Joshua 1:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọbe nana rẹ urhi na che nẹ uwe unu-u, ẹkẹvuọvo wọ vẹ ọye se umẹ te asọn te uvo, rere wọ vwẹ oma kpotọ ru obo re si phihọ ejobi; kọ nẹrhẹ idjerhe wẹn yovwi, ko ji yovwi kẹ wẹ.

Joshua 1:8 Iomraidhean Croise

Jẹnẹsis 24:63

Aizik ko kpo umẹ ese vwẹ asan ofuefu vwẹ ovwọnvwọn yena, ọ vwọ kpare opharo, nighe usun rẹ iyesi ra gua cha.

2 Ikun rẹ Ivie 26:5

Ọ da vwẹ oma rọye ejobi vwọ guọnọ Ọghẹnẹ vwẹ ọke ri Zekaraya, ro yoniro phihọ oshọẹdjẹ rẹ Ọghẹnẹ uche ọke rọ guọnọ Ọrovwohwo te, Ọghẹnẹ da nẹrhẹ oyovwi kẹ.

Une rẹ Ejiro 119:11

Mi phi ota wẹn phihọ udu mẹ rere mi vwo ji umwemwu eruo kpahe owẹ.

Une rẹ Ejiro 119:15

Mi roro iroro kpahe iji wẹn, Me tọn ẹro vi idjerhe wẹn ejobi.

Une rẹ Ejiro 119:97

E, mavọ me guọnọ urhi wẹn te! Ọye mi roro vwẹ ẹdẹ na ejobi.

Une rẹ Ejiro 119:99

Mi vwọ ẹruọ no otu ri yono uvwe ejobi, kidie iseri wẹn na ọye iroro mẹ.

Une rẹ Ejiro 19:14

Gbe je eta rẹ unu mẹ kugbe umẹ rẹ udu mẹ i fo ẹreyọ vwẹ obaro wẹn E Ọrovwohwo, oragha mẹ kugbe ọ rọ tan vwẹ hirhe.

Une rẹ Ejiro 40:10

Mi si ota rẹ esivwo rẹ ọchuko wẹn nu vwe evun re udu mẹ-ẹ. Me ta ota re esegbuyota wẹn kugbe esivwo wẹn, Mi ji si ẹguọnọ ro jẹ rhẹriẹ na kugbe esegbuyota wẹn na nu ke ukoko wẹn rode na-a

Isẹ 3:1

Ọmọ mẹ, wo jẹn uyono mẹ chọrọ owẹ ẹro-o, ẹkẹvuọvo sẹro rẹ irhi mẹ vwẹ evun rẹ udu wẹn;

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Matiu 12:35

Ohwo esiri vwenẹ, emu esiri ro vwori ọ vwọ kẹ ihwo; ohwo ọbrabra vwenẹ, emu obrabra rọ vwori ọye ọ je vwọ kẹ Ihwo rhe.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Matiu 7:21

Ọ dia ihwo ejobi ri se vwe Ọrovwohwo, Ọrovwohwo eye se te uvie rẹ odjuvwu-u; jokpa rẹ ihwo ri ru ẹguọnọ rẹ Ọsẹ mẹ rọ hẹ obo odjuvwu.

Matiu 7:24

Kohwo kohwo ro nyo eta nana re me tare na, ro de ru ayen, ko họhọ ọvwẹghwanre rọ bọn uwevwi rọye vwọ hẹ enu rẹ oragha.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Iyẹnrẹ Esiri ri Jọn 13:17

Ovwan da riẹn imu nana, ebruba kẹ ovwan rẹ ovwan de ru ayen.

Iyẹnrẹ Esiri ri Jọn 14:21

Ohwo rọ yọnrọn irhi mẹ rọ da sẹro rẹ ayen, oyẹ hẹ ohwo rọ guọnọ ovwẹ; ohwo rọ guọnọ ovwẹ Ọsẹ mẹ kọ guọnọ, ke me guọnọ ke me vwẹ oma mẹ phia kẹ.

Ẹfesọs 4:29

E jẹn ota umwemwu nẹ unu rẹ ovwan cha-a, ẹkẹvuọvo ota esiri rọ vọnre vẹ uyono, ro fori kẹ oghẹre ẹde, rọ vwẹ erhuvwu kẹ otu ri nyoro.

Urhi Rivẹ 29:8

avwanre reyọ otọ rayen, a da vwọ ke ihwo ri Rubẹn vẹ ihwo ri Gad, kugbe abọvo rẹ orua ri Manasse nẹ ayen vwọ riuku.

Urhi Rivẹ 29:9

Vwẹ ọtiọye na gba jomaotọ wọ yọnrọn eta rẹ ọphọ nana, rere emu rẹ ovwan ru ejobi vwọ yovwi kẹ ovwan.

Urhi Rivẹ 30:14

Ẹkẹvuọvo ota na kẹre ovwan gangan; ọ hẹ evun rẹ unu rẹ ovwan ọ je evun rẹ udu rẹ ovwan, rere ovwan vwo ruo.

Urhi Rivẹ 31:11

ọke rẹ Izrẹl ejobi da vwẹ oma phia vwẹ obaro rẹ Ọrovwohwo rẹ Ọghẹnẹ rẹ ovwan vwẹ asan rọ cha sanọ reyọ na, wo che se urhi nana vwẹ aro rẹ Izrẹl ejobi re ayen nyo.

Urhi Rivẹ 31:24

Ri Mosis vwo si eta rẹ urhi nana phihọ evun rẹ ọbe nu re te oba rọye,

Urhi Rivẹ 5:1

Mosis de se Izrẹl ejobi koko, ọ da ta kẹ ayen nẹ, We nyo, E Izrẹl, irhi vẹ iji re Me ta kẹ ovwan nyo nonẹ na, we mi yono dẹndẹn ru we ru ayen gba.

Urhi Rivẹ 5:29

E manẹ oghẹre rẹ udu ọtiọye na kọye he evun rayen, re ayen vwọ djẹ oshọ Mẹ, vwọ yọnrọn irhi mẹ vwẹ ọke ejobi, ro vwo yovwi kẹ ayen, ro ji vwo yovwi kẹ emọ rayen, bẹdẹ!

Urhi Rivẹ 5:32

Vwẹ ọtiọye na wa karohọ obo rẹ Ọrovwohwo rẹ ovwan na ji iji kẹ ovwan; ovwan rhẹriẹ oma kpo obọrhe eyẹ obọhwẹre-e.

Kolose 3:16

We gbe jẹn ota ri Kristi dia evun rẹ ovwan, rọ kẹ ovwan aghwanre buebu, rere ovwan yono ohwohwo, rere ovwan bru ohwohwo uche, vwẹ akpata, vẹ une rẹ ejiro kugbe ine rẹ erhi, rere wa vwẹ udu rẹ ovwan so ine vwevwerhe kẹ Ọghẹnẹ.

Joshua 1:7

Wọ me goma rere wo yivwaro gangan, vwẹ ẹro te otọ dẹndẹn vwọ yọnrọn irhi na ejobi ri mi ji kẹ Mosis odibo mẹ nẹ ọ vwọ kẹ ovwan, wo kuoma rhẹriẹ kpo obọrhe eyẹ obọhwere-e, rere o vwo yovwi kẹ wẹ vwi kasan kasan re wọ cha ra.

Joshua 8:34

Ukuko rọye o de se eta rẹ urhi na ejobi, ebruba te ekan re herọ, kirobo re si phihọ ọbe rẹ urhi na ejobi.

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.