Aizaya 15:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọmọtẹ ri Dibọn yanran kpo obenu ọ yanran kpo enu rẹ igbenu ra viẹ; vwẹ enu ri Nebo vẹ enu ri Medeba Moab re beroma. Kuyovwi kuyovwi gba akpan re, a wanre kẹtuegba kẹtuegba,

Aizaya 15:2 Iomraidhean Croise

Jerimaya 48:1

Kpahe Moab,. Enẹ Ọrovwohwo rẹ otuofovwi, Ọghẹnẹ rẹ Izrẹl tare: Ekan ki Nebo, kidie a ghwọerọ a vwẹ ọmavovwẹ kẹ Kiriataim, a reyerọ; ọgba na a vwẹ rọ jehwẹ a ghwọerọ te otọ;

Livitikọs 21:5

E jẹn ayen bru ẹto nẹ uherevie raye-en, ayen ji bru asan ọvuọvo vwẹ oma raye-en.

Jerimaya 48:18

Wotọ rhe nẹ urinrin wẹn, wọ tidia vwẹ otọ ọyaya, E ihwo ri Dibọn! Kidie ọghwọrọ ri Moab rhi bru vwa wẹ re; ọ guọghọ ogba ọgangan wẹn nure.

Aizaya 3:24

Kpe rẹ ishani ọnrhe kọye che gbo phia; vwe asan rẹ umuehu, ke ufi; kpe re ẹton ra riẹn me kẹ akpan, kpe rẹ omamọ rẹ adagba, kẹ erharhimi; kpe rẹ erhuvwu, kẹ omaẹvuọ.

Urhi Rivẹ 34:1

Mosis da yan nẹ uphẹphẹ ri Moab vwo kpo ugbenu ri Nebo, kpenu ri Pisga, ro hirhe aro ku Jeriko. Ọrovwohwo da vwẹ otọ na ejobi nẹ ni Giliad re te Dan,

Ukeri 21:30

Ọtiọye uvwiẹ rayen ghwọrọ kufia nẹ Heshbon rhiri re te Dibọn, avwanre da guọghọ re tototo tavwe re erhanre na ke torhẹ rhiri re te Medẹba.

Izikiẹl 7:18

Ayen vwẹ esiso rhuo oma rayen, uguegue de rhurhu ayen; omavovwẹ vọn opharo rọye, uyovwi rayen gbe akpan.

Jerimaya 48:31

Ọtiọye na ke me viẹ kẹ Moab, Mi kperi phia ke Moab ejobi, ihwo rẹ Kiheres mi muoma phihọ kẹ.

Jerimaya 47:5

Akpan bru Gaza rhire, Ashkẹlọn ghwọrọ nure. E umuku ri chekọ vwẹ ihwo rẹ Anak, Mavọ we bru omobọ rẹ ovwan krite?

Jerimaya 7:29

Bru ẹto wẹn wo do kufia, kpare ugoroviẹ vwẹ enu rẹ ugbenu phrẹphrẹphrẹ na, kidie Ọrovwohwo siẹn ọchuko kẹ uvwiẹ nana rẹ ophu rọye muọ na.

Aizaya 22:12

Vwẹ ẹdẹ yena Ọrovwohwo Ọghẹnẹ rẹ otuofovwi ko che se ihwo rhe viẹ rhi muomahọ, rhe wanre uyovwi korie rhe, vwẹ esiso rhuo,

Aizaya 16:12

Vwẹ ọke ri Moab da vwẹ oma rọye phia, rọ da laghoma rọye bẹn vwẹ enu rẹ asan ro kpenu, rọ da rhe ẹshẹ rọye re nẹ ẹrhovwo, ọ gbe sa kparobọ-ọ.

Aizaya 16:7

Fiki rẹ ọtiọye na gbe jẹn Moab beroma, e ji kohwo kohwo beroma kẹ Moab. Muomahọ a ghwiẹ wẹn tototo, fiki rẹ ikara ri rasin ri Kirhaeseth.

Aizaya 15:3

ayen vwẹ isiso rhuo vwẹ evun rẹ irhuvwu, vwẹ enu rẹ uwevwi kugbe evun rẹ ọsuere kohwo kohwo beroma ayen wran vwẹ ovie.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

ỌBE RẸ JOB 1:20

Etiyin Job de vrẹn ọ da bẹrẹ ewu rọye, ọ da wanre uyovwi rọye, o de she teye otọ, ọ da ga Ọghẹnẹ.

