Matthew 2:6 - Ubir

⁶ ‘Om Bethlehem mafam gagamim Judea tafanam amonai, om on dura bag gagamim bag Judah tafanam an bainetewarotis engon tefasi, om emon on arimon bainetewarotin tani innat, On arimon innat au sabu Israel yangan asi kaifarotin mes inmatar.’”

Matthew 2:6 Iomraidhean Croise

Ann Bokwakwarin 49:10

Judah on arimon aiwab an kututu inboai. Ato nanatun wawan agirin arimon ra fufur sininetewar. Judah on nana inbinetewar weie Shiloh innat ato sabu engon tutufin sinifonabo a nanai sindas sinrouen usos sin tur.

Matthew 2:1

Iesu on Bethlehem mafam gagamin Judea tafanam amonai on nan irat, on an werai min Herod on aiwab orot imama. Wera men weromin gibunai sabu fani siribod an sagob gigiboanotis on wera matan emon sinat au Jerusalem

Matthew 28:18

Iesu inat auris iufin ato iyau, “Yau on God baibad engon tutufin safamai a tafanamai on iteu abo.

John 21:16

Iesu on dura bairuin ba on aurin iyau men, “Simon, John natun, om min Yau uinuaboiu i?” On iyafotai iyau, “Dura bag Bada, yau on Om ainuaboim.” Iesu on aurin iyau, “Om au foro sheep unkaifares.”

John 7:42

God an dura buk amonai sigayam siyau, Keriso on arimon aiwab David an warar emon innat ato arimon Bethlehem nan inarat, mafam gagamin menan David imama nan.”

Ephesians 1:22

God on bobo engon tutufin Keriso an faiwar babanai iya, ato irubinai inat ekalesia yangan asi Unin gagamin faiwarin bag imatar bobo engon tutufin auris.

Colossians 1:18

Keriso on bainetewarotin God an sabu auris, on seyoyorai ekalesia. On yawas ann bokwakwarin God an sabu auris, On min on seyoyorai usin. On on Natun abou bag, On ainau God rabob emon ibobaimisirai, On ekesin mom sawar engon tutufin tefasi on efan ainauin itboai mes.

Hebrews 7:14

Ot rererebai tasagob ati Bada on Judah an dam emon, ato Moses priest auris ibikakafun on men atonio dam aurin iyau on.

Revelation 11:15

Namon anea nimtereban bairuin on an dour ibabain ato fonas gagamis safam emon on sibikakafun si’yau, “Faiwar ato tafanam engon bainetewar aurin on ari ot ati Bada a On an Keriso rus ebinoanis ato On arimon ra au wantoan au wantoan ininetewar!”

Revelation 7:17

yabin Orot Foro Sheep boboun On mamage basunai emama on arimon osi asi Kaifarotin mes inama ato On arimon inbonanawaiis sinan sareu dogu emon egeg yawas ebites on nan singat. Ato God arimon matasi emon maturus engon insafanen.”