Aizaya 3:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

Aizaya 3:9 Iomraidhean Croise

Jẹnẹsis 13:13

Vwẹ ọke nana ihwo ri Sodọm na brare gangan, iruimwemwu ride na vwẹ obaro rẹ Ọrovwohwo.

Jẹnẹsis 19:34

Vwẹ ẹdẹ rivẹ, oro ọkpako da ta kẹ ọ rẹ otete, Nighe, Me vẹ ọsẹ Me ri gbe sherhẹ ason rọ wanre na, jẹ a je vwẹ udi kẹ da vwẹ ason na rhe, rere wọ vẹ ọye je vwerhẹ rhe, rere vwẹ oma rọye uvwiẹ rẹ avwanre vwo je fue.

Jẹnẹsis 4:5

ẹkẹvuọvo ọ ri Ken o de no saka. Ivun de miovwi Ken gangan o de mu opharo phihọ.

Ivie rẹ Ivẹ 9:30

Ọke ri Jehu vwọ rhe Jẹzril, Jẹzibẹl de nyo; o de si amiẹro rọye, ọ da rhuẹrẹ uyovwi rọye, ọ da wan evakpo ni otafe.

Une rẹ Ejiro 10:4

Vwẹ eheri re opharo rọye o rhe jẹn oruimwemwu guọnọ-ọ; iroro rọye ejobi ke ọ na nẹ, Ọghẹnẹ herọ-ọ.

Isẹ 15:32

Ohwo rọ siẹn uyono phiẹn oma obọ roye, ẹkẹvuọvo ohwo rọ kerhọn rẹ uchebro o vwo ẹruọ buebu.

Isẹ 30:13

Efa herọ mavọ ẹro rayen kpenu te, ẹro rayen nẹ ohwo sua-a

Isẹ 8:36

Ẹkẹvuọvo ohwo re me vabọ yọ wa omobọ rọye oma; ihwo ri tuoma mẹ ejobi ye ughwu eguọnọ.

Aizaya 1:10

Nyo ota rẹ Ọrovwohwo, wẹ isun ri Sodọm! Kerhọn rẹ uyono rẹ Ọghẹnẹ rẹ avwanre we ihwo ri Gomora!

Aizaya 3:16

Ọrovwohwo tare: Fikiridie emetẹ ri Zayọn vwo ọnko ayen riẹn ọhọre kerẹ obo re yan frẹfrẹ vwiovwio ẹro rayen, re erọvwọ rẹ awọ rayen tue,

Aizaya 57:20

Ẹkẹvuọvo oruimwemwu kọ họhọ abadi rọ họnra, kidie o se rovwoma-a, ame rọye fa ibehre vẹ ikueku phia.

Aizaya 59:12

Kidie ogbeku rẹ avwanre rhi bu phihọ vwẹ obaro wẹ, umwemwu rẹ avwanre se iseri hwe avwanre, kidie ogbeku rẹ avwanrc vẹ avwanre herọ, avwanre riẹn orukuruku rẹ avwanre:

Jerimaya 2:19

Orukuruku wẹn cha họnron owẹ, egagọ esiọn wẹn cha ghwọ ku we. Vughe re wọ mrẹ nẹ umwemwu yara kidie wọ siẹn Ọrovwohwo Ọghẹnẹ wẹn, oshọẹdjẹ mẹ rhe we vwẹ evu-un, Ọrovwohwo Ọghẹnẹ rẹ ofovwi re tarọ.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 6:15

Oma vo ayen vwẹ ọke rẹ ayen de gbe ẹgua? Ejo, oma vo aye kakaka-a ayen riẹn obo re muẹ opharo phihọ. Vẹ ọtiọye na ayen she phihọ ohri rẹ otu ri sheri, vwẹ ọke ri mi de hwe ayen ke phi ayen wan, eriyin Ọrovwohwo na tare.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Uvwerhe 5:16

Erhu rẹ uvie na she nẹ uyovwi rẹ avwanre; ekan kẹ avwanre, kidie avwanre ru imwuemwu!

Izikiẹl 16:30

Mavọ unuavwerhe rẹ ọfanrhiẹn vọn udu wẹn te, eriyin Ọrovwohwo Ọghẹnẹ tare, ru wo vwo ru imu nana, uruemu rẹ unuavwerhe rẹ igberadja na,

Izikiẹl 16:49

Nighe, Ọnana abe rẹ oniọvo wẹn rẹ ọmọtẹ Sodọm: te ọye vẹ emetẹ rọye muẹ oma kpenu, ayen vwo emuọre buebu, akpọ yovwẹ ayen, ẹkẹvuọvo yẹ ayen cha ivwiogbere rẹ akpọ bẹn uko-o.

Izikiẹl 23:16

Ọke rọ vwọ mrẹ ayen kọ pho nene ayen, o de ji ikọn bru ayen vwẹ obi Kaldia.

Daniẹl 7:20

Vwọ kpahe ighoro ihwe re hẹ uyovwi rọye, vẹ ighoro efa ri yoro phia, re sua eshe kẹ ighoro erha vwẹ obaro rọye, ighoro vwẹ ibiẹro kugbe unu rọ vwọ ta ikpeta ride, re je rho nọ otu rọye.

Hosia 13:9

Me guọghọ owẹ, E Izrẹl, kono sa chọ we uko?

Hosia 5:5

Eheri rẹ Izrẹl se iseri hwe; Ifrem kọ cha yẹnghrẹn vwẹ abe rọyẹ, Juda vẹ ayen gba cha yẹnghrẹn kugbe.

Ọbe ri Pọl si rhe Ihwo ri Rom 6:23

Kidie osa rẹ umwemwu hẹ ughwu, ẹkẹvuọvo ẹserọphẹ rẹ Ọghẹnẹ na ọye hẹ arhọ ri bẹdẹ vwẹ evun ri Jesu Kristi Ọrovwavwanre.

Ẹvwọphia 11:8

irivwi rayen ke cha riẹn nene urhuvwu rẹ orere rode na ra vwẹ itẹ se nẹ Sodọm kugbe Ijipt, asan ra da kanre Ọrovwohwo mu agbagba.

1 Samuẹl 15:32

Etiyin Samuẹl da ta, Reyọ Agag ovie rẹ Amalẹk rhe vwe vwẹ etinẹ. Agag de bro rhe vẹ unuehwẹ phiẹphiẹphiẹ. Agag da ta, Uyota odjadja rẹ ughwu na wanre.