Joshua 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Wọ me goma rere wo yivwaro gangan, vwẹ ẹro te otọ dẹndẹn vwọ yọnrọn irhi na ejobi ri mi ji kẹ Mosis odibo mẹ nẹ ọ vwọ kẹ ovwan, wo kuoma rhẹriẹ kpo obọrhe eyẹ obọhwere-e, rere o vwo yovwi kẹ wẹ vwi kasan kasan re wọ cha ra.

Joshua 1:7 Iomraidhean Croise

1 Ivie 2:2

Mi che kpo idjerhe rẹ akpọ ejobi rare. Gba gan oma, re wo dje oma wẹn phia kerẹ ọshare,

1 Ivie 2:3

rere wọ yọnre uchebro rẹ Ọrovwohwo Ọghẹnẹ wẹn, yan phihọ idjerhe rọye kugbe iji rọye, irhi rọye, ẹgha rọye kugbe iseri rọye, kirobo re siro phihọ urhi ri Mosis, rere o vwo yovwi kẹ wẹ vwi kemu kemu wo ru ejobi kugbe kasan kasan wo fovwi oma phihọ ejobi;

Ivie rẹ Ivẹ 22:2

O de ru obo ri yovwiri vwẹ obaro rẹ Ọrovwohwo, ọ yan phihọ idjerhe ri Devid ọsẹ rọye, ọ yan gẹre kpo obọrhe eyẹ obọhwẹre-e.

1 Ikun rẹ Ivie 22:13

Etiyin ko yovwi kẹ wẹ wọ da sa yọnrọn irhi vẹ iji rẹ Ọrovwohwo ta kẹ Mosis nẹ ọ vwọ kẹ Izrẹl. Wa gan oma we rhe yivwaro. Wọ djẹ oshọ-ọ.

2 Ikun rẹ Ivie 15:7

Ẹkẹvuọvo we yivwaro wo jẹ abọ rhọ wẹ-ẹ, kidie wọ cha reyọ osa rẹ iruo wẹn.

2 Ikun rẹ Ivie 26:5

Ọ da vwẹ oma rọye ejobi vwọ guọnọ Ọghẹnẹ vwẹ ọke ri Zekaraya, ro yoniro phihọ oshọẹdjẹ rẹ Ọghẹnẹ uche ọke rọ guọnọ Ọrovwohwo te, Ọghẹnẹ da nẹrhẹ oyovwi kẹ.

ỌBE RẸ JOB 1:8

Ọrovwohwo ke rha ta kẹ Ẹdjọ, Wọ karohọ odibo mẹ Job, ọrọ họherọ vwẹ akpọ na herọ-ọ, ohwo ro vwo eka-an ọ ke je dia ohwo ọsoso, ohwo rọ djẹ oshọ rẹ Ọghẹnẹ o de ji sioma nẹ umiovwo?

Une rẹ Ejiro 80:19

Vwẹ avwanre rhivwi rhe, E Ọrovwohwo Ọghẹnẹ rẹ otuofovwi! jẹn opharo wẹn lo, rere ma vwọ sa rhọ!

Isẹ 4:27

Wo gbe ọghwia vwẹriẹ obọrhe eyẹ obọhwẹre-e, si awọ wẹn nẹ emu omiomiovwi.

Isẹ 8:20

Me yan vwẹ idjerhe rẹ ọvwata, vwẹ idjerhe rẹ ọsoso,

Daniẹl 10:19

Etiyin ọ da ta, E ohwo ra nabọ guọnọ wo jẹ oshọ mu we-e, ufuoma vẹ owẹ dia; goma re wo yivwaro. Ọke rọ vwọ ta ota kẹ vwẹ re, mi de rhi vwo ogangan me da ta, Jẹn Ọrovwovwe ta ota, kidie wọ nẹrhẹ ovwẹ vwo ogangan nure.

Ukeri 27:23

ọ da ghwẹ abọ rọye kpahọ, o de vwo mu kirobo rẹ Ọrovwohwo dje kẹ Mosis.

Urhi Rivẹ 11:8

Vwẹ ọtiọye na wọ Me yọnrọn urhi ejobi ri mi ji kẹ wẹ nonẹ na, re wọ gan oma ra reyọ otọ re wa wan vrẹn ra dia na,

Urhi Rivẹ 12:32

Kemu kemu mi ji iji kẹ wẹ wọ Me karohọ ru; wo phiẹ ba-a, wo ji siẹ no-o.

Urhi Rivẹ 28:14

re ovwan rhe kuoma rhẹriẹ nẹ eta ri mi ji urhi kẹ ovwan nonẹ na-a, vwọ yan kpo obọrhẹ eyẹ obohwerẹ, vwo nene edjọ efa vwọ gan aye-en.

Urhi Rivẹ 29:8

avwanre reyọ otọ rayen, a da vwọ ke ihwo ri Rubẹn vẹ ihwo ri Gad, kugbe abọvo rẹ orua ri Manasse nẹ ayen vwọ riuku.

Urhi Rivẹ 29:9

Vwẹ ọtiọye na gba jomaotọ wọ yọnrọn eta rẹ ọphọ nana, rere emu rẹ ovwan ru ejobi vwọ yovwi kẹ ovwan.

Urhi Rivẹ 31:7

Kẹsiẹye Mosis ki se Joshua, ọ da vuẹ vwẹ aro rẹ Izrẹl ejobi. Wọ Me gan oma wo vwo udu; kidie wo che nene ihwo nana kpo otọ rẹ Ọrovwohwo veri kẹ ese rayen nẹ ọye vwọ kẹ ayen; wo mi phi ayen phihọ ughwẹ rọye.

Urhi Rivẹ 4:2

We brẹ ba ota ri mi ji iji kẹ ovwan na-a we ji siẹno-o, rere wa yọnrọn irhi rẹ Ọrovwohwo Ọghẹnẹ rẹ ovwan na ri mi jiji rayen kẹ ovwan.

Urhi Rivẹ 5:32

Vwẹ ọtiọye na wa karohọ obo rẹ Ọrovwohwo rẹ ovwan na ji iji kẹ ovwan; ovwan rhẹriẹ oma kpo obọrhe eyẹ obọhwẹre-e.

Joshua 1:1

Ọke ri Mosis odibo rẹ Ọrovwohwo vwo ghwu nu, Ọrovwohwo da ta kẹ Joshua ọmọ ri Nọn, otota ri Mosis nẹ,

Joshua 1:8

Ọbe nana rẹ urhi na che nẹ uwe unu-u, ẹkẹvuọvo wọ vẹ ọye se umẹ te asọn te uvo, rere wọ vwẹ oma kpotọ ru obo re si phihọ ejobi; kọ nẹrhẹ idjerhe wẹn yovwi, ko ji yovwi kẹ wẹ.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Joshua 11:15

Kirobo rẹ Ọrovwohwo ji urhi kẹ Mosis odibo rọye, ọtiọye Mosis ji ji urhi ki Joshua, kẹ ọtiọye Joshua ruru; ọ jẹ emu ọvuọvo vwo-o vwẹ usun rẹ emu rẹ Ọrovwohwo ji urhi ki Mosis nẹ o ru na-a.

Joshua 23:6

Fiki rẹ ọtiọye na gba nabọ mudia gan re we ru emu ejobi re si phihọ evun rẹ urhi ri Mosis na, we kuoma rhẹriẹ no kpo obọrhe eyẹ obọhwẹre-e