Aizaya 47:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ A cha mrẹ ẹba wẹn, omaevuo wẹn ka cha mrẹ Me cha reihri, mi ji ohwo ọvuọvo vwo-o.

Aizaya 47:3 Iomraidhean Croise

Jẹnẹsis 3:7

Kọye ẹro rayen ivẹ de rhie, ayen da riẹn nẹ ayen ban phihọ, ayen de ko ẹbe ri fig kugbe vwo ru amwa vwo rhuo oma rayen.

Aizaya 20:4

Eriyin ovie rẹ Asiria che mu ihwo rẹ Ijipt ighuvwu ihwo rẹ Itiopia ke mu ayen kpo imu te imitete te ekpako. Ẹbẹba vẹ awọ ofefe, vẹ ikebe ri rhie phihọ, rọ dia omaẹvuọ kẹ Ijipt.

Aizaya 3:17

Ọrovwohwo cha vwẹ ogbẹn ghwiẹ uyovwi emetẹ ri Zayọn, kọ cha ba odjahọ rayen phihọ.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Jerimaya 13:26

Mẹvwẹ ọvo cha kpare eshamwa wẹn rhurhu opharo wẹn, ka mrẹ omẹvuọ wẹn.

Jerimaya 51:11

Nọ edada na! Reyọ ekpọfia na! Ọrovwohwo kpare udu rẹ ivie rẹ Mid nure, fikiridie iroro rọye kpahe Babilọn iroro rẹ oghwọrọ, kidie ọye ihriẹriọ rẹ Ọrovwọhwo na, ihri fiki rẹ uwevwi rọye.

Jerimaya 51:4

Ayen che she ghwẹ vwẹ otọ rẹ ihwo ri Kaldia, a cha wan ayen oma vwẹ irhuvwu rọye.

Jerimaya 51:56

Kidie oghwọrọ bruro rhire, rhe enu ri Babilọn, e mu egba ofovwi rọye e vwirhi umurhabọ rayen ibribro, kidie Ọrovwohwo ọye Ọghẹnẹ rẹ ọ hwa osa, o ghine cha hwa osa.

Izikiẹl 16:37

Fiki rẹ otioye na, nighe, me cha ghwẹ esen wẹn ejobi koko, e re wọ vẹ ayen gbe gbe ọfanrhẹn na, ayen ejobi ri je we kugbe ayen ejobi ri tu we oma, ke me ghwẹ ayen ejobi koko rhe vwọ so owẹ nẹ asan kasan rhe, ke rhie ẹban wẹn phihọ kẹ ayen, rere ayen vwọ mrẹ ẹban wẹn ejobi.

Nahum 3:5

Nighe ki mi mu kpahe owẹ, eriyin Ọrovwohwo rẹ otuofovwi na tare, ke me ghwiẹ abọ rẹ ewun wẹn rhurhu uwe opharo; uvie ke mrẹ ophọphọvwe wẹn.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

Urhi Rivẹ 32:35

Ihri ẹriọ ọmẹ mẹvwẹ re hwa osa ọke rẹ owọ rayen da ghworiẹ kidie ẹdẹ rẹ okpetu rayen sikẹre re, ughwu rayen cha kpregede.

Ẹvwọphia 16:19

Orere rode na da bẹre ẹbẹre erha, irere rẹ ẹgborho na de ghwie she, Ọghẹnẹ da rhe karohọ Babilọn orere rode na, a da vwẹ uko rẹ ophu rọye kẹ da.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!