Luke 3:36 - Ubir

³⁶ shelah on Cainan natun; Cainan on Arphaxad natun; Arphaxad on Shem natun; Shem on Noah natun; Noah on Lamech natun;

Luke 3:36 Iomraidhean Croise

Ann Bokwakwarin 5:3

Adam ima an kwanda 130 weie natun orot Seth irat. Seth min taman an itin ba irat.

Ann Bokwakwarin 6:22

God mamaba Noah iforai on engon nanaba ifour.

Ann Bokwakwarin 7:13

On ra kaitamomai usan ibosuruf iyayar an werai Noah awan rus, nanatun orot ton; Shem, Ham a Japheth awawas mat on engon sinai wa amonai sirui.

Ann Bokwakwarin 7:23

Ato sawar yayawasis nin tafanamai simama on engon ifufun, sabu a bobaitu ato motobai sibibib a kiwiu aiyetunai osi mat engon tafanam emon ifufun. Noah ekesin mom a iyabon on mat wa amonai sirui on siyawas.

Ann Bokwakwarin 8:1

Baise God on Noah a bobaitu mat engon nan wa amonai simama on men inosfotes on. God on yabat iyamai isisin ato sareu ibosuruf itiririn isusur.

Ann Bokwakwarin 9:1

Namon God on Noah a on nanatun orot mat engon imomogines ato iyawures iyau, “Omi nanatum fifirig sigaraba wonitu ato ami dam warar inarat tafanam engon inibonuai.

Ann Bokwakwarin 9:18

Noah nanatun orot iyabon ato wa amon emon sigat on Shem, Ham a Japheth. (Ham on Canaan taman)

Luke 17:27

Noah imama an werai on sabu bayu si’yam sitotom a orot jever on sitatabin ato on an rai Noah inai wa amonai irur mom on sareu igat sabu engon tutufin iyasububunues.

Luke 3:35

Nahor on Serug natun; Serug on Reu natun; Reu on Peleg natun; Peleg on Eber natun; Eber on shelah natun;

Luke 3:37

Lamech on Methuselah natun; Methuselah on Enoch natun; Enoch on Jared natun; Jared on Mahalaleel natun; Mahalaleel on Kenan natun;

Hebrews 11:7

Noah an baitutum emon on God an dura itatam ato bobo mamaba gibui sinmamatar aurin on, ato on toun on men matanai it isagob on. Baise on God aurin ifonabo ato wa gagamin bag iyon awan nanatun itiwanis mes. On an baitutum emon on ato bobo ifour sabu iyoboes on osi bobo fetag sifour. Ato on an baitutum emon on inat God matanai an yawas totorin obin imatar.

1 Peter 3:20

Atonio osi ayu on ainau bag Noah an rai on men God aurin sifonabo, On yaterabobai nan osi auris imomousis ato Noah an wa iyoyonin nan. Sabu ruamom wat on wa amonai—sabu nimtereban baitonin wat—on wa amonai on sirui ato sareu gagamin i’gat emon on God iyawasis,

2 Peter 2:5

On eta kaitamomai omi wononosin ainau bag sabu Noah an werai simama on, asi yawas komasinai wat sifofour, osi men sigogoi God an dura sitkakafai, basit Noah on sabu iyawures God an yawas totorin an eta on sitigibubunuai mes. Ato God men ikaberes ikirires asir sima on. Ambin bag, God sareu gagamin iyafarai ato sabu engon tutufin sareu sitoman sirarabob. Ato God on Noah an dam warar nimtereban ruam nanaba awawas nanatus mat wat on ikaifares nana yawasis sima.