Jems 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọye ọvo na me vwo jiri Ọrovwohwo rẹ ọsẹ na; ọye avwanre vwọ harha ihwo efa rẹ Ọghẹnẹ vwẹ uhoho rọye ma.

Jems 3:9 Iomraidhean Croise

Jẹnẹsis 5:1

Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

2 Samuẹl 16:5

Ọke rẹ Ovie Devid vwo te Bahurim, ohwo ọvo rẹ uwevwi ri Sọl da rhe vwa, e se odẹ rọye Shimẹi, ọmọ ri Gẹra; rọ vwọ cha na ọ yan jo duvwu iyori.

2 Samuẹl 19:21

Abishai rẹ ọmọ ri Zeruiah da kpahe, E gbi hwe Shimẹi vwi fiki rẹ ọnana, kidie ọ harhe ohwo rẹ Ọrovwohwo vwo mu?

1 Ikun rẹ Ivie 29:10

Ọtiọye na Devid de bruphihọ kẹ Ọrovwohwo vwẹ irharo rẹ ọghwẹgbe na ejobi; Devid da ta, Ebruphihọ kẹ wẹ, E Ọrovwohwo, Ọghẹnẹ rẹ Izrẹl ọsẹ rẹ avwanre, rhiri bẹdẹ.

1 Ikun rẹ Ivie 29:20

Etiyin Devid da ta kẹ ọghwẹgbe na ejobi, Bruphihọ kẹ Ọrovwohwo rẹ Ọghẹnẹ wẹn. Ọghwẹgbe na ejobi de bruphihọ kẹ Ọrovwohwo na, Ọghẹnẹ rẹ esẹ rayen, ayen de gbe uyovwi rayen kpotọ; ayen da ga Ọrovwohwo na, ayen da vware ovie na.

Une rẹ Ejiro 10:7

Unu rọye vọnre vẹ ekan vẹ ophiẹnvwe kugbe oshenyẹ, ogbigbiru vẹ orukuruku vọn otọ rẹ ẹrẹnvwe rọye.

Une rẹ Ejiro 108:1

Udu mẹ choma, E Ọghẹnẹ, udu mẹ choma! Me so ine, me so ejiro! Vrẹn, ẹnwẹ mẹ!

Une rẹ Ejiro 145:1

Mi mu we kpenu, Ọghẹnẹ mẹ Ovie mẹ, mi bruba kẹ odẹ wẹn rhiri bẹdẹ bẹdẹ.

Une rẹ Ejiro 145:21

Unu mẹ kọ ta ota rẹ ejiro rẹ Ọrovwohwo, re jẹn uvwo ejobi bruba kẹ odẹ ọfuanfon rọye rhiri bẹdẹ bẹdẹ.

Une rẹ Ejiro 16:9

Fiki rẹ ọtiọye na udu mẹ kọ ghọghọ, oma kọ vwerhe erhi mẹ; oma mẹ kọ dia egbemọphẹ.

Une rẹ Ejiro 30:12

rere erhi mẹ vwo jiri uwe rọ vwọ je fotovwi gbiẹi. E Ọrovwohwo Ọghẹnẹ mẹ, me vwẹ ẹkpẹvwẹ kẹ wẹ bẹdẹ.

Une rẹ Ejiro 34:1

Mi bruphihọ kẹ Ọrovwohwo vwẹ ọke ejobi, ejiro rọye dia unu mẹ kọke kọke.

Une rẹ Ejiro 35:28

Etiyin ẹrenvwe mẹ ko gbe ikun rẹ ọvwata wẹn kugbe ejiro wẹn vwẹ ẹdẹ na ejobi.

Une rẹ Ejiro 51:14

Sivwi vwe nẹ abe re ọbara, E Ọghẹnẹ, wẹ Ọghẹnẹ re esivwo mẹ, ẹrenvwe mẹ ko so ine re esivwo wẹn phia.

