na kua vwẹ obaro rẹ Ọrovwohwo; we de ru ọyena nu ku we rhivwi yu we sio oma rẹ ovwan nẹ abọ rẹ oghwa rẹ Ọrovwohwo kugbe Izrẹl; otọ nana kọ dia ughwẹ rẹ ovwan vwẹ obaro rẹ Ọrovwohwo.

Urhi Rivẹ 2:33

Ọrovwohwo Ọghẹnẹ rẹ avwanre na de muo phihọ obọ rẹ avwanre; avwanre de hwe, vẹ emeshare rọye ejobi vẹ ihwo rọye ejobi.

Urhi Rivẹ 7:2

kugbe ọke rẹ Ọrovwohwo Ọghẹnẹ wẹn de phi ayen phihọ obọ wẹn, ri wo de hwe ayen kua re; ke wọ guọghọ ayen roro, we nene ayen re ọphọ-ọ, wo ji nẹ arodọvwẹ rẹ aye-en;

Joshua 10:28

Joshua da reyọ Makadah vwẹ ẹdẹ yena, ọ da vwẹ ọlọkọ nyavwọ vẹ ovie rọye hwe; ọ da ghwọrọ kohwo kohwo rọ herọ, o jẹ ọvuọvo vwo-o; o de ru kẹ ovie ri Makedah kirobo ro ru kẹ ovie ri Jeriko.

Joshua 10:29

Joshua da wanvrẹn Makedah, Izrẹl ejobi de nene, kpo Libnah, ayen da họnre Libnah;

Joshua 10:31

Joshua da wanvrẹn Libnah, ọ vẹ Izrẹl ejobi, re te Lakish, ọ da gba yariẹ; ọ da họnrọ;

Joshua 11:12

Irere rẹ ivie yena ejobi, kugbe ivie rayen ejobi. Joshua de mu ayen, ọ da vwẹ ọlọkọ hwe ayen, ghwọrọ ayen kakare, kirobo ri Mosis odibo rẹ Ọrovwohwo ji urhi kẹ.

Joshua 12:15

ovie ri Libnah ọvo, ovie re Adullam, ovo,

Joshua 8:24

Ọke rẹ Izrẹl vwo hwe ihwo rẹ Ai ejobi nu vwẹ evun rẹ uphephẹ rẹ aghwa ra djẹ ayen ra na bẹsiẹ ra vwọ vwẹ ọlọkọ hwe ayen ọvuọvo nu, Izrẹl ejobi de rhivwi kpo Ai, ayen da vwẹ ọlọkọ ghwọrọ mu otọ.

Joshua 8:29

O de churu ovie rẹ Ai si urhe re te ovwọnvwọn; rẹ ọnre vwọ she re Jọshua da ta ke ayen nẹ, a rhan orivwi rọye nẹ urhe na, rere e muo teye anurhoro rẹ ughere rẹ orere na, a da kua ekru rẹ ibieragha nyẹ, ro ji mudia vwẹ etiyin rhi te nonẹ na.

Joshua 9:3

Ẹkẹvuọvo ọke rẹ ihwo re dia Gibeọn vwo nyo obo ri Joshua ru kẹ Jeriko vẹ Ai,