Joshua 1:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ O vwo ohwo ọvuọvo ro che yivwi hirhe opharo ku we vwẹ ẹdẹ rẹ akpọ wẹn ejobi-i; kirobo mi vi Mosis diarọ, ọtiọye me vẹ owẹ je cha dia; me cha phiẹn wẹ-ẹn eyẹ me cha sẹn wẹ-ẹn.

Joshua 1:5 Iomraidhean Croise

Jẹnẹsis 39:2

Ọrovwohwo vi Josẹf herọ, ọ da rhe dia omamọ rẹ ohwo kẹ uwevwi rẹ onini rọye rẹ ohwo rẹ Ijipt na.

1 Ivie 1:37

Kirobo rẹ Ọrovwohwo vẹ ọrovwovwe ovie herọ na, ọtiọye ọ vẹ Solomọn je dia rhe, ko ru ekete rọye rho nọ ekete rẹ ọrovwovwe Ovie Devid.

1 Ivie 11:38

Wọ da kerhọn rẹ urhi ri mi ji kẹ wẹ ejobi, wọ da yan nene idjerhe mẹ, wo de ru obo ri she phihọ vwẹ ẹro mẹ wọ da yọnrọn iji mẹ kugbe irhi mẹ, kirobo ri Devid odibo mẹ ruru, ki mi nene uwe dia, ke me bọn uwevwi rẹ uchivwo rọye ghwaotọ kẹ wẹ, kirobo re me bọn kẹ Devid, ke me vwẹ Izrẹl kẹ wẹ.

1 Ivie 6:13

Ke Me dia uherevie rẹ emọ rẹ Izrẹl, Me gbe sẹn Izrẹl rẹ ihwo mẹ-ẹ.

1 Ivie 8:57

Ọrovwohwo Ọghẹnẹ rẹ avwanre vẹ avwanre dia, kirobo rọ vẹ esẹ rẹ avwanre diarọ; e jọ yan jẹ avwanre vwo-o eyẹ ọ sen avwanre-e;

1 Ikun rẹ Ivie 28:20

Etiyin Devid da ta kẹ Solomọn rẹ ọmọ rọye, Gan oma wo yivwaro wo ruo, Wọ djẹ oshọ-ọ, wo je emu guegue uwe-e; kidie Ọrovwohwo Ọghẹnẹ rọ dia Ọghẹnẹ mẹ na, vẹ owẹ herọ. Ọ phiẹn wẹ-ẹ eyẹ ọ sen wẹ-ẹ, bẹsiẹ rẹ iruo rẹ uwevwi rẹ Ọrovwohwo na ejobi vwo re.

Une rẹ Ejiro 46:11

Ọrovwohwo rẹ otuofovwi na vẹ avwanre herọ, Ọghẹnẹ ri Jekọb ọye odjahọ rẹ avwanre

Ẹyano 3:12

Ọ da kpahe kẹ nẹ, “Mi che mi nene uwe ra; ọnana kọ dia oka kẹ wẹ, nẹ Mẹvwẹ ri ji we; ọke wọ da rọye ihwo na nẹ otọ rẹ Ijipt rhe nu, ku wọ cha gọ Ọghẹnẹ vwẹ ugbenu nana.

Aizaya 42:16

Ki mi sun irhuẹro wan idjerhe rẹ ayen je riẹn dẹvo-o, vwe ada rẹ ayen jẹ rie-ẹn ki Mi sun ayen. Me rhẹriẹ ebri rọ hẹ obaro rayen phihọ urhukpẹ, asan chochohri ki mi ruo riẹriẹriẹ Enana keye imu ri mi che ru, Me gba cha sen aye-en.

Jerimaya 1:8

Wo brudu rẹ aye-en, kidie me vẹ owẹ herọ mi sivwi uwe, eriyin Ọrovwohwo tare.

Daniẹl 11:16

Ẹkẹvuọvo kohwo kohwo ro bruro rhe ejobi ko ru obo ri jere, ohwo ọvuọvo che se mudia vwẹ obaro rọye-e, ko che mudia phihọ otọ rẹ urinrin na, ayen ejobi ke cha dia evun rẹ ogangan rọye.

Matiu 28:20

Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.

Ọbe ri Pọl si rhe Ihwo ri Rom 8:31

Kidie a mre ta kpahe ọnana? Ọ da dianẹ Ọghẹnẹ vẹ avwanre obọ, kono se mukpahe avwanre?

Ọbe ri Pọl si rhe Ihwo ri Rom 8:37

Ejo, vwẹ evun rẹ imu na ejobi avwanre rhonọ ihwo re kpare obọ fiki rẹ ohwo rọ guọnọ avwanre.

Urhi Rivẹ 20:1

Ọke wo de re nene ivwighrẹ wẹn phi ofovwi, ru wọ da mrẹ esi vẹ idjighere kugbe otuofovwi re rho nọ wẹ, wọ djẹ oshọ raye-en, kidie Ọrovwohwo rẹ Ọghẹnẹ wẹn vẹ owẹ herọ, ohwo rọ reyọ owẹ nẹ otọ rẹ Ijipt rhe na.

