Matthew 6:12 - Ubir

¹² Wei ai bobo komasis wafofour on einotburei, on nanaba sabu fani wei auri bobo komasis sifofour on waninotbures.

Matthew 6:12 Iomraidhean Croise

Matthew 26:28

nin on Yau au tara, God an dura bobaibasit, Yau au tara on sabu engon auris ededebur asi bokomas bainotbur mes.

Matthew 9:2

sabu fani on orot raguraguin ireai i’yen auman sibo sinat Iesu aurin. Iesu iyeit sabu ites on asi baitutum irat bag, on mes On orot raguraguin aurin iyau, “Natu eiyasisir! Om am bokomas on ainotbur.”

Mark 11:25

Ato wonmisir wonbabayoi on, omi ami komasin turam aurin woiyamai yen on wonnotburai ato Tamam safamai on arimon omi ami bokomas wofofour on innotburem.”

Luke 11:4

Wei ai bokomas wafofour on einotburei, yabin wei mat sabu engon auri bobo komasis sifofour on waninotbures. A mat Om men unbonanawaii wanan rutobon wawanin wanboai mes.’”

Luke 13:4

Ato sabu auyotoat sasagis nimtereban baitonin nanaba Siloam nan goa ann weromin on osi tefasi ifeu iyasububunues on mamaba i? Omi wononosin woi dura bag osi sabu bokomasotis bag men ato sabu fani engon nan Jerusalem semama ba i?

Luke 6:37

Iesu an dura nana ikakafun iyau, “Omi sabu men wonigurubabanis mes ato God arimon men omi inigurubabanim on; omi sabu men wonimakies mes ato God arimon men omi inimakiem on; omi sabu woninotbures, ato God arimon omi innotburem.

Acts 13:38

Yau taitaiu tutuau, omi engon tutufin wonsagob tiwag, Iesu Kerisoai on ato bokomas bainotbur an dura on aurim wakurereb; ato omi wonsagob tiwag iyai iyafan On ebitutumai on an bokomas emon on irufanai, ato Moses an Baifafaro dura on men fofonin arimon ami bokomas emon itrufanim on.

Ephesians 1:7

Keriso irarabob emon on ot on sirufanit, on min ati bokomas on sinnotbur. Yabin God an kaber on gagamin bag,

Ephesians 4:32

Baise omi on wonmanau wonkaber a tuturam auris woniyababan, a tuturam mat woninotburem, ato God On Kerisoai ibinotburem ba.

Colossians 3:13

Omi tuturam mat wonibaibais bonen a tuturam wonnotbures; mamaba sebiubarem on. Omi tuturam woninotbures on eta kaitamomai ato Bada ebinotburem ba.