Jerimaya 3:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 3:3 Iomraidhean Croise

Jẹnẹsis 19:34

Vwẹ ẹdẹ rivẹ, oro ọkpako da ta kẹ ọ rẹ otete, Nighe, Me vẹ ọsẹ Me ri gbe sherhẹ ason rọ wanre na, jẹ a je vwẹ udi kẹ da vwẹ ason na rhe, rere wọ vẹ ọye je vwerhẹ rhe, rere vwẹ oma rọye uvwiẹ rẹ avwanre vwo je fue.

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Isẹ 21:29

Oruimwemwu oma vuọ-ọ, ẹkẹvuọvo ohwo rọ fuevun nabọ roro idjerhe rọye te.

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Jerimaya 14:1

Ota rẹ Ọrovwohwo ro bru Jerimaya rhe kpahe okpuvo rode na.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Jerimaya 14:3

Ikpihwo rọye ji idibo rayen kpo amevo, ayen rhi te ẹtẹrhe na, ayen mrẹ ame-e, ayen da ghwa echẹ ifefe rhivwi rhe; oma vo ayen hwe ayen ki kiẹn ayen rhurhu uyovwi rayen.

Jerimaya 14:4

Fiki rẹ otọ rẹ ofu djeri na Rẹ osio rha rhọ phihọ otọ na-a na, oma da vọ eghwẹrẹ na, ayen de rhurhu iyovwi rayen.

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 5:24

Ayen sa ta vwẹ udu raye-en, E jẹn avwanre djẹ oshọ rẹ Ọrovwohwo rẹ Ọghẹnẹ rẹ avwanre, rọ rho osio vwẹ ọke rọye, osio rẹ oghwe vẹ osio rẹ ọkeuvo, ọ da yọnrọn kẹ avwanre ẹdẹ ro bru kẹ orhọ.

Jerimaya 5:25

Orukuruku rẹ ovwan djẹ enana yanran, imwemwu wẹn si emu esiri nu we obọ.

Jerimaya 5:3

E Ọrovwohwo ẹro wẹn gbe rha mrẹ uyota? wọ teyọ ayen she, ẹkẹvuọvo yọ miavwẹ aye-en. Wọ guọghọ ayen yẹ ayen kuobọ rhẹriẹ-ẹ, ayen ru opharo rayen gan nọ oragha ayen rhọvwe kurhẹriẹ-ẹ.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Jerimaya 9:12

Ono ohwo rọ ghwanre rọ sa riẹn otọ rẹ ọnana? Ono unu rẹ Ọrovwohwo tarọ kẹ, ro ghwoghwo phia? Die jabọ rẹ otọ na vwo miovwi, vwọ dia ofefe kerẹ aghwa rẹ ohwo ọvuọvo gbe wan vrẹ-ẹn?

Izikiẹl 3:7

Ẹkẹvuọvo uwevwi rẹ Izrẹl cha sa kerhọn wẹ-ẹ; kidie ayen rhọvwe kerhọn mẹ-ẹ; fikiridie uwevwi rẹ Izrẹl ejobi epha vẹ arhare gangan vẹ udu kokoroko kpoi.

Livitikọs 26:19

ke Me guọghọ ogangan re eheri re ovwan na, ki mi ru obenu na gan kẹ ovwan kerẹ itehru, otọ na kọ dia kerẹ ẹrovwo,

Emọs 4:7

Me da vwi fiki rẹ ovwan da osio ji yo chekọ emeranvwe erha re vwo te orhọ; osio mi bru rhọ vwẹ orere ọvo, yo che te orere ro chekọ-ọ; osio rhọ phihọ eghwa ọvo, yẹ eghwa rẹ osio rhọ phihọ-ọ vwioro,

Emọs 4:8

Etiyin Irere ive yẹrẹ erha mi suo-suo kpo orere ọvo ra da ame, jo mu ayen unu-u; dede na yi we rhivwi bru vwẹ rhe-e, Ọrovwohwo na tarọ.

Zẹfanaya 2:1

We rhi ku oma gbe re wa gba ẹguare, E ẹgborho ro jẹ omaẹvuọ evwo na,

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Hegae 1:11

Ke me vwẹ ọkarovwẹ rẹ ame rhe otọ na vẹ igbenu na, ọkarovwẹ rẹ ọka, ọ rẹ udi ọboba, ọ rẹ ọfigbo, ọ rẹ obo rẹ djẹ nẹ otọ cha, ọ rẹ enu rẹ ohwo vẹ eranvwe, ji kugbe owian rẹ obọ rayen ejobi.

Urhi Rivẹ 28:23

Irharheghe rẹ ovwan na ki hirhe phihọ ẹronvwo, otọ ro obotọ rẹ ovwan na ki hirhe phihọ utehru.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.