Luke 8:48 - Ubir

⁴⁸ Iesu jever aurin iyau, “Yau natu, om am baitutum emon on uyawas, tufai unan.”

Luke 8:48 Iomraidhean Croise

Matthew 12:20

Sabu asi yawas samisamis auris on arimon dura nuataiai wat auris inikakafun, a sabu asi yawasai sefofourtobon wat on arimon men inagam inawures on. On atonio bobo on arimon nana infofour weie iniyamai sabu on God an baifafaro dura aurin sinifonabo,

Matthew 8:13

Namon Iesu on wou yangan asi orot gagamin aurin iyau, “Om enai au go ato om mamaba ebitutum on arimon inmatar.” Ra kaita wou yangan asi orot gagamin an agirotin on iyawas.

Matthew 9:2

sabu fani on orot raguraguin ireai i’yen auman sibo sinat Iesu aurin. Iesu iyeit sabu ites on asi baitutum irat bag, on mes On orot raguraguin aurin iyau, “Natu eiyasisir! Om am bokomas on ainotbur.”

Matthew 9:22

Iesu irutabir jever it ato iyau, “Natu jeverei eiyasisir! Om am baitutum emon on uyawas.” Men weromin jever on iyawas.

Mark 5:34

Iesu on jever aurin iyau, “Natu jeverei, om am baitutum emon on uyawas. Om tufai unan am komasin emon on uyawas.”

Luke 17:19

Ato Iesu on orot aurin iyau, “Om emisir enai; am baitutum emon uyawas.”

Luke 18:42

Iesu orot aurin iyau, “Matam yeit men! Om am baitutum emon uyawas.”

Luke 7:50

Baise Iesu on jever aurin iyau, “Om am baitutum emon uyawas; tufai enai.”

Luke 8:47

Jever isagob on sigaturai nono, on mes on inat ann iman sibiror auman Iesu nanai sindan irou. On nan sabu engon tutufin nasi Iesu ikasonai yabin aibo mes an beber iruyein a on mamaba ra kaita iyayawas aurin on.

Acts 14:9

On orot on nan imair imama Paul an dura itatam; Paul it orot dura itatam on itutum ato fofonin arimon ityawas, on mes on totor wat orot aurin iyeit,

2 Corinthians 6:18

Yau arimon omi Tamam mes anmatar, ato omi arimon Yau nanatu fifirig a jeverig mes wonmatar, Bada Faiwarin on nanaba iyau.”

Hebrews 4:2

Ot mat on God an Wasagobin on aurit sikurereb tatatam nono, ato osi auris sifofour ba; baise osi wasagobin sitatam on men situtum, on mes osi men obin aifan tani ibaisis on.