Joshua 10:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ ẹkẹvuọvo ovwan ọvo dia etiyi-in, wa vwọ tua ivwighrẹn rẹ ovwan, we re bruro ayen vwẹ obuko, wo jẹn ayen vwẹriẹ irere raye-en; kidie Ọrovwohwo Ọghẹnẹ phi ayen phihọ obọ rẹ ovwan nure.

Joshua 10:19 Iomraidhean Croise

2 Samuẹl 17:13

Ọ da dianẹ ọ djẹ ro evun rẹ orere, ihwo ri Izrẹl ejobi ka vwẹ ufi rhe gba orere na, kẹ avwanre kpono kpo iyara bẹsiẹ re vwo ji ubioragha ẹmrẹ vwẹ etiyin.

2 Samuẹl 20:6

Devid da ta kẹ Abishai, Asakiephana Sheba rẹ ọmọ ri Bichri cha wan avwanre oma nọ obo rẹ Absalọm ruru. Reyọ idibo rẹ ọrovwovwe wa vwọ tua, ọ de rhi vwo irere ra gba ogba riariẹ, ọ da rhe kẹ avwanre ukpokpoma. Ihwo erha de nene.

Jerimaya 48:10

Ekan kẹ ohwo ro ru iruo rẹ Ọrovwohwo na yoyodo; ekan kẹ ohwo rọ vwẹ ọlọkọ rọyẹ sun ọbara-a.

Jerimaya 8:14

Die avwanre vwo tidia gbiei? Sioma koko, re avwanre yan ruẹ irere ra gba ogba phihọ na, re me ghwu vwẹ etiyin; kidie Ọrovwohwo Ọghẹnẹ rẹ avwanre vwẹ ughwu vwọ pẹtiẹ avwanre, ọ da vwẹ obi kẹ avwanre da, kidie avwanre ru umwemwu kpahe Ọrovwohwo.

Joshua 10:18

Joshua da ta, Eghorie eragha ride nyẹ unu rẹ emwa na, ra vwẹ ihwo phihọ etiyin re rhẹrẹ ayen;

Joshua 10:20

Ọke ri Joshua vẹ ihwo rẹ Izrẹl na vwo hwe ihwo na gangan nure, bẹsiẹ re rhi vwo hwe ayen ejobi re, ọke rẹ umuku rẹ ihwo ri chekọ rhi vwo rhivwi ro irere rayen nu;