Aizaya 7:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọrovwohwo da ta kẹ Aizaya, Yanran ra vwa Ehaz, wẹn kugbe Shejashub rẹ ọmọ wẹn, vwẹ obo oba rẹ ugbogho rẹ ame rẹ ẹtẹrhe rẹ hẹ obenu rẹ idjerhe rode rọ wan kpe asan ra da fọrhọ emwa,

Aizaya 7:3 Iomraidhean Croise

Ivie rẹ Ivẹ 16:1

Vwẹ ukpe rihwe gbẹ ighwrẹ ri Peka ọmọ rẹ Ramalaya, Ehaz ọmọ ri Jotam, ovie ri Juda, de mu uvie phihọ ẹriọ.

Ivie rẹ Ivẹ 18:17

Etiyin ovie rẹ Asiria de ji Tatan kugbe Rabsaris vi Rabshake nene ituofovwi buebu nẹ Lakish kpo Jerusalẹm ra vwa Hẹzikaya. Ayen de yeri kpenu re te Jerusalẹm. Ayen rhi vwo te oboyi, ayen de mudia kẹrẹ asan ogbogbo rẹ ame djẹ wan kpo ẹtẹrhe ro obenu, kọye ro kpo obo Anurhoro ra da fọnrhọn emwa.

Ivie rẹ Ivẹ 20:20

Iruo ri chekọ ri Hẹzikaya vẹ ẹgba rọye kugbe obo ro ru ẹtẹrhe rẹ ame vẹ egbogho rọ vwọ ghwa ame rhe evun rẹ orere na, e rhe si ayen phihọ Ọbe rẹ Ikun rẹ Ivie ri Juda?

Nehemaya 3:16

Vwẹ ukuko rọye, Nehemaya, ọmọ rẹ Azbuk, osun rẹ abọvo rẹ ubrotọ ri Betzur, ọ da rhuẹrẹ rhiri rhi te asan rọ hirhe opharo ku ushi ri Devid, rẹ owẹ ra tọnre na, ji re te uwevwi re egba re ihwo na.

Ẹyano 7:15

Yanran bru Fero vwẹ irhiọke, ọke ro de kpo obo ame, hẹrhẹ vwẹ orhoma rẹ urhie na, gba rọye ọkpọ rọ birhe phihọ ọrọdekọ na vwẹ obọ wẹn.

Aizaya 10:21

Umuku che rhivwi, umuku ri Jekọp, bru Ọghẹnẹ rẹ ọgba na.

Aizaya 22:10

wo de keri iwevwi rẹ Jerusalẹm, wo da guọghọ iwevwi na toto rere wo vwo ru igbẹhẹ na gan

Aizaya 22:11

Wọ da tọn ọgọdọ phihọ uvwre re igbẹhẹ na rere ame rẹ ẹtẹrhe rẹ awanre na vwọ djẹ ruọ. Ẹkẹvuọvo wo gbi rhe ni ohwo ro ruro-o, eyẹ wo rhe se ohwo rọ jẹn iroro na phihọ otọ rhabae rhe gbe emu-u.

Aizaya 36:2

Ovie re Asiria de ji Rabshekeh nẹ Dashishi rhe bru Ovie Hẹzikaya vwi Jerusalẹm, vẹ unuofovwi rode O de rhi mudia vwẹ asan unuame rẹ ẹtẹrhe ro he obenu na vwẹ idjerhe rode ra wan kpo udju ro rhuo emwa.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 6:13

Ọ da tobọ dianẹ ẹkehwe chekọ vwọ, a cha torhẹ kirẹ uloho eyẹ ọhahe, rẹ uchuku rọye chekọ siẹ re de she nu. Ubi ọfuanfọn na ọye hẹ uchuku na.

Jerimaya 22:1

Enẹ Ọrovwohwo tare, Wotọ kpo uwevwi rẹ ovie ri Juda, wọ ta ota nana vwẹ etiyin nẹ,

Ọbe ri Pọl si rhe Ihwo ri Rom 9:27

Aizaya de ghwoghwo kpahe Izrẹl. Owenẹ emọ rẹ Izrẹl bu kerẹ ibiekpẹn rẹ abadi, umuku rẹ ayen re cha rhọ;