Joshua 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Joshua 1:9 Iomraidhean Croise

Jẹnẹsis 28:15

Nighe, Me vẹ owẹ herọ ke Me sẹro wẹ vwi kasan kasan wọ rare ejobi, ke Me vwẹ owẹ rhe otọ nana, kidie Me sa yan ju we vwo-o bẹsiẹ mi vwo ru eta nana re Me ta kẹ wẹ na ejobi gba.

Jẹnẹsis 39:2

Ọrovwohwo vi Josẹf herọ, ọ da rhe dia omamọ rẹ ohwo kẹ uwevwi rẹ onini rọye rẹ ohwo rẹ Ijipt na.

Jẹnẹsis 39:3

Onini rọye da mrẹ vughe nẹ Ọrovwohwo vọye herọ, nẹ Ọrovwohwo re jabọ rẹ obo rọye ruẹ ejobi vwo yovwi kẹ.

2 Samuẹl 13:28

Etiyin Absalọm da ta kẹ idibo rọye nẹ, Wa rhẹrẹ vwẹ ọke rẹ udi de mu Amnọn, me da ta kẹ ovwan nẹ, ghwiẹ Amnọn; we mi hwe, wo jẹn oshọ mu ovwa-an. ọ dia omẹvwẹ ri ji ovwa-an? Yivwaro, goma.

1 Ikun rẹ Ivie 28:20

Etiyin Devid da ta kẹ Solomọn rẹ ọmọ rọye, Gan oma wo yivwaro wo ruo, Wọ djẹ oshọ-ọ, wo je emu guegue uwe-e; kidie Ọrovwohwo Ọghẹnẹ rọ dia Ọghẹnẹ mẹ na, vẹ owẹ herọ. Ọ phiẹn wẹ-ẹ eyẹ ọ sen wẹ-ẹ, bẹsiẹ rẹ iruo rẹ uwevwi rẹ Ọrovwohwo na ejobi vwo re.

2 Ikun rẹ Ivie 15:7

Ẹkẹvuọvo we yivwaro wo jẹ abọ rhọ wẹ-ẹ, kidie wọ cha reyọ osa rẹ iruo wẹn.

Une rẹ Ejiro 46:7

Ọrovwohwo rẹ otuofovwi na vẹ avwanre herọ; Ọghẹnẹ ri Jekọp ọye odjahọ rẹ avwanre.

Aizaya 41:10

wọ dje oshọ-ọ, kidie me vẹ owẹ herọ, wo jẹ ofu dje we-e, kidie Mẹvwẹ Ọghẹnẹ wẹn, Me kẹ wẹ ogangan, Me cha wẹ uko, Me vwẹ obọrhe mẹ rẹ ephiokparobọ na vwọ yọnrọn owẹ.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:5

Wọ djẹ oshọ-ọ, kidie Me vẹ owẹ herọ, Me cha vwẹ uvwiẹ wẹn nẹ obaro ọnre rhe, obuko ọnre kẹ oboyi Me reyọ ovwan nurhe,

Aizaya 8:12

Wo se ọnana ero-o, ọnana rẹ ihwo na ejobi se ẹro na, wọ djẹ oshọ rẹ obọ rayen djẹ oshọ rọye na-a, eyẹ wọ phariẹ-ẹ.

Daniẹl 10:19

Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Hegae 2:5

Kerẹ ive re me vẹ ovwan veri vwẹ ọke we vwo nẹ otọ rẹ Ijipt rhe. Erhi mẹ ọ hẹ ohri rẹ ovwan; wa djẹ oshọ-ọ.

Iruo rẹ Iyinkọn na 4:19

Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana.

Urhi Rivẹ 1:21

Nighe, Ọrovwohwo Ọghẹnẹ rẹ ovwan na phi otọ na phihọ obaro rẹ ovwan re; wa gba ra re wa ra reyọ, kirobo rẹ Ọrovwohwo Ọghẹnẹ rẹ esẹ rẹ ovwan ta kẹ ovwan; wa djẹ oshọ-ọ we brudu-u.

Urhi Rivẹ 20:1

Ọke wo de re nene ivwighrẹ wẹn phi ofovwi, ru wọ da mrẹ esi vẹ idjighere kugbe otuofovwi re rho nọ wẹ, wọ djẹ oshọ raye-en, kidie Ọrovwohwo rẹ Ọghẹnẹ wẹn vẹ owẹ herọ, ohwo rọ reyọ owẹ nẹ otọ rẹ Ijipt rhe na.

Urhi Rivẹ 31:23

Ọrovwohwo da vwẹ ogangan ki Joshua ọmọ ri Nun, ọ da ta kẹ nẹ, Wọ Me gan oma wo vwo udu; kidie wọ cha reyọ emọ rẹ Izrẹl kpo otọ ri mi veri nẹ Me vwọ kẹ ayen na; mi nene uwe dia.

Urhi Rivẹ 31:28

Koko ekpako rẹ uvwiẹ rẹ ovwan ejobi kẹ vwẹ, kugbe isun rẹ ovwan, rere Me ta eta nana phihọ erhọn rayen mi ji se odjuvwu vẹ akpọ vwọ dia oseri hwe ayen.

Joshua 1:10

Etiyin Joshua de ji urhi kẹ inotu rẹ ihwo na,

Joshua 1:17

Kirobo re avwanre mu ọghọ kẹ Mosis vwi kemu kemu na, ọtiọye avwanre ji mu ọghọ kẹ wẹ, takpe e jẹ Ọrovwohwo Ọghẹnẹ wẹn nene uwe dia, kirobo rọ vi Mosis diarọ.

Joshua 1:18

Kohwo kohwo ro gbe kpahe urhi wẹn na ro rhe mu ọghọ kẹ ota wẹ-ẹn, kurhi kurhi ri wo ji kẹ, ka teyọ hwe. Takpe goma re wo yivwaro ọvo.

Joshua 10:25

Joshua da ta kẹ ayen, We jẹ oshọ eyẹ ofu rẹ ayen dje ovwa-an; wa goma re we yivwaro; kidie enẹ Ọrovwohwo che ru kẹ ivwighrẹn rẹ ovwan ejobi re họnre ovwan.

Joshua 10:8

Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

Joshua 3:7

Ọrovwohwo da ta kẹ Joshua, Nonẹ na mi che mu we kpenu vwẹ irharo rẹ Izrẹl ejobi, rere ayen riẹn nẹ, kirobo me vẹ Mosis diarọ na, ọtiọye me vẹ owẹ je dia.

Joshua 6:27

Ọtiọye kọye Ọrovwohwo vi Joshua gba herọ; usi rọye de titi ro otọ na ejobi.

Joshua 8:1

Ọrovwohwo na da ta kẹ Joshua, Wọ djẹ oshọ-ọ eyẹ ofu ji dje we-e, reyọ ihwo ri se phi ofovwi ejobi vwo ba oma, re wo vrẹn, kpo Ai; nighere, mi phi ovie re Ai na, vẹ ihwo rọye ejobi, orere rọye, phihọ obọ wẹn nure;

Iguẹdjọ 6:14

Ọrovwohwo da rhẹriẹ opharo kuo ọ da ta kẹ nẹ, Yanran vwẹ evun rẹ ogangan wẹn na rere wo re sivwi Izrẹl nẹ obọ ri Midian; ọ dianẹ Mẹvwẹ ri ji we?

1 Samuẹl 10:7

Ọke rẹ eka nana da vwa wẹ, gbe ru obo ra tani wo ru, kidie Ọghẹnẹ vẹ owẹ herọ.