Aizaya 42:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ ugbẹn rẹ eyareya dede o se vwirho-o, urhukpẹ rẹ evwri yẹrẹyẹrẹ o se fuo-o, orhiẹ rẹ uyota vẹ ọsoso ọye o che bru.

Aizaya 42:3 Iomraidhean Croise

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Une rẹ Ejiro 147:3

O sivwẹ ohwo rẹ udu rọye vwirhiri, ọ gba era rayen.

Iyẹnrẹ Esiri ri Jọn 5:30

Me sa vwẹ ogangan ru emuọvo-o; kirobo ri mi nyori, ọye mi guẹ nene; yẹ ẹdjọeguo mẹ ọ rẹ ọsoso, fikiridie mi ruẹ ọhọrobọ mẹ-ẹ ẹkẹvuọvo ọhore rẹ ọ ro ji vwe rhe.

Ẹvwọphia 19:11

Etiyin me da mrẹ odjuvwu ro rhie phihọ, mi vwo ni, me da mrẹ esi ọfuanfon! E de se ọ ro tidia vwẹ enu rọye na Ọresiri kugbe Uyota, vwẹ evun rẹ ọvwata ọye o de guẹdjọ ọye o de ji phiẹ ofovwi.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Iyẹnrẹ Esiri ri Jọn 20:27

Etiyin ọ da ta kẹ Tọmọs. Vwẹ urhiabọ wẹn te etinẹ, re wọ mrẹ abọ mẹ; gba riẹn obọ wẹn rhe, re wo vwo te ẹfẹn mẹ; wo jẹ esegbuyota evwo-o, ẹkẹvuọvo segbuyota.

Maika 7:9

Ki mi chiri ophu rẹ Ọrovwohwo na fikiridie mi ru umwemwu kpahọ, bẹsiẹ ro vwo mie vwẹ unu vwo gu ro de brorhiẹ kẹ vwẹ. kọ vwẹ ovwẹ kpo asan rẹ urhukpẹ epha; ke me mrẹ esivwo rọye vughe.

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Matiu 12:20

O che vwirhi ugbẹn rẹ eyareya-a, Eyẹ o che se fu umwerhanre-e, Bẹsiẹ ro che vwo brorhiẹ na ejobi kparobọ.

Une rẹ Ejiro 54:5

Ọ vwẹ umwemwu hwa osa ke ivwighrẹ mẹ; vwe evun rẹ uyota wẹn gbe bru ayen dje.

Une rẹ Ejiro 94:15

Kidie ọsoso che rhivwi bru ọvwata rhe, ihwo re dia ọsoso vwẹ udu ejobi ki nene.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Aizaya 42:2

O che kperi-i, eyẹ o che rhie unu-u, e che nyo umri rẹ ekpere rọye vwẹ evun rẹ urhuvwu-u,

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.