Urhi Rivẹ 14:1

Ovwan emọ rẹ Ọrovwohwo Ọghẹnẹ rẹ ovwan. we bru oma rẹ ovwa-an, wa je wanre uyovwi phihọ orivwi-i.

Ukeri 32:38

Nebo, kugbe Baalmeọn (odẹ rayen e che wene), kugbe Sibmah; ayen de mu edẹ efa kẹ irere rẹ ayen bọnre na.

Ukeri 32:3

Atarọt, Dibon, Jazer, Nimrah, Hẹshbọn, Elealeh, Sebam, Nebo, kugbe Beọn,

Livitikọs 13:40

Ọ da dianẹ ẹto rẹ uyovwi rẹ ohwo kpare nu, yẹ ohwo na gbe akpan ẹkẹvuọvo ohwo ọfuanfon o ruẹ.

Ukeri 21:28

Kidie erhanre la nẹ Hẹshbọn rhe, ogidi erhanre nẹ orere ri Sihọn rhe. Ọ da torhẹ Ar ri Moab, ri vwo igbenu ride rẹ Arnọn.

2 Samuẹl 10:4

Kọye Hanun da reyọ idibo ri Devid, ọ da wanre ẹtuegba rayen ọvuọvo, o de bru ewun rayen fi vwẹ ugava, vwẹ asan ubiọchọ, o de ji ayen kpo.

Jerimaya 3:21

E nyo urhuru ọvo vwẹ enu rẹ ugbenu phrẹphrẹphrẹ oviẹ vẹ ẹdjeguo rẹ emọ rẹ Izrẹl, fikiridie ayen wene idjerhe rayen, Ọrovwohwo Ọghẹnẹ rayen chọrọ ayen ẹro.

Jerimaya 47:2

Enẹ Ọrovwohwo na tare: Nighe, ame herọ kpara nẹ obọrhe ọnre cha, O cha djẹ ọkẹre reghereghe ayen che reghe otọ na vẹ obo re vọnrọn ejobi. Orere na kugbe otu re dia evun rọye. Ihwo che kperi phia, ohwo kohwo rọ hẹ otọ na ejobi che beroma.

Jerimaya 48:35

Ki mi che fue vwi Moab, ohwo ro ze izobo vwẹ asan ro kpenu na rọ je torhẹ ugboduma kẹ edjọ rọye, eriyin Ọrovwohwo tare.

Izikiẹl 27:31

Ayen de gbe oma rayen akpan fiki wẹ, ayen de rhuo emwa rẹ uvweri, ayen da viẹ kẹ wẹ oviẹ rọ yara korokoro, vẹ oma emuophihọ rode.

Izikiẹl 30:2

Ọmọ rẹ ohwo, mraro, re wọ ta, E nẹ Ọrovwohwo Ọghẹnẹ tare: Beroma, Eghwo kẹ ẹdẹ na!

Emọs 8:10

Ki mi che hirhe orẹ wẹn phihọ omaemuohọ, ine ẹsuọ wẹn ejobi phihọ omaevwerhe ke Me vwẹ emwa rẹ uvweri rhuo ayen ejobi, uyovwi rẹ ohwo kohwo ko gbe akpan; kọ họhọ ohwo ro muomaphihọ fiki ọmọ ọvuọvo ro vwiẹri oba rọye kẹ ẹdẹ rọ yara korokoro.

1 Ikun rẹ Ivie 19:4

Etiyin Hanun da reyọ idibo ri Devid ọ da wanrọ ayen ẹtuegba, o de bru Iwun rayen vwẹ uherevie, vwẹ asan ehun rayen, o de si obọ nẹ ayen; ayen da yanran kpo.

Jerimaya 49:3

Beroma, E Hẹshbọn, kidie a ghwọrọ Ai te otọ! Wa vie, E emetẹ ri Rabba! vwẹ isiso rhuo oma wẹn, viẹ, re wọ djẹrhe djẹkpo vwẹ ohri rẹ ogba na! Kidie e che mu Milkọm, kugbe irherẹn vẹ isun rọye kpo ighuvwu.