Une rẹ Ejiro 57:8

Vrẹn, ẹnwẹ mẹ! Vrẹn, E akpata vẹ isorogun! Mi vrẹn rhọvwọ vwẹ irhiọke!

Une rẹ Ejiro 59:12

Fiki rẹ umwemwu rẹ unu rayen, ota rẹ ẹbẹrunu rayen, jẹn ufi re eheri rayen mu ayen. Fiki rẹ iyori rẹ ayen duvwẹ kugbe efian rẹ ayen vwọrọ,

Une rẹ Ejiro 62:4

Iroro re ayen vwo gere she nẹ asan rode ro epha ayen jẹ na. Oma rẹ efian ẹvwọrọ vwerha ayen. Ayen vwẹ unu re ayen nẹ ẹrhovwo, ẹkẹvuọvo yẹ ayen vwẹ evun duvwu iyori

Une rẹ Ejiro 63:4

Ọtiọye na ki mi bruba kẹ wẹ vwẹ ọke me dia akpọ na te, Me kpare abọ mẹ kpenu ri mi ki se odẹ wẹn.

Une rẹ Ejiro 71:24

Ẹrenvwe mẹ kọ ta ota rẹ ọchuko re ọvwata wẹn vwẹ ẹdẹ na ejobi, kidie a phọphọ ayen oma vo ayen re guọnọ oma ẹwan mẹ.

Aghwoghwo 7:22

wọ riẹnre vwẹ udu wẹn nẹ ọke buebu re wo je harhẹ ihwo efa.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Matiu 26:74

Ọ da harhe ekan duvwu iyori nẹ, Me riẹn ohwo na-a. Siẹvuọvo na ọhọ de ghwe bo. Pita da rhe karohọ eyan rọ vi Jesu yanre, ta nẹ, Bẹsiẹ rẹ ọhọ ki bo, wọ sen vwẹ asiarha. Ọ da ro otafe ra viẹ gangan.

Matiu 5:44

Ẹkẹvuọvo me ta kẹ wẹ nẹ, guọnọ ivwighrẹ wẹn, nẹ ẹrhovwo kẹ ihwo ri kpokpo uwe,

Iruo rẹ Iyinkọn na 2:26

eriyin na oma da vwerhe udu mẹ, ẹrẹnvwe mẹ da ghọghọ; ugboma mẹ kọ dia vwẹ evun rẹ iphiẹrohọ.

Ọbe ri Pọl si rhe Ihwo ri Rom 3:14

Unu rayen vọnre vẹ ekan kugbe eta ebrabra.

1 Kọrẹnt 11:7

Kidie o fori rere ọshare phare uyovwi rọye-e, rọ vwọ hẹ uhoho vẹ urinrin rẹ Ọghẹnẹ na; ẹkẹvuọvo aye hẹ urinrin rẹ ọshare.

Ẹfesọs 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi, ro bruphihọ kẹ vwi Kristi vẹ emu buebu rẹ erhi guọnọre vwẹ obo odjuvwu,

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

Jems 3:10

Evun rẹ unu ọvuọvo na ọye ejiro vẹ ekan nẹ cha. Imoni mẹ, komavọ a mrẹ emu ọvo ọtiọye vwo.

1 Pita 1:3

Ebruba kẹ Ọghẹnẹ kugbe Ọsẹ rẹ Ọrovwavwanre Jesu Kristi! Ra vwẹ arodọvwẹ rọye rọde na rhoma vwiẹ avwanre ọkpokpọ kẹ iphiẹrohọ ro jeghwo vwẹ oma rẹ evrẹnushi ri Jesu Kristi nẹ ughwu rhe,

Iguẹdjọ 9:27

Ayen da yanran kpo aghwa, ayen da ra kọrọ grep vwẹ ogba ri vain rayen koko, ayen de chiyi ayen, ayen da re orẹ, ayen da yanran kpo uwevwi rẹ ẹdjọ rayen, ayen da re, ayen da da idi, ayen de duvwu iyori kẹ Abimẹlẹk.