Urhi Rivẹ 20:4

kidie Ọrovwohwo rẹ Ọghẹnẹ wẹn na ri nene uwe ra, ra họnre ivwighrẹ wẹn na kẹ wẹ, rẹ ọ kẹ wẹ ephio kparobọ.

Urhi Rivẹ 31:23

Ọrovwohwo da vwẹ ogangan ki Joshua ọmọ ri Nun, ọ da ta kẹ nẹ, Wọ Me gan oma wo vwo udu; kidie wọ cha reyọ emọ rẹ Izrẹl kpo otọ ri mi veri nẹ Me vwọ kẹ ayen na; mi nene uwe dia.

Urhi Rivẹ 4:31

kidie Ọrovwohwo Ọghẹnẹ rẹ ovwan na Ọghẹnẹ rẹ aruẹdọn; ọ cha sen ovwa-an, ọ je ghwọrọ ovwan, ọphọ rọ nene esẹ wẹn re na sa chọrọ ẹro-o.

Urhi Rivẹ 7:24

Ko che phi Ivie rayen phihọ obọ wẹn, ke hwe odẹ rayen nẹ otọ rẹ ọnre na; ohwo ro se mudia vwẹ obaro wẹn, gbe dia-a, bẹsiẹye wọ vwọ ghwọrọ ayen nu.

2 Timoti 4:17

Ẹkẹvuọvo Ọrovwohwo de mudia cha vwẹ ọ da kẹ ogangan mi vwo ghwoghwo ota na gbagba, rere ihwo ri Keferi na ejobi vwo nyo. Vwẹ ọtiọye na e vwo sivwi uvwe nẹ unu rẹ okpohrokpo na.

Hibru 13:5

Si oma wẹn nẹ urhuru si vwe rẹ igho, jẹn obo ru wo vwori da wẹ ẹro; kidie ọ tarọ nure nẹ, Me sa phiẹn wẹ-ẹ eyẹ me sa sen wẹ-ẹ.

Joshua 1:17

Kirobo re avwanre mu ọghọ kẹ Mosis vwi kemu kemu na, ọtiọye avwanre ji mu ọghọ kẹ wẹ, takpe e jẹ Ọrovwohwo Ọghẹnẹ wẹn nene uwe dia, kirobo rọ vi Mosis diarọ.

Joshua 1:9

Ọ dia omẹvwẹ ri ji urhi na kẹ wẹ-ẹ? Goma wo yivwaro gangan, wọ phariẹ-ẹ, wo jẹ ofu dje we-e, kidie Ọrovwohwo Ọghẹnẹ wẹn vẹ owẹ herọ vwi kasan kasan wọ ra ejobi.

Joshua 10:8

Ọrovwohwo da ta kẹ Joshua, Wọ djẹ oshọ rẹ aye-en, kidie mi phi ayen phihọ obọ wẹn nure, o vwo ohwo ọvo vwẹ usun rayen ro che se hirhe aro ku we-e

Joshua 21:44

Ọrovwohwo da vwẹ ufuoma kẹ ayen vwi kabọ kabọ kirobo ro veri kẹ esẹ rayen, ọvweghrẹn rayen ọvuọvo ro se hirhe opharo ku ayen herọ-ọ, kidie Ọrovwohwo phi ivwighrẹn na ejobi phihọ obọ rayen.

Joshua 3:7

Ọrovwohwo da ta kẹ Joshua, Nonẹ na mi che mu we kpenu vwẹ irharo rẹ Izrẹl ejobi, rere ayen riẹn nẹ, kirobo me vẹ Mosis diarọ na, ọtiọye me vẹ owẹ je dia.

Joshua 6:27

Ọtiọye kọye Ọrovwohwo vi Joshua gba herọ; usi rọye de titi ro otọ na ejobi.

Iguẹdjọ 2:18

Kọke kọke rẹ Ọrovwohwo na vwọ vwẹ iguẹdjọ vwo mu kẹ ayen, yẹ Ọrovwohwo na vẹ Oguẹdjọ na herọ, o de sivwi ayen nẹ obọ rẹ ivwighrẹn rayen, vwẹ ọke rẹ oguẹdjọ na ejobi; kidie Ọrovwohwo na nẹ arodọvwẹ rayen fiki rẹ enuebro rẹ oja vẹ oshenyẹ rẹ ihwo ri mu kpahe ayen.

Iguẹdjọ 6:16

Ọrovwohwo na da ta kẹ nẹ, Ẹkẹvuọvo Mi nene uwe dia, ku wo hwe ihwo ri Midian na kerẹ ohwo ọvo.

1 Samuẹl 10:7

Ọke rẹ eka nana da vwa wẹ, gbe ru obo ra tani wo ru, kidie Ọghẹnẹ vẹ owẹ herọ.