Jems 3:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Imoni mẹ, ovwan ejobi ghwa dia iyono re-e, ovwan riẹn nẹ a cha vwẹ avwanre rẹ iyono na vwo guẹdjọ ọgangan.

Jems 3:1 Iomraidhean Croise

Livitikọs 10:3

Etiyin Mosis da ta kẹ Erọn nẹ, Ọnana obo rẹ Ọrovwohwo tare, Mi dje oma mẹ phia fuanfon vwẹ ohri rẹ ihwo ri si kẹrẹ ovwẹ, kugbe obaro rẹ ihwo ejobi a da vwẹ urinrin kẹ vwẹ. Erọn de fotovwi gbiẹi.

Malakae 2:12

E jẹn Ọrovwohwo rhe nyavwe utughẹ ri Jekọp kufia, fiki rẹ ohwo ro ru emu nana, ono ri se oseri eyẹ kono re kpahe ota, eyẹ kono re vwẹ ẹkpẹvwẹ rhe Ọrovwohwo rẹ otuofovwi na!

Matiu 10:24

Odibo rho nọ onini rọye-e, ọviẹn rho nọ ọrovworo-o.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Matiu 23:14

Ekan kẹ ovwan, isiẹbe kugbe Farisi, evwọrọn efian! ovwan mia guọghọ uwevwi rẹ eyauku, ovwan me vwẹ omeru nẹ ẹrhovwo rẹ efian grogro, eriyin na ovwan cha reabe rode.

Matiu 9:11

Ọke ri Farisi na vwọ mrẹ, ayen da ta kẹ idibo rọye nẹ, Die jabọ ọ vẹ imiarhọghọ kugbe iruimwemwu vwọ ria emu kuẹgbe?

Iyẹnrẹ Esiri ri Luk 16:2

O de se ọ da ta kẹ, Didi ota mi nyo kpahe owẹ na? Gbe mo kere ekuakua ra vwọ kẹ wẹ yọnre na, kidie wọ gbe sa dia odibo mẹ ọfa-a.

Iyẹnrẹ Esiri ri Luk 6:37

Wo guẹ ohwo-o e gbi ji gu we-e; Wo bru ẹdjo hwe ohwo-o, e gbi ji bru hwe we-e; vwo ghovwo, ke ji vwo ghovwo uwe;

Iyẹnrẹ Esiri ri Jọn 3:10

Jesu da kpahe kẹ, Wọ dia oyono rẹ Izrẹl, yi wo vwo ẹruọ rẹ imu nana-a?

Iruo rẹ Iyinkọn na 13:1

Asakiephana emraro kugbe iyono da herọ vwẹ ishọshi rẹ Antiọk, Banabas, Simiọn re se Naija, Lushọs ri Sairin, Manaen ọdiaguare rẹ rẹ ovie Hẹrọd, kugbe Sọl.

1 Kọrẹnt 12:28

Ẹsosuọ Ọghẹnẹ da vwẹ iyinkọn mu vwẹ evun rẹ ishọshi rọye, ọrivẹ emraro, ọrerha iyono, o ki te iruiruo rẹ igbunu, o ki te isivwi ihwo, ichuko, isun isuesun ihwo re je ephẹrẹ sansan.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Ẹfesọs 4:11

Okẹ rọye ke rha vwẹ ọna nẹ otu evo dia iyinkọn, evo emraro, evo aghwoghwo, evun osun vẹ iyono.

1 Timoti 1:7

re guọnọ nẹ ayen dia iyono rẹ urhi na, yẹ ayen vwo ẹruọ rẹ obo rẹ ayen ta-a eyẹ obo rẹ ayen vwi fiki rọye vwẹ obọ sa ndu na-a.

1 Timoti 2:7

Fiki rẹ ọnana a vwọ vwẹ ovwe ru aghwọghwọ kugbe ọyinkọn (uyota me ta na, ọ dia ofian me vwọrọ-ọn) kugbe oyono rẹ ihwo ri Keferi vwẹ esegbuyota kugbe uyota na.

2 Timoti 1:11

Fiki rẹ iyẹnrẹ esiri na kọye a vwọ vwẹ ovwẹ mu aghwoghwo kugbe ọyinkọn kugbe uyono,

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Jems 1:16

Imoni mẹ, wo ja phiẹn ovwa-an.

Jems 1:19

Imoni mẹ re ghare, ovwan riẹn ọnana. Ẹkẹvuọvo e ji kohwo kohwo fobọ nyo ẹme, ọ fobọ, kpahe ota-a, ọ fobọ mu ophu-u.

Jems 3:10

Evun rẹ unu ọvuọvo na ọye ejiro vẹ ekan nẹ cha. Imoni mẹ, komavọ a mrẹ emu ọvo ọtiọye vwo.

1 Pita 5:3

Ọ dianẹ ke do ku ayen otu ra vwọ kẹ wẹ yọnre na-a ẹkẹvuọvo dia oniru kẹ uchuru na.