Luke 6:12 - Ubir

¹² On an werai Iesu igai oyauai nan itbayoi mes ato On fom tutufin on nan ima God aurin ibabayoi.

Luke 6:12 Iomraidhean Croise

Matthew 5:1

Iesu sabu kuayo gagamin ites si’nat ato On igai oyau tefanai nan imair. On an baigibubunuotis on sinat sikufifinai

Matthew 6:6

Baise om unbabayoi on, unan am goa amonai unar metewan unrufot ato Tamam men toum matamui eitai on aurin unbayoi. Ato om bobo mamaba bubuniai efofour on Tamam eitem, On arimon inibaiyanim.

Mark 1:35

Ra bairuinai fomenei an womanai nan Iesu imisir goa ikirir igat inai. On mafam gagamin emon igat inai tafanam kifafanai nan ibabayoi.

Mark 3:13

Namon Iesu inai oyauai igai ato On an gogoi sabu on iyores. Osi On aurin sinat,

Mark 6:46

On an baigibubunuotis iyau baitotoris si’nan gibunai On igai oyauai nan itbayoi mes.

Luke 5:16

Baise On imamatabir men i’nan tafanam kifafanai nan ibabayoi.

Luke 6:11

Baise osi on yas sitatab kwakwan ato sibosuruf tous sanasi sibikakafun bonen bobo mamaba Iesu aurin sitafour mes.

Luke 6:17

Iesu an baiyoyobotis mat oyau emon sisur ato, On oyau anai efan tetefinai nan an baigibubunuotis kuayo gagamin mat sitawar. Sabu kuayo gagamin bag on Judea tafanam emon a Jerusalem emon sinat a Tyre a Sidon asi tore mafam gagamis on emon sinat;

Luke 9:18

Wera tani Iesu ekesin mabinai ibabayoi ato an baigibubunuotis sinat aurin. On itetemis iyau, “Sabu kuayo Yau auriu on mamaba sau?”

Luke 9:28

Tafaror kaitamom gibunai Iesu on atonio osi bobo auris on ikakafunen, ato On Peter, John a James osi iboes mat sigai oyau aiyetunai nan bayoi mes.

Luke 9:29

Iesu ibabayoi an werai, On magin an itin iyabatabir ato an beber on kakakaiin bag imatar.

John 6:3

Iesu an baigibubunuotis mat sigai oyau tefanai ato nan simair.

Colossians 4:2

Omi God aurin on wantoan wonbabayoi, ato omi God aurin wonbabayoi on wonbinonotim tiwag On aurin wonbikakaiwai.

Hebrews 5:7

On an werai Iesu nin tafanamai imama on, God aurin baibais mes ibayoi. On ibayoi kwakwan ato God aurin itou, yabin On isagob God arimon rabob emon iniyawasai. On an kakaf God aurin on irat kwakwan on mes On an bayoi God aurin ibifefeyan min fonan itatam ato iyafotai.