Matthew 5:30 - Ubir

³⁰ Om imam ausumaiuai iniyamem unbobokomas on, imam yasutin ereben! Iyobin bag om imam tani on unisiwanai men usim engon inan wairaf an efan komasinai inar mes.”

Matthew 5:30 Iomraidhean Croise

Matthew 11:6

Osi iyabon Yau auriu asi not men ekuseseb on, osi auris on yasisir gagamin!”

Matthew 13:21

Baise dura on men erur nunuas amonai yen on, ato osi wera dibon wat on sebitutum. On mes bobo komasis o baikokosar senat yabin osi dura sibo on mes, on ra kaita osi dura sebikirir.

Matthew 16:23

Iesu irutabir ato Peter aurin iyau, “Om Afaguban, eikirireu enai! Om on Yau au eta eyafofotai, yabin atonio om am bainonot on men God emon inat on, baise orot jever emon inat.”

Matthew 17:27

Baise ot men tagogoi atonio osi sabu taniyatatabis mes. On mes om enai Galilee kamitai nan ato tokar ereben esur. Iyan ainau ato am tokar ingigitobon on untein inag, ato on iyan awanai on arimon agim auman untein inag, on agim on arimon om Yau rut ato tafaror goa an agim takes tanyeyeinin an fofonin on ungaturai. On agim unboai ato ati agim takes unyein.”

Matthew 18:8

“Om imam o amm iniyamem am baitutum infefeu on, unasutin intutu ato unreben! Iyobin om usim turin wat on yawas mama wantoanin amonai unar, men amm imam sinen ato arimon wairaf mama wantoanin on nan sinrebenim.

Matthew 22:13

Namon aiwab orot on an agirotis iyawures iyau, ‘Orot ann iman wofatumen ato kounai worebetet ingat, on nan womanai inama. On arimon nan inatou wan initafoforen.’”

Matthew 25:20

Agirotin iyafan agim 5,000 kina i’boai on inat ato agim 5,000 kina ba an bada itai. Agirotin iyau, ‘Bada, om agim 5,000 uteu. Eite, om am agim 5,000 kina ba tefanai aiyamai.’

Matthew 26:31

Namon Iesu osi auris iyau, “Ari fom on omi arimon engon woniyai kirireu, yabin God an dura buk amonai sigayam siyau, ‘God arimon foro sheep kaifarotin on inasubun ato foro sheep on arimon fetag fetag sintagege.’

Matthew 5:22

Baise ari awurem: iyai iyafan tain tuan aurin inbiyatatab on sinboai sinan baigurubabanotin nanai intawar, iyai iyafan tain tuan inawur, ‘Om yabim wagan wat!’ on arimon sinboai sinan Jew babadis nasi intawar, a iyai iyafan tain tuan inawur, ‘Om ojim bag,’ on arimon inan wairaf an efan komasinai nan inar.

Matthew 5:29

On mes om matam asumaiauai iyamem ubokomas on, matam eboseir ereben! Iyobin bag om usim turin wat on unisiwanai men usim engon sinreben inan wairaf an efan komasinai inar mes.

Mark 9:43

On mes om imam tani iniyamem am baitutum infefeu on, imam unasutin intutu! Iyobin bag om imam kaitamom wat on yawas obin unboai, ato men ibasit imam ruam mat engon unan wairaf an efan komasinai unar ato on wairaf on wantoan eyoyour.

Luke 12:5

Yau aniyoboem Orot Iyafan on wonberuai: God wonberuai, On arimon inasubunuem a On an baibad yen inboem wairaf an efan komasinai inyeinim. Dura bag, omi On Orot ekesin mom wonberuai!

Luke 17:2

Iyai iyafan on bobo komasin iniyamai fifi kafakakai inbobokomas on, iyobin on orot jever on anjonai agim gagamin sinous ato kamit borit badamai sinreberirai insur inamtotom inarab.

Romans 9:33

God an dura buk amonai sigayam on ebikakafun yau: “Woit, efan wabin Zion, on nan agim ayein, on agim on sabu iniyames ass sinrugedanen, on agim on iniyames sinafeu. Baise iyai iyafan On agim ebitutumai on arimon men mamai inboai.”

1 Corinthians 8:13

On mes yau bayu aifan a’nin on nan abiyamai taiu tuau ebokomas on, yau men masono a’nan men, onai yau men gibui aniyamai inbokomas men.

Galatians 5:11

Yau taitaiu tutuau, yau nana ato askibubu aurin dura atkurereb on, aibo mes yau nana Jew yangan baikokosar sitbibiteu i? On nanaba dura bag on ato nab aurin akurereb on men yababan tani itmatar on. Baise ambin!

1 Peter 2:8

Ato God an dura tani buk amonai sigayam siyau, “Sabu on arimon atonio agim on tefanai sintawar ass inrugedan, agim on arimon iniyames sinafeu.” Osi ass sirugedanen yabin osi sabu on men dura aurin situtum on mes; God atonio bobo aurin on ainau inonotai nono nanaba auris itmatar mes.