Jems 5:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.

Jems 5:1 Iomraidhean Croise

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Isẹ 11:28

Ohwo rọ vwẹ ẹro so efe rọye che vwioro, ẹkẹvuọvo ọvwata kọ cha rho bodo bodo kerẹ ẹbẹ ọkpokpọ.

Isẹ 11:4

Efe sa chọ ohwo uko vwẹ ẹdẹ rẹ ophu-u, ẹkẹvuọvo ọvwata siẹ ohwo nẹ ughwu.

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Aizaya 15:3

ayen vwẹ isiso rhuo vwẹ evun rẹ irhuvwu, vwẹ enu rẹ uwevwi kugbe evun rẹ ọsuere kohwo kohwo beroma ayen wran vwẹ ovie.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

Jerimaya 9:23

Enẹ Ọrovwohwo tare: E jẹn ọvwaghwanre yoma rẹ aghwanre rọye-e, e jẹn ọgba vwẹ ẹgba rọye yoma-a, e jẹn ọdafe vwẹ efe rọye yoma-a,

Izikiẹl 19:2

re wọ ta: Didie okpohrokpo oni wẹn epha vwẹ ohri rẹ ikpohrokpo na! O de fiọnko vwẹ uherevie rẹ emọboba rọye, rọ ghẹrẹ emọ rọye.

Izikiẹl 30:2

Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare: Beroma, Eghwo kẹ ẹdẹ na!

Joẹl 1:11

Jo gbe we unu, E otu ri voro otọ, Beroma, E otu re rhuẹrẹ vain, fiki rẹ ọka vẹ irosun, fikiridie orhọ rẹ udju na ejobi ghwọrọ kufia.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.

Maika 6:12

Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.

Zẹfanaya 1:18

Idọnọ efuanfọn rayen eyẹ iro rayen che se sivwi aye-en vwẹ ẹdẹ rẹ ophu rẹ Ọrovwohwo na-a. Vwẹ erhanre rẹ ophu rẹ omaẹriọ rọye, otọ na ejobi ke torhẹ muotọ. Rọ vwọ gba, kpregede ọye ọ che vwo oba kẹ ọtiọye otu re dia otọ na ejobi cha dia.

Urhi Rivẹ 32:15

Ẹkẹvuọvo oma ro Jeshurun, ọ da sare; oma rẹ ovwan da rho phihọ, oma da ghwọrọ ovwan; ọ da sen Ọghẹnẹ rọ maro, ọ da vwẹ Oragha rẹ esivwo rọye jehwẹ

Jems 1:11

Kidie ọnre cha bẹrẹ rhe vẹ uvo ogangan, rhi mu ẹbe na, i mi rhi vwioro, idodo na mi rhi she kufia, erhuvwu rọye ejobi mi rhi ghwru kufia: eriyin ọdafe vẹ oyan rẹ eki rọye je cha phoriẹn kufia.

Jems 2:6

Ẹkẹvuọvo ovwan phọphọ ovwiogbere na nure. Ọ dia otu rẹ edafe na ri shenyẹ ovwan otọna-a, o dia ayen ri ji kpono ovwan kpo ẹguare na-a?

Jems 4:13

Yanrhe, wẹ rọ ta nẹ, Nonẹ na eyẹ odẹ rọ cha na, avwanre che kpo orere nana, ra cho eki ọsoso rẹ ẹgbukpe ọvo, rere avwanre mrẹ erere.

Jems 4:9

Vwẹ oja re oma wẹn, wo mu oma phihọ, re wọ viẹ; jẹ aghọghọ wẹn hirhe phihọ uvweri rere ehwẹ wẹn hirhe phihọ unuẹfiọn.