Matthew 2:13 - Ubir

¹³ Nanawanotis sinai gibunai, Bada an anea on bomomoutai nan irobotet Joseph aurin ato iyau, “Herod on arimon fifi innuen ato inasubun. On mes om emisir fifi ayon rus eboes ato wonayai wonan au Egypt ato nan wonama weie Yau anawurem on nanaba tafanam wonikirir.”

Matthew 2:13 Iomraidhean Croise

Matthew 1:20

On atonio bobo aurin on ibinonotai ato Bada an anea on fom Joseph iyenbubur nan bomomoutai aurin irobotet ato iyau, “Joseph, David an dam warar emon, om Mary baiawanin aurin on men unaber mes. Yabin on Ayu Kakafotin emon on inafot.

Matthew 10:23

Omi mafam gagamin taniai nan sabu baikokosar sinbibitem on, wonayai wonan mafam gagamin taniai nan wongat. Yau awurem dura bag Israel mafam gagamis engon amosi on men arimon ami bobo wonisawarai weie Orot Natun innat.

Matthew 2:12

Namon osi eta taniai simatabir men sinai asi tafanam aurin yabin God on bomomoutai nan iyawures men sinmatabir men Herod aurin.

Matthew 2:14

Joseph imisir fifi ayon rus iboes ato fom amonai sinai au Egypt.

Matthew 2:16

On an werai Herod isagob nanawanotis wera matan emon si’nat on sisigoai, on mes on yan men sunub itatab. On dura wawaninai iyau wou yangan on fifirig orot gugudis Bethlehem mafam gagamin amonai a on mafam gagamin bisinai mafam gugudis amonai semama osi iyabon asi kwanda ruam a on babanai on sitasububunues mes- on atonio bobo ifour mamaba nanawanotis bisisi emon isasagob on, on an rai siribod irorobotet nan.

Matthew 2:22

Baise Joseph dura itatam on Archelaus on taman Herod an efan ibo inat Judea yangan asi aiwab orot imatar on, Joseph iber men fofonin nan itan. God on bomomoutai nan Joseph iyaubaiyatai, on mes Joseph inai Galilee tafanamai nan

Acts 10:22

Osi siyafotai siyau, “Wou yangan asi bainetewarotin wabin Cornelius, on iyafarei wanat. On orot on obin, on God ekwakwafirai a Jew yangan engon on men sunub sekakafai on. On God an anea dura ikasonai, on om ebibebegim unnat an goai nan unfasiuai mes, ato om dura aifan unbikakafun on intatam mes.”

Acts 10:7

Namon anea on Cornelius aurin ibikakafun on inai, ato Cornelius on an goa an agirotis ruam a on an wou orot tani on aurin ebobo, on orot on God an yawasai ifaskikin tiwag, osi siyores sinat.

Acts 12:11

Namon Peter on isagob ato bobo on aifan aurin imatar ato iyau. “Yau ari asagob atonio bobo imamatar on dura bag! Bada an anea iyafarai ato Herod an faiwar emon a bobo engon tutufin aurin ato Jew yangan sinonosin on itafour, ato osi emon on iyawasiu.”

Acts 12:7

Ra kaita Bada an anea on nan itawar, ato an ratafin on fafatum goa amonai itagawai. Anea on Peter abaranai ibaban imisir, ato iyawur iyau, “Om gariwat emisir!” Ra kaita fatum ruam on Peter iman emon sifeuen.

Acts 16:36

On mes fafatum goa kaifarotin on Paul iyawur iyau, “Babadis dura siyafar on om a Silas rum on wongat mes. Omi, tufai wonan.”

Acts 5:19

Baise on fom on Bada an anea on fafatum goa an metewan iruseren ato baiyoyobotis ibonanawaiis sigat au koun, ato osi auris iyau,

Acts 7:19

On ot ati sabu isigoes a on an yawas komasis on wawat agirit auris ifour, on dura wawaninai iyawures nanatus gugudis siboen sigat goa kounai siya nan sitarab mes.

Revelation 12:14

Baise jever on kiwiu kikim gagamin fafes ruam on sitai onai on inarob inan an efan koiteterinai ingat nan sinkaifarai kwanda ton a on tefanai nanaba insawar, on nan mabinai inama ato mota on men fofonin on iniragitai on.

Revelation 12:4

On mota ginai on safamai siribod turin on engon tutufin irereb iteinen sigat ato au tafanam ireberir sisur. On mota on jever nanai itawar onai on jever ittotoub on natun fifi orot boboun on i’tan mes.

Revelation 12:6

Jever on iyayai inai efan koiteterinai nan, efan menan God on aurin i’botitiwag on nan, on arimon nan ra 1,260 nanaba sinkaifarai.