Jems 1:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Imoni mẹ, ovwan ghọghọ, vwẹ ọke rẹ ọdavwini de te ovwan oma;

Jems 1:2 Iomraidhean Croise

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Ọbe ri Pọl si rhe Ihwo ri Rom 5:3

Ọ je dia ọye ọvo-o, avwanre je ghọghọ vwẹ evun rẹ oja rẹ avwanre, vẹ ẹriẹn nẹ oja nẹrhẹ e vwo odiri,

Filipae 1:29

Kidie a rhọvwerọ kẹ ovwan nẹ fiki ri Kristi ọ dia esegbuyota ọvo ovwan vwo-o ẹkẹvuọvo ovwan ke je reoja fiki rọye.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Filipae 2:18

Ọtiọye rhe oma je vwerhe ovwan rẹ ovwan da ghọghọ kẹ vwẹ.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

Hibru 10:34

Kidie ovwan re ehrọre re otu re mu phihọ uwodi, re vwo gborho ekuakua wẹn oma da vwerhe owẹ, kidie okpuyovwi wẹn riẹnre nẹ wo vwo ekuakua ri yoma nọ eyena re je tọn nọ.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 1:16

Imoni mẹ, wo ja phiẹn ovwa-an.

Jems 1:19

Imoni mẹ re ghare, ovwan riẹn ọnana. Ẹkẹvuọvo e ji kohwo kohwo fobọ nyo ẹme, ọ fobọ, kpahe ota-a, ọ fobọ mu ophu-u.

Jems 5:11

Nighe, ebruba kẹ ihwo ri chirako rhi te oba; ovwan ji nyo usi rẹ obo rẹ Ọrovwohwo ru kẹ Job te, vwẹ okuko rọye, obo ro nẹ arodọvwẹ kẹ te.

2 Pita 2:9

kẹ ọtiọye Ọrovwohwo je riẹn obo ro sivwi ihwo efuanfon rọye nẹ ọdavwini, ọ me rha sẹrọ rẹ ohwo umwemwu hẹrhe ehwe bẹsiẹ rẹ ẹdẹ rẹ ẹdjọeguo na vwo te.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.