Jems 4:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kperẹ ọtiọye na, ovwan ke tanẹ, O de jẹ Ọrovwohwo, avwanre ke rhọ, kẹ avwanre ru ọtiọna eyẹ ọtiọye.

Jems 4:15 Iomraidhean Croise

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Iruo rẹ Iyinkọn na 18:21

ẹkẹvuọvo rọ vwọ yan jẹ ayen vwo ọ da ta, Ọghẹnẹ da rhọvwe mi ji che rhivwi bru ovwan rhe, o de bi kpo Ẹfesọs.

Ọbe ri Pọl si rhe Ihwo ri Rom 1:10

Ke me rẹ Ọghẹnẹ nẹ ọ da dia obo rọ guọnọre o gbe ru idjerhe na phẹ re mi vwo se bru ovwan rhe.

Ọbe ri Pọl si rhe Ihwo ri Rom 15:32

Ọ da dianẹ Ọghẹnẹ rhọvwere ki mi bru ovwan rhe vẹ udu rẹ aghọghọ, rere okẹ re me vẹ ovwan dia oboyi te, ọ sa dia ọ rẹ ufuoma.

1 Kọrẹnt 16:7

Kidie me guọnọ vwẹriẹ mrẹ ovwan vwẹ asakiephana-a; me phiẹrohọ nẹ me vẹ ovwan cha dia kreki emerha, ọ da dianẹ Ọrovwohwo rhọvwere.

1 Kọrẹnt 4:19

Ẹkẹvuọvo mi rhivwi bru ovwan cha nanana, ọ da dianẹ Ọrovwohwo rhọvwere, ke me guọnọ otọ rọye ọ djanẹ kẹ ota rẹ ihwo ri phuoma na ọvo-o ẹkẹvuọvo ji te ogangan rayen.

Hibru 6:3

Ọna kọye avwanre se ru ọ da dianẹ Ọghẹnẹ rhọvwere.

Jems 4:16

Ẹkẹvuọvo, kirobo re me mrẹ, ovwan ke ghọghọ vwẹ evun rẹ oma ephuo rẹ ovwan, aghọghọ yena yoma-a.