Jems 4:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

Jems 4:11 Iomraidhean Croise

Une rẹ Ejiro 140:11

Jẹn ohwo rọ vwẹ unu miovwo ohwo muẹdia gan vwẹ otọ na-a, jẹn umiovwo brẹsi re ohwo gudu gudu kpata kpata.

Iyẹnrẹ Esiri ri Luk 6:37

Wo guẹ ohwo-o e gbi ji gu we-e; Wo bru ẹdjo hwe ohwo-o, e gbi ji bru hwe we-e; vwo ghovwo, ke ji vwo ghovwo uwe;

Ọbe ri Pọl si rhe Ihwo ri Rom 2:1

Wọ rha mrasa gun phihọ-ọ oghẹre rẹ ohwo re wọ epha ejobi wẹ ro brorhiẹ hwe ihwo efa na, obo ri wo brorhiẹ rẹ ihwo na eriyin wo ji ghwe brẹ hwe omaobọ wẹn, fikiridie wẹ, rẹ obrorhiẹ na ji ghwe ruẹ ọtiọye rhe.

Ọbe ri Pọl si rhe Ihwo ri Rom 2:13

Ọ dia ihwo ri nyo urhi eye hẹ ọvwata vwẹ obaro rẹ Ọghẹnẹ-ẹ, ẹkẹvuọvo e re vwẹ urhi na ru iruo eye re rease.

Ọbe ri Pọl si rhe Ihwo ri Rom 7:7

Kidie avwanre rha ta? Nẹ urhi na kẹ umwemwu? Kaka vwo! Dede na, ọ dianẹ kẹ urhi na vwo-o, me a gbe riẹn umwemwu-u. Ọ dianẹ urhi na re tare nẹ wo vwo urhuru-u me a gbe riẹn obo re se nẹ urhuru evwo-o.

1 Kọrẹnt 4:5

Eriyin na wo rhe brorhiẹ tavwe rẹ ọke na ki te-e, tavwe rẹ Ọrovwohwo ke rhe, ohwo rọ cha vwẹ obo re sinu asakiephana vwẹ ebri vwọ phia kugbe obo rẹ udu roro ejobi vwọ phia. Etiyin ohwo ọvuọvo ki che vwo ejiro rọye vwẹ obo rẹ Ọghẹnẹ.

2 Kọrẹnt 12:20

Oshọ mu uvwe nẹ ọkeọvo me da rhe me cha mrẹ ovwan kirobo re me guọnọre-e, yẹ ovwan je cha mrẹ vwẹ kirobo rẹ ovwan guọnọre-e; ọkeọvo yẹ ẹghwọ herọ, omaẹriọ, ophu, urhuru, ophọphọvwe, iguegu, omaephuo, kugbe ọyangha.

Ẹfesọs 4:31

We siobọ nẹ ivuemiovwo kugbe ẹghwọ kugbe ophu kugbe oseghe kugbe ọphọphọvwe vwẹ ohri rẹ ovwan, vẹ ọnko.

1 Timoti 3:11

Eya na me je dia ihwo rẹ use na nabọ we, e ta avwravwra-a, ẹkẹvuọvo e me dia fuefu, ri vwo esegbuyota vwe emu ejobi.

2 Timoti 3:3

i gbi vwo omaeririo-o, e gbi se fue ọhọre rẹ aye-en, ri miọvwi odẹ rẹ ihwo, ke vẹn ro umwemwu, ke djoma, ki tuoma rẹ emu esiri,

Taitọs 2:3

Rere eya re ghworo vwo mu oma rẹ ayen phihọ ọghọ, e dia ihwo re ta avwravwra-a eyẹ ri ji si ọgba rẹ udi-i, je dia iyono ri yono emu esiri;

Jems 1:16

Imoni mẹ, wo ja phiẹn ovwa-an.

Jems 1:19

Imoni mẹ re ghare, ovwan riẹn ọnana. Ẹkẹvuọvo e ji kohwo kohwo fobọ nyo ẹme, ọ fobọ, kpahe ota-a, ọ fobọ mu ophu-u.

Jems 1:25

Ẹkẹvuọvo ohwo rọ nabọ ni urhi na fiotọ, urhi rẹ egbomọphẹ na, rọ nabọ fuẹrẹ, ọ dia ohwo ro nyo nẹ ọ chọrọ ẹro-o ẹkẹvuọvo rọ da dia ohwo ro nyo nẹ ọ ru, ko vwo ebruphihọ vwẹ iruo rọye.

Jems 2:8

Ọ da dianẹ ovwan yọnrọ uvi rẹ urhi na rẹ ovwan de nene obo rẹ ọbe ọfuanfon na tare nẹ, Guọnọ ọrivẹ wẹn kirobo wọ guọnọ oma wẹn, yu wo riẹn ru.

Jems 5:10

Imoni mẹ, ovwan gba vwẹ ẹro keri erhiori vẹ oja rẹ otu rẹ emraro rẹ awanre na, re ta ota vwẹ odẹ rẹ Ọrovwohwo rere.

Jems 5:7

Imoni mẹ, ovwan gba vwẹ erhiori hẹrhẹ, bẹsiẹ rẹ Ọrovwohwo cha vwọ rhe. Nighe ọghwẹrẹ vwẹ erhiori hẹrhẹ emamọ rọ kọnre, bẹsiẹ rẹ osio ke rhe rhọ, re emamọ na cha vwọ ghwo.

Jems 5:9

Imoni mẹ, ovwan guẹ ohwohwo-o, rere e vwo jẹ ovwan eguo; nighe, obrorhiẹn mudia vwẹ anurhoro re.

1 Pita 2:1

Vwẹ ọtiọye na we siobọ nẹ ọnko kugbe ophiẹvwe kugbe omeru kugbe ophọphọvwe ejobi.