Matthew 21:5 - Ubir

⁵ “Zion mafam gagamin an sabu wawures, woit, omi ami Aiwab on enat aurim! On itafoum men foro donkey tefanai imair a On donkey kafakakai tefanai imair enat.”

Matthew 21:5 Iomraidhean Croise

Ann Bokwakwarin 49:10

Judah on arimon aiwab an kututu inboai. Ato nanatun wawan agirin arimon ra fufur sininetewar. Judah on nana inbinetewar weie Shiloh innat ato sabu engon tutufin sinifonabo a nanai sindas sinrouen usos sin tur.

Matthew 11:29

Yau au baibebe on wonboai ato omi usimui wonyein ato Yau emon wonsagob yabin Yau nunuau on nuataiai a kitumin wat; ato omi arimon baiyarir wongaturai.

Matthew 2:2

ato osi sitetem siyau, “Fifi irat Jew yangan asi Aiwab mes on menan nan emama i? Wei On an siribod wait wera matan emon igai ato wei wanat On wankwafirai mes.”

Matthew 2:6

‘Om Bethlehem mafam gagamim Judea tafanam amonai, om on dura bag gagamim bag Judah tafanam an bainetewarotis engon tefasi, om emon on arimon bainetewarotin tani innat, On arimon innat au sabu Israel yangan asi kaifarotin mes inmatar.’”

Matthew 21:6

On mes baigibubunuotis sinai ato Iesu mamaba i’yawures on nanaba sifour;

Luke 24:27

Ato Iesu on osi auris idudur mamaba buk amonai engon On Toun aurin sigagayam on, On ainau Moses an buk amonai sigayam on nan ibosuruf ato inat aubairuruotis engon sigagayam on auris igat.

John 1:49

Nathanael iyafotai iyau, “Baibebeotim, Om on God Natun! Om on Israel yangan asi Aiwab!”

2 Corinthians 10:1

Yau Paul, on Keriso an kitum an manau kaberai onai nan atawar ekesiu wat abifefeyanim—sabu fani sau yau omi bisimui amama on kitumiu dura samisamis wat abikakafun, baise omi abikirirem anan mabiui on ato aurim on dura wawaninai wat abikakafun.