Jems 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ da dianẹ ovwan yọnrọ uvi rẹ urhi na rẹ ovwan de nene obo rẹ ọbe ọfuanfon na tare nẹ, Guọnọ ọrivẹ wẹn kirobo wọ guọnọ oma wẹn, yu wo riẹn ru.

Jems 2:8 Iomraidhean Croise

1 Ivie 8:18

Ẹkẹvuọvo Ọrovwohwo da ta kẹ Devid ọsẹ mẹ, Dede na nẹ wọ jẹn iroro vwẹ udu wẹn wọ vwọ bọn uwevwi kẹ odẹ mẹ, wọ riẹn ru wọ vwọ jẹn iroro nana vwẹ udu wẹn;

Ivie rẹ Ivẹ 7:9

Etiyin ayen da ta kẹ ohwohwo, Ọ dia obo ri fori avwanre ruẹ na-a. Ẹdẹ ri nonẹ na ẹdẹ rẹ ikun esiri, avwanre da de fọ hẹrhẹ te irhiọke, ekan rọye kọ dia ọ rẹ avwanre, e jẹn avwanre vrẹn asakiephana rere avwanre ra nẹ iyẹnrẹ kẹ evwruwevwi rẹ ovie.

Livitikọs 19:18

Wa reihri-i eyẹ we phi ota rẹ emọ rẹ ihwo rẹ owwan phihọ evu-un, ẹkẹvuọvo ovwan guọnọ erivẹ rẹ ovwan kere omaobọ rẹ ovwan. Mẹvwẹ Ọrovwohwo na.

Livitikọs 19:34

Ọrhorha rọ kua bru we rhe kọ dia kerẹ ọmotọ vwẹ obaro wẹn, wọ Me guọnọ kirobo wọ guọnọ oma wẹn; kidie ovwan je dia erhorha vwẹ otọ rẹ Ijipt. Mẹvwẹ Ọrovwohwo rẹ Ọghẹnẹ wẹn .

Jona 4:4

Ọrovwohwo da ta, Ku wọ riẹn ru rẹ ivun vwo miovwo uwe?

Jona 4:9

Ẹkẹvuọvo Ọghẹnẹ da ta kẹ Jona, Ku wọ riẹn ru rẹ ivun vwo miovwo uwe fiki rẹ okankọn na? Ọ da ta, Me riẹn ru rẹ ivun vwo miovwo uvwe, ivun tobọ miovwo uvwe te ughwu dede.

Matiu 22:39

Ọ ro chekọ je họhọ ọnana, Gnọnọ ọrivẹ wẹn kirobo wọ guọnọ oma wẹn.

Matiu 25:21

Ọrovworo da ta kẹ nẹ, Wo runọ odibo rẹ esiri na; wọ vwọ dia ọvwata vwẹ oma rẹ ememu nana, ku wọ dia ovie vwẹ enu rẹ emu buebu; mọ rhe ro aghọghọ rẹ ọrovwowe.

Matiu 25:23

Ọrovworo da ta kẹ nẹ, Wo runọ odibo rẹ esiri, wọ vwọ dia ọvwata vwẹ emu otete nana, gba ra re ovie vwẹ enu rẹ emu buebu; mọ rhe ro aghọghọ rẹ Ọrovwowe.

Matiu 7:12

Kemu kemu ru wọ guọnọre nẹ ihwo ru kẹ wẹ, gbe ji ru ọtiọye kẹ ihwo rhe; Kidie eriyin urhi na kugbe emraro na yonori.

Ọbe ri Pọl si rhe Ihwo ri Rom 13:10

Ẹguọnọ ruẹ obo re chọre kẹ ọrivẹ rọye-e; ọtiọye ẹguọnọ hẹ orugba rẹ urhi na.

Galesha 5:14

Kidie ẹ ku urhi na ejobi gbe vwẹ ota ọvuọvo, Wọ me guọnọ ọrivẹ wẹ ọtiobo wọ guọnọ oma wẹ.

Galesha 6:2

Ohwohwo mu oghwa rẹ ohwohwo, kọye we se vwo ru urhi ri Kristi gba.

Filipae 4:14

Dede na yẹ ovwan ruru gangan rẹ ovwan vwọ karohọ ovwẹ vwẹ evun rẹ ukpokpogho mẹ.

1 Tẹsalonaika 4:9

Ẹkẹvuọvo vwọ kpahe ẹguọnọ rẹ imoni na o rhe fo rere ohwo ọvo vwo si rhe ovwa-an, kidie Ọghẹnẹ yono ekpuyovwi rẹ ovwan nẹ ohwohwo guọnọ ohwohwo.

Jems 1:25

Ẹkẹvuọvo ohwo rọ nabọ ni urhi na fiotọ, urhi rẹ egbomọphẹ na, rọ nabọ fuẹrẹ, ọ dia ohwo ro nyo nẹ ọ chọrọ ẹro-o ẹkẹvuọvo rọ da dia ohwo ro nyo nẹ ọ ru, ko vwo ebruphihọ vwẹ iruo rọye.

Jems 2:12

Ru kirobo re wọ tare, rere a vwẹ owẹ guẹdjọ kerẹ ihwo ri nenẹ urhi rẹ egbemọphẹ na.

Jems 2:19

We segbuyota nẹ Ọghẹnẹ ọvuọvo; etiyin uyota; idẹbono ji segbuyota, o de gue oma.

Jems 4:11

Imoni, ovwan ta ota ọbrabra kpahe ohwohwo-o. Ohwo rọ ta ota omiomiovwi kpahe omoni rọye, eyẹ o de gu omoni rọye, yọ ta ota kpahe urhi na, urhi na kọye e ji ghwe vwo guo ẹdjọ; ẹkẹvuọvo wo de bru hwe urhi na, yu wo rhe nene urhi na-a, ẹkẹvuọvo oguẹdjọ kọye wọ epha.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.