Matthew 1:21 - Ubir

²¹ On arimon natun orot inituai ato om wabin unyorai Iesu-yabin On arimon an sabu asi bokomas emon on iniyawasis.”

Matthew 1:21 Iomraidhean Croise

Ann Bokwakwarin 17:19

Baise God iyau, “Ambin bag! Om awam Sarah on arimon natun fifi orot inituai ato wabin unyorai Isaac. Yau au dura bo baibasit on fifi orot a wawan agirin auris aniyamai. On dura bo baibasit on arimon inen wantoan au wantoan.

Ann Bokwakwarin 17:21

Baise Yau arimon au dura bo baibasit on natum Isaac aurin anbokikin. On fifi orot min arimon Sarah inituai atonio wera nanaba inan kwanda tani.”

Ann Bokwakwarin 18:10

Osi sanasi orot tani on iyau, “Ari ra inan roke nimtereban bat insawar gibunai, yau arimon anmatabir men ato om awam Sarah on arimon fifi orot inituai.” Sarah on ato orot dura ibikakafun on kounai bag guwi metewan awanai imair imama itatam.

Matthew 1:25

Baise Joseph on men fom tani Mary rus usis sikaita weie fifi orot ituai on. Ato Joseph fifi wabin iyor Iesu.

Luke 1:13

Baise anea on aurin iyau, “Zechariah om men unaber mes! God on om am bayoi itatam, ato awam Elizabeth on arimon natum fifi orot inituai, om wabin unyorai John.

Luke 1:31

Om arimon uninafot ato fifi orot unituai; ato wabin unyorai Iesu.

Luke 2:11

Ato ari ra David an mafamai nan on omi ami Baiyawasotin irat—Bada Keriso!

Luke 2:21

Tafaror kaitamom isawar ato fifi orot an wera inat sitiaskibubuai mes, ato osi wabin siyor Iesu, anea atonio wab on Mary itai weie on gibui inafot.

John 1:29

Ra itom John on Iesu it aurin i’nat ato iyau, “Woit, atonio Orot on God an Foro Sheep Boboun, On arimon tafanam an bokomas inboai inan!

John 4:42

ato osi jever siyawur siyau, “Wei ari wabitutum, men ato on dura aifan u’yau aurin on baise wei toui tainaii on watatamai, ato wei wasagob On on dura bag tafanam an Baiyawasotin.”

Acts 13:23

Iesu on David an dam warar emon, ato God iyaumatan nanaba on ifour Baiyawasotin ibo inat Israel sabu auris.

Acts 3:26

On mes God On an Agirotin irubinai ato ainau omi aurim iyafarai, inimomoginem a omi sabu engon tutufin ami yawas komasis wofofour emon on inibaisim wonikirir mes.”

Acts 4:12

Yawas on, On ekesin emon wat tangaturai; men iyafan tani atonio tafanamai On Wabin God itai sabu auris, ab Iesu ekesin mom on ot iniyawasit.”

Acts 5:31

God ibobaimisirai ato On an asumaiauai emama, ato inat Bainetewarotin a Baiyawasotin imatar, onai Israel sabu iniyames ya baikitabir sinboai ato God asi bokomas innotbur.

Titus 2:14

Iesu Keriso on Toun ikutetai irabob ot ati obin tatboai aurin. On atonio bobo aurin on irabob, ato ot gibui men bobo komasis tanfouren mes a ati bobo komasis emon on iyawasit obit bag tamatar a ifourit On an sabu bag tamatar, tatbotitiwagit ra fufur bobo obis wat fouren aurin.

Hebrews 7:25

On yabinai On ot weinet on ra fufur God aurin ebabayoi ato ot God aurin tannat on dura bag arimon iniyawasit. On atonio bobo inafour yabin On ra fufur emama, ebotitiwag sabu inibaisis osi iyabon God nanai sintatawar on.

1 John 1:7

Baise ot ratafinai tamama—On Toun on ratafin—namon ot tanruruayo tanbikaita tuturat mat On an dura tanfasararam bonen, ato On Natun Iesu on ati bokomas emon on an taraiai esosouit tagugumidar.

1 John 3:5

Omi wosagob Keriso irorobotet on sabu asi bokomas inboai inan mes, ato On aurin on bokomas ambin.

Revelation 7:14

Yau aiyafotai au, “Bada, yau men asagob.” Ato yau aiyafotai awur au, “Ato om usagob osi men emon sinat.” On iyawureu iyau, “Atonio osi sabu on baikokosar komasin si’boai on yawasis wat sinat sigat. Osi on asi beber weroromis sisouen ato Orot Foro Sheep boboun an taraiai on siyamen sikakai.