Joshua 10:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Joshua da ta kẹ ayen, We jẹ oshọ eyẹ ofu rẹ ayen dje ovwa-an; wa goma re we yivwaro; kidie enẹ Ọrovwohwo che ru kẹ ivwighrẹn rẹ ovwan ejobi re họnre ovwan.

Joshua 10:25 Iomraidhean Croise

Une rẹ Ejiro 63:9

Ẹkẹvuọvo ayen otu re guọnọ arhọ mẹ ghwọrọ cha yanran kpo obo ekpẹn rẹ akpọ na;

Une rẹ Ejiro 77:11

Me cha rhoma karoho uruemu rẹ Ọrovwohwo na, e, me sa karohọ igbunu wẹn rẹ awanre na.

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

2 Kọrẹnt 1:10

ọ rọ sivwi avwanre nẹ ukpokpogho rẹ ughwu rode na, ko ji sivwi avwanre; ọye me phiẹrọhọ nẹ ọ je rhoma sivwi avwanre.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Urhi Rivẹ 7:19

edavwini ride na rẹ ẹro wẹn mrẹre, vẹ eka na, vẹ imuighunu na, kugbe obọgangan, vẹ ugbobọ ra riẹnre, rẹ Ọrovwohwo Ọghẹnẹ wẹn na vwọ reyọ owẹ phia, eriyin Ọrovwohwo Ọghẹnẹ wẹn na che ru ihwo ru wo bru udu rayen na,

Joshua 1:6

Gba goma rere wo yivwaro, kidie wẹ re cha nẹrhẹ ihwo nana riuku rẹ otọ ri mi duvwu iyori kẹ esẹ rẹ ovwan nẹ me vwọ kẹ ayen na.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Joshua 10:8

Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

1 Samuẹl 17:37

Devid da ta, Ọrovwohwo ro sivwi vwe nẹ ẹkuobọ rẹ okpohrokpo kugbe ẹkuobọ rẹ okorhi na, ko ji sivwi vwe nẹ obọ ri Filistia nana. Sọl da ta kẹ Devid, Yanran, Ọrovwohwo nene uwe dia.