Matthew 20:15 - Ubir

¹⁵ Yau au baibad yen tou au gogoi nanaba au agim aurin anafour. O om ebiboboar yabin yau au obin atonio osi sabu auris afofour on mes i?’”

Matthew 20:15 Iomraidhean Croise

Matthew 11:25

On an werai Iesu iyau, “Tamau, safam a tafanam an Bada! Yau abikakaiwim kwakwan bag yabin atonio osi bobo on sabu gigiboanotis a sagobotis auris on ubuni ato sabu ato fifirig gugudis ba on uyoboes.

Matthew 20:14

Omi ami agim woboen ato wonai au go. Yau agogoi atonio orot gibui bag awur ibobo on an baiyan anitai mamaba om abitem ba.

Matthew 6:23

baise om matam komasin on, om usim on arimon inwouman. On mes om am tafa usimui woumanin on, arimon wouman on didibar bag inmatar!”

Mark 7:22

ebireg nan, ebiafeyan, bobo komasis ta ta efofour; baisigogo dura ebiyamen, bobo komasis, ebiboboar, ebisigogo, etaseseir, kokok ba-osi komasis engon on orot nunuan emon ebiyamai edudum.”

John 17:2

Yabin Om baibad Natum utai sabu engon tutufin auris onai Om sabu engon tutufin ubitai on yawas mama wantoanin itites.

Acts 13:45

Jew yangan ato sabu kuayo gagamin bag si’tai on, siboboar; ato Paul dura aifan ibikakafun on osi awanai nan sibibas a aurin dura komasis si’yawur.

1 Corinthians 4:7

Omi iyafan ifourim wonat gagamim bag womatar, men sabu fani ba? God on men bobo engon tutufin item? Ato osi bobo wonboboen mes on, aibo mes toum wobifaim, sitau omi bobo men God emon wobo bait?

Ephesians 1:11

God an bainonotai a on an gogoiai on atonio osi bobo engon tutufin ifouren; ato Keriso mat tabikaita on Bada irubinet On nanatun mes tamatar, yabin On Toun an gogoiai, osi bobo engon tutufin auris on anai bag nan inonoten.

Ephesians 2:1

Ainau bag omi on ayuai nan worabob womama yabin omi woifonaseir a wobokomas on fasinai.

Ephesians 2:5

ot ati fonaseir fasin emon on ayuai tarabob tamama ato God on Keriso a ot mat iboet tanat yawas itet. God an kaber emon on iyawasim.

James 1:18

On Toun an gogoiai yawas an dura maiauinai on ot orot jever maiauit ifourit, onai On an baimataren amonai on ot efan ainauin on tatboai mes.

James 5:9

Yau taitaiu tutuau, omi men duraiai nan toum wonagam bonen mes, onai God arimon men inigurubabanim on. Baigurubaban on inat iufin nono, ibotitiwagai kafakakai mom inrobotet mes.