Joẹl 2:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Se ihwo na koko Phorho ukoko na oma; ghwẹ ekpako na koko koko imitete na, te emeboba ri viẹ evie. Jẹn ọshare rẹ ọpha vrẹn nẹ uvun rọye rhe, rẹ ọpha na nẹ esirọgbo rọye rhe.

Joẹl 2:16 Iomraidhean Croise

2 Ikun rẹ Ivie 20:13

Vwẹ ọke yena ihwo ri Juda de mudia vwẹ obaro rẹ Ọrovwohwo na, vẹ emoboba rayen, eya rayen, vẹ imitete rayen.

2 Ikun rẹ Ivie 29:5

Ọ da ta kẹ ayen, Nyo vwe, Ihwo ri Livae! Asakiephana we phorho oma rẹ ovwan, re we phorho uwevwi rẹ Ọrovwohwo na, Ọghẹnẹ rẹ esẹ rẹ ovwan, re wa ghwa inuhu nẹ asan ọfuanfon na.

2 Ikun rẹ Ivie 30:17

Kidie ihwo buebu herọ vwẹ evun rẹ ukoko na ri ji phorho oma rẹ aye-en; fiki rẹ ọtiọye na ihwo ri Livae na keye ri hwe igegede na kẹ ihwo ri jẹfuọn, rere ọ vwọ fon kẹ Ọrovwohwo

2 Ikun rẹ Ivie 30:19

vwo ghovwo kohwo kohwo rọ vwẹ udu rọye ejobi vwọ guọnọ Ọghẹnẹ, Ọrovwohwo na Ọghẹnẹ rẹ esẹ rọye, owenẹ ọ yọnrọn urhi rẹ ẹfuọn rẹ ẹshẹ eyẹ o jovwo.

2 Ikun rẹ Ivie 35:6

Re we hwe ẹwanvrẹn na, we phorho oma rẹ ovwan, rere wa jẹ choma hẹrhẹ imoni rẹ ovwan, rere we ru kirobo rẹ Ọrovwohwo wan unu ri Mosis ta.

ỌBE RẸ JOB 1:5

Ẹdẹ rẹ orẹ na da wan re, Job mi ji ohwo re ru ayen fon, o mi vrẹn vwẹ irhiọke rhirhi ra gọ iye rẹ izobo rẹ ẹtorhẹ kirobo rẹ ayen ejobi bute; kidie Job tare nẹ, Siẹvo ye emọ mẹ na ru umwemwu, rẹ ayen da je harhẹ Ọghẹnẹ vwẹ udu rayen. Kẹ enẹ Job ruẹ kọke kọke.

Une rẹ Ejiro 19:5

rọ cha kerẹ ọpha ro nẹ ivun rọye cha, kerẹ ọgba rọ djone rọye vẹ aghọghọ.

Ẹyano 19:10

Ọrovwohwo da ta ki Mosis, Yanran bru ihwo na rere wo re ru ayen fon nonẹ vẹ odẹ, wo jẹn ayen fọnrhọ emwa rayen,

Ẹyano 19:15

Ọ da ta kẹ ihwo na, Wa choma hẹrhẹ ẹdẹ rerha na, wo siẹ kẹrẹ aye-e.

Ẹyano 19:22

Gbe jẹ otu rẹ irherẹn ri bi kẹrẹ Ọrovwohwo na ru oma rẹ ayen fon, ọ dia ọtiọye-e Ọrovwohwo da gbọ rhurhu ayen.

Joẹl 1:14

Bru ẹdẹ orẹ, se ọghwẹgbe ri ruru Se ekpako na kugbe ihwo re dia otọ na ejobi re koko uwevwi rẹ Ọrovwohwo Ọghẹnẹ wẹn; re wa viẹ kẹ Ọrovwohwo.

Matiu 21:16

Ayen da ta kẹ nẹ, Wo nyo obo rẹ imitete na ta na? Jesu da ta kẹ ayen nẹ E; ovwan ji se dẹvo nẹ, Unu rẹ imitete ejiro da gba?

Matiu 9:15

Jesu da ta kẹ ayen nẹ, Kẹ ikopha se chiri owẹvwe vwẹ ọke rẹ ọpha na vẹ ayen da herọ? Ẹkẹvuọvo ọke cha ra da vwẹ opha na yanran kẹsiẹye owẹvwe ki rhi hwe ayen.

1 Kọrẹnt 7:5

Wa vwẹ ovwerhẹ vwọrọn ohwohwo ahare-e jokpa nẹ ovwan rhọvwe kugbe vwẹ ọmọke, rere wa sa vwẹ oma rẹ ovwan vwọ kẹ ẹrhovwo ẹnẹ; tavwe we ki rhi kuoma gbe, re Idẹbono jẹ ovwan ẹdavwọ fiki ri jẹ oma echiro rẹ ovwan.

Joshua 7:13

Vrẹn, phorho ihwo na oma, re wọ ta, phorho oma rẹ ovwan kpahe hẹrhẹ odẹ rọ cha na, kidie enẹ Ọrovwohwo tare, Ọghẹnẹ rẹ Izrẹl, Obo re vwo ze izobo hẹ ohri rẹ ovwan, E Izrẹl, we gbi se hirhe opharo ku ivwighrẹn rẹ ovwa-an, bẹsiẹ we vwo si ekuakua re vwo ze izobo na nẹ ohri rẹ ovwan.

Joshua 8:35

O vwo eta rẹ urhi na ọvuọvo rẹ Mosis jiri na ri Joshua je se kẹ ọghwẹgbe rẹ Izrẹl na-a te eya na, te imitete na, kugbe erhorha na re dia ohri rẹ ayen.

1 Samuẹl 16:5

Ọ da ta, Arherha; mi rhi ze izobo kẹ Ọrovwohwo; we phorho oma rẹ ovwan, ru we nene uvwe kpo obo izobo na. ọ de phorho Jesse vẹ emọ rọye oma, o de se ayen kpo obo izobo na.