Jems 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

Jems 4:6 Iomraidhean Croise

2 Ikun rẹ Ivie 32:26

Ẹkẹvuọvo Hẹzikaya da rhe vwẹ oma rọye kpotọ fiki rẹ eheri rọ udu rọye, re ọye vẹ ihwo re dia Jerusalẹm, vwẹ ọtiọye na ophu rẹ Ọrovwohwo na gbi bru ayen rhe vwẹ ẹdẹ rẹ akpọ ri Hẹzikaya-a.

2 Ikun rẹ Ivie 33:12

Ọke rẹ oma vwọ djarhọ re kọ guọnọ aroesiri rẹ Ọrovwohwo Ọghẹnẹ rọye ọ da vwẹ oma rọye kpotọ gangan kẹ Ọghẹnẹ rẹ esẹ rọye.

2 Ikun rẹ Ivie 33:19

Te ẹrhovwo rọye, kugbe obo re Ọghẹnẹ reyọ orẹ rọye, re imwemwu rọye re ijesegbuyota rọye, kugbe asan rọ bọn asan ri kpenu na phihọ vẹ asan ra vwẹ ighriki na vi phihọ kugbe ema na tavwe rọ ke rhe vwẹ oma kpotọ, nighe, e si ayen phihọ Ọbe rẹ Ikun rẹ Emraro na.

2 Ikun rẹ Ivie 33:23

Ọ rha vwẹ oma rọye kpotọ kẹ Ọrovwohwo-o, kirobo ri Manasse ọsẹ rọye vwẹ oma kpotọ, ẹkẹvuọvo Amọn nana da re abe rhurhu abe.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

ỌBE RẸ JOB 22:29

Kidie Ọghẹnẹ si ọvweheri kpotọ, o mi sivwi ohwo rọ pha dẹndẹn.

Une rẹ Ejiro 138:6

Dede na obo rẹ Ọrovwohwo kpenu te na, o ji se ohwo ro kpotọ gbẹ ohwo; ẹkẹvuọvo ohwo vẹ ọnko ogboko o dẹ vughe.

Une rẹ Ejiro 9:12

Kidie ihwo re reihri rẹ ọbara ọ karophihọ ayen, oviẹ rẹ ohwo rọ ukpokpogho sa chọrọ ẹro-o.

Ẹyano 18:11

Asakiephana me riẹnre nẹ Ọrovwohwo rhonọ eghẹnẹ ejobi, kidie o sivwi ihwo na nẹ obọ rẹ ihwo rẹ Ijipt, ọke rẹ ayen vwọ kpare oma kpenu kẹ ayen.

Isẹ 15:33

Oshọẹdjẹ rẹ Ọrovwohwo hẹ uyono rẹ aghwanre, omaevwokpotọ kọye rha ka obaro kẹ ọrho.

Isẹ 18:12

Tavwe rẹ ẹghwọrọ ke rhe yẹ udu miovwi nure, ẹkẹvuọvo omevwokpotọ re karo kẹ ọghọ.

Isẹ 22:4

Osa rẹ omevwokpotọ vẹ oshọẹdje rẹ Ọrovwohwo na efe kugbe ọghọ vẹ arhọ.

Isẹ 29:23

Eheri vwẹ ohwo kpotọ, ẹkẹvuọvo ohwo rọ vwẹ oma kpotọ che vwo ọghọ rode.

Isẹ 3:34

Otu re jẹ ọjẹfia ọ je ghwa je ayen fia, ẹkẹvuọvo ọ vwẹ ẹroesiri ni ohwo rọ vwẹ oma kpotọ.

Aizaya 2:17

Obrabra rẹ ohwo kọ mrẹ ẹphọphọ eheri rẹ ihwo ke che vwo kpotọ; Ọrovwohwo ọvo a kpare kpenu vwẹ ẹdẹ yena.

Aizaya 54:7

Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Daniẹl 4:37

Asakiephana Mẹvwẹ, Nebukadneza de jiri ji mu ọghọ kẹ Ovie rẹ odjuvwu kidie iruo rọye ejobi shephihọ, idjerhe rọye uyota, ihwo re yan mu oma kpenu ejobi kọ sa vwẹ ayen kpotọ.

Matiu 13:12

Kidie kohwo kohwo ro vwori, ọye a vwọ kẹ, ko vwo buebu, kohwo kohwo ro vwori-i, emerha ro vwori na ka rhoma mie.

Matiu 23:12

Kohwo kohwo ro kpare oma kpenu, ke vwo kpotọ; ọ rọ vwẹ oma kpotọ ke vwo kpenu.

Iyẹnrẹ Esiri ri Luk 1:52

Ọ vwẹ ihwo ri kpenu kpotọ, ọ kpare ihwo ri kpotọ kpenu.

Iyẹnrẹ Esiri ri Luk 14:11

Kidie kohwo kohwo ro mu oma kpenu ka phọphọ, ohwo ro mu ọghọ kẹ oma ka kparọ kpenu.

Iyẹnrẹ Esiri ri Luk 18:14

Me ta kẹ wẹ, ohwo na re ase kpo uwevwi rọye nọ ọ ro chekọ na; kidie kohwo kohwo ro mu oma rọye kpenu ke vwo kpotọ, ẹkẹvuọvo ọ rọ vwẹ oma rọye kpotọ ke vwo kpenu.

Jems 4:10

Vwẹ oma wẹn kpotọ kẹ Ọghẹnẹ, kọ kpare owẹ kpenu.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.